ኪታ 12

ዎሳ ጎለን ዎልቃማ ኢታ የደሳይ ዶሜዳ

1ካትያ ሄሮድሰ#12:1 ሄሮድሰ፦ ሀዋ ጉሳይ ሄሮድሰ አግሪጳ ኮይሩዋ ግዲደ፥ ፓላስቲነ ግያ ጋድያ ኡባ ሞድያዋ። ሄዌኔካ ዎጋ ሄሮድሰ ሄዘ የለታ። ሄ ዎደ ዎሳ ጎለ አሳፐ አማሬዳዋንታ ዋይሱዋ ዶሜዳ። 2ዮሃንሳ እሻ ያቆባ ማሻን ዎሴዳ። 3ሄዌ አይሁዳቱዋ ናሸቼዳዋ በኢደ፥ ጉጅ ጰጽሮሳካ ኦይቄዳ፤ ሄዌ ማጋገ ኡክ ባላ ቦንችያ ጋላሳቱዋና። 4ጰጽሮሳ ኦይቂደ ቃቼዳ። ፓስጋ ባላ ቦንችያ ጋላሳቱዋፐ ጉይያን፥ ጋደ አሳ ስን አናዉ ቆፒደ፥ ኦይዱ ኦይዱ ዎታዳራቱ አ ናጋናዳን፥ ታማነ ኡሱፑን ዎታዳራቶ አደ እሜዳ።#ከሳ 12:1-27 5ሄዋ ድራዉ፥ ጰጽሮስ ቃሾ ጎልያን ናገቴ፤ ሽን ዎሳ ጎለ አሳይ አዉ ምንሲደ ጾሳ ዎሴ።

ኪታንቻይ ጰጽሮሳ ቃሾ ጎለፐ ከሴዳ

6ሄሮድሰ ጰጽሮሳ አሳ ስን አናዉ ቆፓናፐ ካሰ ቃማ፥ ጰጽሮስ ላኡ ሳንላታን ቃሸቲደ፥ ላኡ ዎታዳራቱዋፐ ግዱዋን ገምእሼዳ፤ ናግያዋንቱካ ቃሾ ጎለ ፐንግያን ኤቂደ ናጊኖ። 7አኬከናን ደእሽን፥ ጎዳ ኪታንቻይ ሄዋን ኤቂ አጌዳ፤ ቃሾ ጎለንካ ፖኡ ፖኢ አጌዳ። ኪታንቻይ ጰጽሮሳ ምይያ ደች ቤጎደ አ፥ “ኤለ ደንዳ” ያጌዳ፤ ሄ ማንእያን ሳንላታይ አ ኩሽያፐ ዎ አጌዳ። 8ኪታንቻይ አ፥ “ነ ሱርያ ዳንጫ፤ ነ ጫማካ ዎ” ያግና፥ ጰጽሮስ ሄዋዳን ኦዳ፤ ኪታንቻይ፥ “ነ ማዩዋ ማያደ ታና ካላ” ያጌዳ።

9ጰጽሮስ ቃሾ ጎልያፐ ከሲደ፥ ኪታንቻ ካሌዳ፤ አዉ ሳፃ በእያዋ ማላቴዳፐ አትን፥ ኪታንቻይ ኦያባይ ቱማ ግዴዳዋ ኤርቤና። 10ኪታንቻይነ ጰጽሮስ ኮይሮ ዎታዳራፐነ ላኤን ዎታዳራፐ አደ፥ ካታማ አፍያ ብራታ ፐንግያኮ ጋኬድኖ፤ ፐንጊካ ኡንቱንቶ ባረካ ዶየት አጌዳ፤ ኡንቱንቱ ከሲደ እት ኦግያና ቢሽን፥ ኪታንቻይ ኤለካ ጰጽሮሳፐ ሻከት አጌዳ።

11ጰጽሮስ ባረና ጋኬዳባ አኬኪደ፥ “ታና ጎዳይ ባረ ኪታንቻ ኪቲደ፥ ሄሮድሳ ኩሽያፐነ አይሁዳ አሳይ ናግ ኡቴዳ ኡባባፐ አሼዳዋ ሀእ ቱሙ ኤራድ” ያጌዳ።

