Popular Bible Verses from 1 Tesalonica 5

Share

Pirme kam a magsaya. Pirme kam a magdasal. Sakay magpasalamat kam tu Diyos maski anya u mangyare. Dipo sa iye u kagustuwan nu Diyos a gimitan moy nadid a nakpagkaessa kamon ni Cristo Jesus.

Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo. Matapat u Diyos a nangdulaw nikam kaya tupadán na iye a talaga.

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.

Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.

Awan kitam pinile nu Diyos para parusaan nan para iligtas na kitam tu pamamagitan nu Panginoon tam a ti Jesu Cristo.

Sakup kamon nu Diyos. Kaya mabiyag kamon a atanan a konna tu essa a katoy tu demlag, bakán a konna tu essa a katoy tu kadiklámman.