1 ኦዱዋ 16
16
1ኡንቱንቱ ጾሳ ታቦታ አሂደ፥ ዳዊተ ታቦታ ዎናዉ ጌዳ ዱንካንያ ግዱዋን ዎድኖ። ጹግያ ያርሹዋነ እትፐተ ያርሹዋ መና ጎዳዉ ያርሼድኖ። 2ዳዊተ ጹግያ ያርሹዋነ እትፐተ ያርሹዋ ያርሺደ ፖሌዳዋፐ ጉይያን፥ መና ጎዳ ሱንን አሳ አንጄዳ። 3እስራኤልያ አሳዉ ኡባዉ፥ ማጫንዉነ አቱማዎ፥ ሁጲያን ሁጲያን እት እት ኮምፖ ኡክ፥ እት እት ሙጾ አሹዋካ ዎይንያ ቴራ መላፐ እት እት ኡክ ግሼዳ።
4መና ጎዳ ታቦታ ስንን ኦናዳንነ መና ጎዳ እስራኤልያ ጾሳ ሳባናዳን፥ ጋላታናዳንነ ቦንቻናዳን፥ አማሬዳ ሌዋቱዋ ዳዊተ ሱንዳ። 5ሌዋቱ ካፑ አሳፋ፤ አሳፋ ካሊደ ላኤን ካፑ ዛካራሳ። ዛካራሳ ካሊደ ደእያዋንቱ ይእኤላ፥ ሻምራሞታ፥ ይህኤላ፥ ማቲትያ፥ ኤልኣባ፥ ባናያ፥ ኦቤድ-ኤዶማነ የኤላ። ኡንቱንቱ ማስንቁዋነ ዲ ዲጻናዉ ሱንቴድኖ፤ ሽን አሳፈ ዳላ ቃናዉ ሱንቴዳ። 6ቄስያ ባናይነ ያሃእኤል ጾሳ ቃላ ጫቁዋ ታቦታ ስንን ኡባ ዎደ ጹሩምባ ፑናናዉ ሱንቴድኖ። 7ሄ ጋላስ ዳዊተ ካሰቲደ፥ አሳፍነ አ ዳቦቱ መና ጎዳ ሳባናዳን ኡንቱንቶ እሜዳ።
ጋላታ ማዝሙርያ
(ማዝ. 105:1-15፤ 96:1-13፤ 106:1፣ 47-48)
8መና ጎዳ ጋላትተ፤ አ ሱን ጼስተ።
እ ኦዳዋ ካዉተቱ ግዱዋን ኤርስተ።
9አ ሳቢተ፤ ጋላታ የ አዉ የጽተ።
አ ማላልስያ ኪታ ኡባ ኦድተ።
10አ ጌሻ ሱንን ጬቀትተ፤
መና ጎዳ ኮይያዋንቱ ዎዛናቱ ናሸትኖ።
11መና ጎዳነ አ ዎልቃ ጾሞስተ፤
ኡባደ አ ስን ኮይተ።
12-13ህንተንቶ፥ አ ቆማ አብራሃማ ዘረቶ፥
ዶረቴዳ ያቆባ ናቶ፥
እ ኦዳ ማላልስያባ፥
አ ማላታነ እ ፕርዴዳ ፕርዳ ሀሳይተ።
14እ መና ጎዳ ኑ ጾሳ፤
አ ፕርዳይካ ሳኣ ኡባ ቦላና።
15እ ባረ ቃላ ጫቁዋ መናዉ፥
ባረ አዛዜዳ ቃላ ሻአ የለታ ጋካናዉ ናጌ።
16ሄዌነ፥ እ አብራሃመና ጫቀቴዳ ጫቁዋ፥
ይሳቃዉ ጫቄዳ ጫቁዋ።#ዶመ 12:7፤ 26:3
17ያቆባዉ ዎጋ፥
እስራኤልያዉካ መና ጫቁዋ ኦደ ምንዳዋ።#ዶመ 28:13
18እ፥ “ነዉ ካናነ ቢታ እማና፤
እ ነ ዘረቶ ላታ ግዳናዋ” ያጌዳ።
19ጾሳ አሳቱ ፓይዱዋን ጉነ
ካናነ ቢታን በተ ግዲደ ደእያ ዎደ፥
20እት አሳፐ ሀራ አሳ፥
እት ካተተፐ ሀራ ካዉተ ዩዬድኖ።
21ጾሳይ ኡንቱንታ ኦንነ ናቃናዉ እምቤና፤
ኡንቱንቱ ድራዉ ካተቱዋ ሴሪደ፥#ዶመ 20:3-7
22“ታን ኦኬዳዋ ቦቾፕተ፤
ታ ትምቢትያ ኦድያዋንታ ቆሆፕተ” ያጌዳ።
23ሳኣን ደእያ አሳዉ፥ ኡባይካ መና ጎዳዉ የጽተ፤
እ አሽያ ምሽራቹዋ ሀቼ ሀቼ ኦድተ።
24ካዉተቱ ግዱዋን አ ቦንቹዋ፥
አሳ ኡባ ግዶን አ ማላልስያ ኦሱዋባ አዋይተ።
25መና ጎዳይ ዎልቃማ፤ አ ጋላታይ አዉ በሴ።
ጾሳቱዋ ኡባፐ አደ፥ እ ያየታናዉ በሰ።
26ሀራ አሳ ጾሳቱ ኡባይ ኤቃቱዋ፤
ሽን መና ጎዳይ ሳሉዋ መዳ ጾሳ።
27ቦንቹነ አንጋይ አ ዩሹዋን ደኤ፤
ምኖተይነ ናሸቻይ እ ደእያ ሳኣን ደኤ።
28ህንተንቶ፥ አሳ ዛረቶ ኡባዉ፥ መና ጎዳዋ ኦድተ፤
“ቦንቹነ ዎልቃይ መና ጎዳዋ” ጊደ ኦድተ።
29“ቦንቹ አ ሱንሳ” ጊደ መና ጎዳዋ ኦድተ።
ያርሹዋ አኪደ፥ አ ስን ዪተ።
አ ጌሻተ ፑላን መና ጎዳዉ ጎይንተ።
30ጋድያን ደእያ አሳዉ ኡባዉ፥ አ ስንን ኮኮርተ።
ሳአይ ምን ኤቄዳ፤ ኡባካ ቃጸና።
31ሳሎቱ ናሸትኖ፤ ሳአይካ ሀሹ ጎ!
