1 ኦዱዋ 15
15
ታቦታ አሀናዉ ሀኔዳ ጊጉዋ
1ዳዊተ ባረ ካታማን ባረዉ ጎልያ ኬጼዳ፤ ጾሳ ታቦታዉካ ሳኣ ጊግሲደ፥ ዱንካንያ ኤሴዳ። 2ሄዋፐ ጉይያን ዳዊተ፥ “ጾሳ ታቦታ ቶካናዳንነ መ መናዉ መና ጎዳዉ ኦናዉ መና ጎዳይ ዶሬዳ ሌዋቱዋፐ አትና፥ ኦንነ ጾሳ ታቦታ ቶካናዉ በሰና” ያጌዳ።#ዛረ. 10:8 3ዳዊተ መና ጎዳ ታቦታዉ ጊግሴዳ ሳኣ ታቦታ አሀናዳን፥ እስራኤልያ አሳ ኡባ የሩሳላመን ሺሼዳ።
4ቃይ ዳዊተ አሮና ዛራቱዋነ ሌዋቱዋ ጼሲደ ሺሼዳ። 5ቃሃታ ያራቱዋፐ ካፑ ኡርኤልነ እት ጼታነ ላታሙ አ ዳቦቱ ዬድኖ። 6ማራራ ያራቱዋፐ ካፑ አሳይነ ላኡ ጼታነ ላታሙ አ ዳቦቱ ዬድኖ። 7ገርሾና ያራቱዋፐ ካፑ ዩኤልነ ጼታነ ሀታሙ አ ዳቦቱ ዬድኖ። 8ኤልጻፋና ያራቱዋፐ ካፑ ሻማኤነ ላኡ ጼቱ አ ዳቦቱ ዬድኖ። 9ከብሮነ ያራቱዋፐ ካፑ ኤልኤልነ ሆስፑን ታሙ አ ዳቦቱ ዬድኖ። 10ኡዝኤላ ያራቱዋፐ ካፑ አምናዳብነ ጼታነ ታማነ ላኡ አ ዳቦቱ ዬድኖ።
11ሄዋፐ ጉይያን፥ ዳዊተ ቄሳቱ ዋ ጻዶቃነ አብያታራ፥ ቃይ ሌዋቱዋ ኡርኤላ፥ አሳያ፥ ዩኤላ፥ ሻማእያ፥ ኤልኤላነ አምናዳባ ጼስሴዳ። 12ኡንቱንታ፥ “ህንተንቱ ሌዋቱ ዛረቶ ካፓቱዋ። ጾሳ እስራኤልያ መና ጎዳ ታቦታ ታን ጊግሳ ዎዳ ሳኣ አሀናዉ ህንተነ ህንተንቱ ዳቦቱ ጌይተ። 13ህንተንቱ ሌዋቱ ኮይሮ ጾሳ ታቦታ ቶክቤና ድራዉነ ኑን አ ዎጋዳን ዎት አፋነንቶ ጾሳ ኦችቤና ድራዉ፥ መና ጎዳይ ኑ ጾሳይ ኑና ሙሬዳ” ያጌዳ።
14ሄዋፐ ጉይያን፥ መና ጎዳ እስራኤልያ ጾሳ ታቦታ አሀናዉ ቄሳቱ ነ ሌዋቱ ባረንታ ጌሼድኖ። 15መና ጎዳይ ሙሴ ባጋና ካሰ አዛዜዳዋዳን፥ ሌዋቱ ጾሳ ታቦታ ካሱዋና ባረንቱ ሀሽያን ቶኬድኖ።#ከሳ 25:14
16ሄዋፐ ጉይያን፥ ዲነ ማስንቁዋ ዲጺደ፥ ዳላ ቃደ፥ ናሸችያ የ የጻና ማላ፥ ሌዋቱዋ ካለያዋንቱ ባረንቱ ዳቦቱዋ ሱንናዳን ዳዊተ አዛዜዳ። 17ሌዋቱ ዩኤላ ናኣ ሄማና፥ አ ዳባቱዋፐ በረክያ ናኣ አሳፋነ ኡንቱንቱ ዳባቱዋፐ ማራራ ያራ ቁሳያ ናኣ ኤታና ሱንድኖ። 18ቃይ ላኤን ካላን ዛካራሳ፥ ያእዝኤላ፥ ሻምራሞታ፥ ይህኤላ፥ ኡና፥ ኤልኣባ፥ ባናያ፥ ማእሴያ፥ ማቲትያ፥ ኤልፋላ፥ ሚቅኔያነ ፐንግያ ናግያዋንታ ኦቤድ-ኤዶማነ ይእኤላ ሱንድኖ።
