USANG DAHA' ISRAEL 26
26
Lepau Avan Tuhan
Us 36:8-38
1“Sayu im na Lepau Avak Melo' atih, pakei pulu li'ap balun. Sayu manyam na' men uvan puti lanih dahin uvan nyemit avi langit, uvan nyemit mavoh dahin uvan bela ngelehirang. Sayu daha' manyam na' sayu-sayu na gaben meliket kerub té' iha'. 2Sayu na arun ha'ut-ha'ut balun anan pulu-dua' meter ji unang#26:2 12 METER JI UNANG iha' tih 6 depa' ji unang., berang na' dua' meter#26:2 2 METER iha' tih ji depa' huwi., sayu ha' piah lim arun balun anan, piah berang na' lahuh. 3Lima' balun anan en ngepet pething jadi' ji tua nah, nunan pah aleng lima' la'an atih en ngepet jadi' ji lahuh. 4Im na pakau té' balan balun aleng en pething kedua' anan, uvan nyemit awi langit im na pakau na'. 5Lima'-pulu pakau té' ji aleng una', nunan pah té' ji aleng kedua' anan ja ha' jadi' petuk. 6Sayu im na lima'-pulu kawit met ja ngavan petuk dua'-dua' balun aleng en pething anan dih, ja ha' jadi' ji tua nah.
7“Nurei lahuh sayu im na hapau Lepau Kui anan, ala pulu-ji li'ap balun aleng men bulun kading im na hapau na'. 8Arun ha'ut balun anan pulu-telo' meter ji unang#26:8 13 METER JI UNANG iha' tih 7 depa' ji unang., berang na' dua' meter, sayu ha' piah lim arun pulu-ji balun anan, piah berang na' lahuh. 9Lima' li'ap balun bulun kading anan im ngepet pething, nurei pah aleng nem la'an atih. Aleng kenem li'ap balun bulun kading atih en lepet dua' ha' uveng ba lepau atih. 10Sayu im na lima'-pulu pakau té' balan balun aleng en pething una' anan, nunan pah lahuh na lima'-pulu pakau té' balan aleng kedua' anan lahuh. 11Sayu im na lima'-pulu kawit temaga' ja metei na' té' pakau anan, ja dua' anan pelapit jadi' ji. 12Marung balun aleng huwi té' lepau atih, sayu nah balei balun anan nenguloh ha' uveng jenamin na'. 13Ji unang meter#26:13 JI UNANG METER iha' tih 2 puhek huwi. uveng anih nurei pah uveng ji atih lahuh, aleng huwi té' balun anan sayu nah iha' nenguloh pelengep lepau anan bah ji dahin bah ji, ja iha' nah aleng tabun na'.
14“Sayu im ala anit duba laké' aleng en ngareng bela na tabun Lepau anan, dahin anit masik aya' pedah hujung anit duba atih la'an.
15“Sayu im na tegan kayo' penaga na liding Lepau Kui anan, en tuk tegreng, 16arun ha'ut-ha'ut tegan liding anan pat meter ji unang#26:16 4 METER JI UNANG iha' tih 2 depa' ji unang., berang na' tusu-pulu sentimeter#26:16 70 SENTIMETER iha' tih 3 puhek.. 17Ha'ut-ha'ut tegan liding na', na dua' kudek na', ja ngavan patah-patah na', nunan lim-lim im na lim tegan liding Lepau Kui anan. 18Sayu im na dua'-pulu tegan liding Lepau Kui anan aleng bah ta'o matan dau pa'un. 19Sayu im na pat-pulu sut ngavan dua'-pulu tegan liding na' nesut, pirek im na sut na', dua' im tei hida ji tegan ngavan nageng kudek na' nan, nunan-nunan nah im na lim na'. 20Bah ji Lepau Kui anan, iha' tih bah ulei matan dau pa'un, sayu im na dua'-pulu tegan liding lahuh, 21dahin pat-pulu sut ngavan tegan liding na' nesut, pirek im na, dua' im tei hida ha'ut ji-ji tegan liding anan. Nunan-nunan nah im na na' lim. 22Ha' la'ung Lepau Kui anan, iha' tih pedah matan dau uli, sayu im na nem tegan liding na'. 23Im na peging dua' tegan liding ha'ut tukuk na' ha' uveng avut Lepau anan. 24Dua' tegan liding tukuk anan en na pelapit men ida ateng hujung, ji tua belegin aleng té' iha' atih. Nunan nah tuk na' dua' tegan liding tukuk anan, nunan nah jam dua' tukuk na' anan. 25Jadi' saya' nah tegan liding hujung pulu-nem sut atih, dua' sut behida té' ji tegan, nunan-nunan nah na ha'ut na'.
26“Sayu im ala kayo' penaga na kayo' selatek na' lahuh. Lima' kayo' selatek Lepau Kui anan bah ji, 27nurei pah bah ji, nurei pah aleng ha' uveng na' jenamin, iha' tih aleng pedah matan dau uli. 28Kayo' selatek aleng marung belua liding anan sayu ha' mutang té' tegan atih men uveng ji ateng uveng ji. 29Lim-lim liding anan im usut met, sayu im na belegin met ngavan masuk kayo' selatek atih te' iha'. Kayo' selatek anan pah lahuh im usut met. 30Uh anan iha' nah im meju Lepau Ngavak Melo' anan ngioh aleng Ek bara ika' hujung ngalang anih.
31“Sayu im na liding balun, balun aleng en daha' aleng haman na balun na. Lah na' nyemit awi langit, dahin nyemit mavoh, balun bela ngelehirang, dahin balun puti lanih anyam na', en na gaben meliket kerub té' balun anan. 32Sayu im nyakap-nyakap na' té' pat jihé' kayo' penaga aleng uh en usut met, té' jihé' aleng té' pirek té' pa'un na', dahin aleng té' kawit met té' iha' atih. 33#Ib 6:19; 9:3-5 Sayu im nyakap-nyakap liding balun anan té' kawit aleng té' té' jihé' na', hinan nah im melo' Pati Avan Jaji anan, iha' tih ha' pedahalem liding balun anan. Liding balun anan nah aleng hang Ngavan Aleng Ma'ang dahin Ngavan Aleng Atek Ma'ang Lan. 34Ben aleng ngavan pekesayu na atih im tei té' ujung Pati Avan Jaji atih ha' alem Ngavan Aleng Atek Ma'ang Lan. 35Mija' atih dih, sayu im melo' na hawang liding balun atih, pedah ulei matan dau pa'un alem Lepau Kui ladung lirui atih bah ji mija' atih, iha' tih bah ta'o matan dau pa'un.
36“Sayu im na ji balun, na ba lepau anan aleng té' kalung anyam na', iha' tih balun nyemit awi langit, nyemit mavoh, balun bela ngelehirang dahin balun puti aleng lanih. 37Sayu im na lima' jihé' kayo' penaga ngavan balun ba anan nekayung. Sayu im musut met té' iha', en tei nah kawit met té' iha' lahuh. Im nyelung nah temaga' im tei té' lima' pa'un jihé' atih lahuh, iha' tih en na sut na'.
Currently Selected:
USANG DAHA' ISRAEL 26: TDK1990
Highlight
Copy
Compare
Share
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
