ዛረዋ 6
6
ዎልቃማ አዛዙዋ
1“ህንተ ላታናዉ ብያ ጋድያን ህንተ ኦናዳን ታን ህንተና ታማርሳና ማላ፥ መና ጎዳይ ህንተ ጾሳይ ታና አዛዜዳ አዛዞቱ አዋዮቱነ ህገቱ ሀዋንታ። 2ህንተ ላይይ አዱሳ ግዳና ማላ፥ ህንተ፥ ህንተ ናናቱነ ህንተ ናናቱ ናናይካ ታን ሀች ህንተና አዛዝያ ጾሳ አዋዩዋነ ህግያ ናግያዋን ህንተ ላይን ኡባን መና ጎዳዉ፥ ህንተ ጾሳዉ ያይተ። 3ህንተኖ እስራኤልያ አሳዉ፥ ኡባባይ ህንተንቶ ሎአ ግዳናዳንነ መና ጎዳይ፥ ህንተ አዎቱዋ ጾሳይ፥ ህንተንቶ ጌዳዋዳን፥ ማነ ኤሳ ጎግያ ጋድያን ህንተ ሎይ ጮራታናዳን፥ ሀ ህገቱዋ ስስተነ ምንሲደ ኦተ።
4“ኔኖ እስራኤልያዉ፥ ስሳ፤ መና ጎዳይ ኑ ጾሳይ እት መና ጎዳ።#ማር. 12:29 5ኔን መና ጎዳ ነ ጾሳ ነ ኩመን ዎዛናፐ፥ ነ ኩመን ሸምፑዋፐነ ነ ኩመን ዎልቃፐ ሲቃ።#ማቶሳ 22:37፤ ማር. 12:30፤ ሉቃሳ 10:27 6ሀቼ ታን ኔና አዛዝያ ሀ አዛዞቱዋ ነ ዎዛናን ዎ።#ዛረ. 11:18-20 7ሀ አዛዛቱዋ ኔን ነ ናናቱዋ ታማርሳ፤ ኔን ነ ሶን ኡትያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ ኡንቱንታ ሃሳያ። 8ማላታ ኦደ ነ ኩሽያን ኡንቱንታ ቃቻ፤ ቃይ ነ ሶምእያንካ ማላታዳን ዎ። 9ነ ፐንግያ ማቃንያ ቦላንነ ነ ድርሳ ፐንግያ ቦላን ኔን ኡንቱንታ ጻፋ።
አዛዘተናዋንቶ እመቴዳ ሴራ
10-11“መና ጎዳይ ህንተ ጾሳይ ህንተንቶ እማና ጊደ ህንተ አዋቶ፥ አብራሃማዉ፥ ይሳቃዉነ ያቆባዉ ጫቄዳ፥ ህንተ ኬጽቤና ግታነ ሎኦ ካታማቱ ኩሜዳ ቢታ እማና። ህንተ ኩንቤና ዱረታይ ኩሜዳ ጎለቱዋ፥ ህንተ ቦክቤና ኦላቱዋ፥ ህንተ ቶክቤና ዎይነቱዋነ ዛይትያ ዎጋራቱዋ ህንተንቶ እምያ ዎደ፥ ህንተካ ሚደ ካሌዳ ዎደ፥#ዶመ 12:7፤ 26:3፤ 28:13 12ህንተና ግብጼፐ፥ አይለተ ጋድያፐ ከሴዳ መና ጎዳ ዶገናዳን ናገትተ። 13መና ጎዳዉ፥ ህንተ ጾሳዉ፥ ያይተ፤ አ ጻላላዉ ጎይንተ፤ አ ሱንንካ ጫቂተ።#ማቶሳ 4:10፤ ሉቃሳ 4:8 14ህንተ ዩሹዋን ደእያ አሳይ ጎይንያ ሀራ ጾሳቶ ጎይኖፕተ። 15አያዉ ጎፐ፥ ህንተ ግዶን ደእያ መና ጎዳይ ህንተ ጾሳይ ቃናትያ ጾሳ፤ አ ሀንቁ ህንተ ቦላን ኤጽ ከሳና፤ እ ህንተና ቢታ ቦላፐካ ፕቲደ ይሳና።
16“ማሳሀን ህንተ አ ፓጬዳዋዳን፥ መና ጎዳ ህንተ ጾሳ ፓጮፕተ።#ከሳ 17:1-7፤ ማቶሳ 4:7፤ ሉቃሳ 4:12 17መና ጎዳይ ህንተ ጾሳይ ህንተና አዛዜዳ አ አዛዞቱዋ፥ አ ዎጋቱዋነ አ አዋዮቱዋ ምንሲደ ናግተ። 18ህንተዉ ኡባባይ ሎአ ግዳና ማላ፥ መና ጎዳ ስንን ህንተ ልከባነ ሎኦባ ኦተ። ያቶፐ፥ ህንተንቶ እማናዉ መና ጎዳይ ህንተ አዋቶ ጫቄዳ፥ ሄ ሎኦ ቢታ ህንተ ላታና። 19መና ጎዳይ ባረ ጌዳዋዳን ህንተ ሞርከቱዋ ኡባ ህንተ ስንፐ የደርሳና።
20“ስንፐ ህንተ ናናይ፥ መና ጎዳይ ኑ ጾሳይ ህንተና አዛዜዳ ሀ ዎጋ፥ አዋዩዋነ ህግያ ብለይ አዬ? ያጊደ ህንተና ኦችያ ዎደ፥ 21ህንተ ኡንቱንቶ ሀዋዳን ያጊደ ዛርተ፤ ‘ኑን ግብጼ ጋድያን ግብጼ ካትያ አይለቱዋ፤ ሽን መና ጎዳይ ባረ ምኖ ኩሽያን ኑና ግብጼፐ ከሴዳ። 22ቃይ መና ጎዳይ ኑ ጼልሽን፥ ግብጼ ቢታ ቦላን፥ ግብጼ ካትያ ቦላንነ አ ሱንቱዋ ኡባ ቦላን ግታነ ያሽያ ማላታቱዋነ ማላልስያባቱዋ ኦዳ። 23ሽን እ ኑ ማይዛ አዋቶ እማና ጊደ ጫቄዳ ቢታ ኑና ገልሲደ፥ ኑዉ እማናዉ ኑና ግብጼፐ ከሴዳ። 24ያቲደ ሀች በእያዋዳን፥ ኑዉ ኡባ ዎደካ ሎአ ግዳና ማላነ ኑን ደኡዋን ደአና ማላ፥ መና ጎዳይ ኑና ሀ አዋዮቱዋ ኡባ ናጋናዳንነ መና ጎዳዉ፥ ኑ ጾሳዉ፥ ያያናዳን አዛዜዳ። 25እ ኑና አዛዜዳዋዳን፥ መና ጎዳ፥ ኑ ጾሳ፥ ስንን ሀ አዛዞቱዋ ኡባ ምንሲደ ናጎፐ፥ ሄዌ ኑዉ ጽሎተ ግዳና’ ያግተ።
Currently Selected:
ዛረዋ 6: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