19ናሃስያ ዳላ ቁ ኦደ ቃናዳን ሄማን፥ አሳፍነ ኤታን ሱንቴድኖ። 20ቃይ ዛካራስ፥ ያእዝኤል፥ ሻምራሞት፥ ይህኤል፥ ኡን፥ ኤልኣብ፥ ማእሴይነ ባናይ ዲ ሌኡዋን ዲጺኖ። 21ማቲተ፥ ኤልፋል፥ ሚቅኔይ፥ ኦቤድ-ኤዶም፥ ይእኤልነ አዛዚ ዲ ኦርድያን ዲጺኖ።
22ሌዋቱ ካፑ ካናነ ማዝሙርያ ካለናዉ ሱንቴዳ፤ እ ኤራንቻ ግድያ ድራዉ፥ ኡንቱንታ ታማርሴ። 23በረኬነ ኤልቃን ታቦታ ዱንካንያ ፐንግያ ናጋናዉ ዶረቴድኖ። 24ቃይ ቄሳቱ ሻባኔ፥ ዮሻፋጽ፥ ናታንኤል፥ አማሳይ፥ ዛካራስ፥ ባናይነ ኤልኤዛር ጾሳ ታቦታ ስንን ጹሩምባ ፑናናዉ ዶረቴድኖ። ኦቤድ-ኤዶምነ የህያ ታቦታ ፐንግያ ናጋናዉ ዶረቴድኖ።
ታቦታ የሩሳላመ አፌድኖ
(2 ሳሜላ 6:12-22)
25ሄዋፐ ጉይያን ዳዊተ፥ እስራኤልያ ጭማቱነ ሻአ ካፓቱ መና ጎዳ ቃላ ጫቁዋ ታቦታ ኦቤድ-ኤዶማ ሶፐ አሀናዉ ናሸቲደ ቤድኖ። 26መና ጎዳ ቃላ ጫቁዋ ታቦታ ቶኬዳ ሌዋቱዋ ጾሳይ ማዴዳ ድራዉ፥ ኡንቱንቱ ላፑን ኮሩማቱዋነ ላፑን ዶርሳ ኦርገቱዋ ያርሼድኖ። 27ዳዊተ፥ ታቦታ ቶኬዳ ሌዋቱ ኡባይ፥ ማዝሙርያ የጽያዋንቱነ ማዝሙርያ የጽያዋንቱ ካፑ ካናነ ሱፍያ ጌተትያ ቃጭናፐ ዳደቴዳ ማዩዋ ማዬድኖ። ዳዊተካ ቃይ ሊኑዋፐ ዳደቴዳ ኤፉድያ ጌተትያ ማዩዋ ማዬዳ። 28ሀዋዳን ኦደ፥ እስራኤልያ ኡባይ ሆምቦጪደ፥ ጹሩምባነ ማላካታ ፑኒደ፥ ዳላ ቃደነ፥ ዲነ ማስንቁዋ ዲጺደ፥ መና ጎዳ ቃላ ጫቁዋ ታቦታ አሄድኖ።
29መና ጎዳ ቃላ ጫቁዋ ታቦታይ ዳዊታ ካታማ ገሌዳ ዎደ፥ ሳኦላ ናታ ሚካላ ማስኮትያና ጼላደ፥ ካቲ ዳዊተ ናሸቲደ ዱርሺንነ ካእሽን በኣዱ፤ ዳዊታ ባረ ዎዛናን ካዱ።
Currently Selected:
1 ኦዱዋ 15: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