12እ ሄዋ አኬኬዳ ዎደ፥ ጮራ አሳይ እትፐ ሺቂደ ጾሳ ዎስያሳ፥ ማርቆሳ ግያ ዮሃንሳ ዳይ ማይራም ሶይ 13ቢደ ፐንግያን ጼስና፥ እት ሮዶ ግያ ቆማታ ዶያናዉ ያዱ። 14ሮዳ ጰጽሮሳ ቃላ ግዴዳዋ ኤሬዳ ዎደ፥ ባረና ናሸችና፥ ፐንግያ ዶየናን ጉየ ዎጻደ፥ ጰጽሮስ ካረን ኤቄዳዋ አሳዉ ኦዳዱ።

15አሳይ እዞ፥ “ሀነ፥ ኔን ጎያ” ያጌዳ። ሮዳ ጰጽሮሳ ግዴዳዋ ጌሻደ ኦዳዱ። ኡንቱንቱ፥ “ሄዌ አ ኪታንቻ”#12:15 አ ኪታንቻ፦ አ ናግያ ኪታንቻ ግደናን አገና ጉሳ። ያጌድኖ።

16ሽን ጰጽሮስ ካረን ጼሲደ አገናን እጽና፥ አሳይ ካርያ ዶይ፥ አ በኢደ ማላለቴድኖ። 17ሽን ኡንቱንቱ ጮኡ ጋና ማላ፥ ጰጽሮስ ባረ ኩሽያን ጾርሲደ፥ ጎዳይ ቃሾ ጎልያፐ አ ዎት ከሴደንቶ፥ ኡንቱንቶ ቆንጭስ ኦዲደ፥ “ሀዋ ያቆባዉነ#12:17 ያቆባ፦ ጎዳ እሻ። እሻቶ#12:17 እሻቶ፦ አማንያ ሀራቶ። ኦድተ” ጊደ፥ ከስ ሀራሳ ቤዳ።

ሄሮድሳ ሀይቁዋ

18ሳአይ ዎንቴዳ ዎደ፥ ጰጽሮስ ሀቃ ብድጌደንቶ ጊና ዎታዳራቱዋ ግዶን ዳሮ ዋላሳይ ከሴዳ። 19ሄሮድሰ ጰጽሮሳ ኮይሽን፥ እ ዬዳ ዎደ፥ ናግያዋንታ ቆሪደ፥ ኡንቱንታ ዎና ማላ አዛዜዳ፤ ሄዋፐ ጉይያን፥ ይሁዳፐ ቂሳርያ ዎደ፥ ሄዋን አማሬዳ ዎድያ ኡቴዳ።

20ሄሮድሰ ጺሮሳ አሳዉነ ሲዶና አሳዉ ሎይ ሀንቀቴዳ፤ ኡንቱንቱ ጋደ አሳይ ካ ሄሮድሳ ጋደ አሳፐ ደምያ ድራዉ፥ ኡንቱንቱ እትፐ ግዲደ፥ አ ጎልያ ካፑዋ ብላስጾሳ ባረንቱ ባጋ ኦደ፥ ስገታና ማላ ዎሳናዉ ሄሮድሳኮ ቤድኖ።

21ሄሮድሰ ሱንቴዳ ጋላስ፥ ባረ ካዉተ ማዩዋ ማዪደ፥ ካዉተ ኦይድያን ኡቲደ፥ አሳዉ ሃሳዬዳ። 22አሳይ፥ “ሀዌ ጾሳ ቃላ፤ አሳ ቃላ ግደና” ያጊደ ኮሻ ቂሲደ ሃሳዬዳ። 23ሄሮድሰ ጾሳ ቦንችቤና ድራዉ፥ ሄ ማንእያን ጎዳ ኪታንቻይ አ ደችና፥ ጉጹንያን ሜተቲደ፥ ሀይቂ አጌዳ።

24ሽን ጾሳ ቃላይ ድጬነ ዳር ዳር ቤ።

25ባርናባስነ ሳኦል ባረንቱ ኦሱዋ ፖሊደ፥ ማርቆሳ ግያ ዮሃንሳ ባረንቱና አኪደ፥ የሩሳላመፐ ስሜድኖ።

Currently Selected:

ኪታ 12: DFBE

Highlight

Compare

Copy