ካዉተቱ ግዶን ኡንቱንቱ፥ “መና ጎዳይ ካተቴዳ!” ያግኖ።
32አባይነ አ ግዶን ኩሜዳባቱ ጉምኖ።
ሾይቃይነ ሾይቃን ደእያባቱ ኡባቱ ናሸትኖ።
33ሄዋፐ ጉይያን ዎራን ደእያ ም ኡባይ የጻና፤
ናሸቻን መና ጎዳ ስንን የጻና።
አያዉ ጎፐ፥ እ ሳኣ ቦላን ፕርዳናዉ ዬ።
34ጾሳይ ሎአ ግድያ ድራዉነ መና ጎዳ ጋላትተ።
አገና አ ሲቁ መናዋ ግድያ ድራዉ፥ ጋላትተ።#2 ኦዱዋ 5:13፤ 7:3፤ እዝራ 3:11፤ ማዝ. 100:5፤ 106:1፤ 107:1፤ 118:1፤ ኤር. 33:11
35ሄዋፐ ጉይያን ህንተንቱ፥
“አቤት ኑና አሽያ ጾሳዉ፥ ኑና አሻ።
ኑን ነ ጌሻ ሱን ጋላታናዳንነ
ነ ቦንቹዋን ጬቀታናዳን፥
ካዉተቱ ግዶፐ ሺሻደ አሻ” ያግተ።
36መና ጎዳዉ፥ እስራኤልያ ጾሳዉ ጋላታይ ግዶ።
መናፐ መና ጋካናዉ ጋላተቶ!
ሄዋፐ ጉይያን አሳይ ኡባይ፥ “አመንእ” ጊደ፥ መና ጎዳ ጋላቴዳ።
የሩሳላመንነ ጋባኦናን ሀኔዳ ጎይኑዋ ማራ
37መና ጎዳ ቃላ ጫቁዋ ታቦታ ስንን ሀቼ ሀቼ ጎይናዉ ኮሽያዋ ኡባ ዎደ ኡንቱንቱ ኦናዳን፥ ዳዊተ አሳፋነ አ ዳቦቱዋ ዎዳ። 38እ ቃይ ኦቤድ-ኤዶማነ አ ዳቦቱዋ ኡሱፑን ታማነ ሆስፑን ኡንቱንቱና ኦናዳን ዎዳ፤ ይዱቱና ናኣ ኦቤድ-ኤዶማነ ሆሳ ፐንግያ ናጋናዳን ዎዳ።
39ቄሲ ጻዶቅነ አናና ኦያ ቄሳቱ ጋባኦናን ደእያ ቃ ሳኣን፥ መና ጎዳ ዱንካንያ ስንን ኦናዳን ያን አቴድኖ። 40መና ጎዳይ እስራኤልያዉ እሜዳ ህግያን ጻፈቴዳዋዳን፥ ኡንቱንቱ ዎንታነ ኦማርስ ኡባ ዎደ ጹግያ ያርሹዋ ያርሽያ ሳኣን መና ጎዳዉ ያርሺኖ። 41አገና አ ሲቁ መናዋ ግድያ ድራዉ፥ መና ጎዳ የን ጋላታናዳን ሄማና፥ ይዱቱናነ ዶረቴዳ ሀራቱዋ ዳዊተ ኡንቱንቱና እትፐ ዎዳ። 42ሄማንነ ይዱቱን ጹሩምባ ፑኒኖ፥ ዳላ ቃኖነ ጋላታ ማዝሙርያ የጺደ ካእያ ሀራ ሚሻቱዋ ካኢኖ። ይዱቱና አቱማ ናናይ ፐንግያ ናጋናዉ ሱንቴድኖ።
43ሄዋፐ ጉይያን፥ አሳይ ኡባይ ባረ ሶ ባረ ሶ ቤዳ። ዳዊተካ ባረ ሶይ አሳ አንጃናዉ ስሜዳ።#2 ሳሜላ 6:19-20
Currently Selected:
1 ኦዱዋ 16: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
