Popular Bible Verses from 1 ኦዱዋ 16

Share

መና ጎዳነ አ ዎልቃ ጾሞስተ፤ ኡባደ አ ስን ኮይተ።

ጾሳይ ሎአ ግድያ ድራዉነ መና ጎዳ ጋላትተ። አገና አ ሲቁ መናዋ ግድያ ድራዉ፥ ጋላትተ።

መና ጎዳ ጋላትተ፤ አ ሱን ጼስተ። እ ኦዳዋ ካዉተቱ ግዱዋን ኤርስተ።

አ ጌሻ ሱንን ጬቀትተ፤ መና ጎዳ ኮይያዋንቱ ዎዛናቱ ናሸትኖ።

ህንተንቶ፥ አ ቆማ አብራሃማ ዘረቶ፥ ዶረቴዳ ያቆባ ናቶ፥ እ ኦዳ ማላልስያባ፥ አ ማላታነ እ ፕርዴዳ ፕርዳ ሀሳይተ።

አ ሳቢተ፤ ጋላታ የ አዉ የጽተ። አ ማላልስያ ኪታ ኡባ ኦድተ።

መና ጎዳይ ዎልቃማ፤ አ ጋላታይ አዉ በሴ። ጾሳቱዋ ኡባፐ አደ፥ እ ያየታናዉ በሰ።

“ቦንቹ አ ሱንሳ” ጊደ መና ጎዳዋ ኦድተ። ያርሹዋ አኪደ፥ አ ስን ዪተ። አ ጌሻተ ፑላን መና ጎዳዉ ጎይንተ።

ቦንቹነ አንጋይ አ ዩሹዋን ደኤ፤ ምኖተይነ ናሸቻይ እ ደእያ ሳኣን ደኤ።

ሳኣን ደእያ አሳዉ፥ ኡባይካ መና ጎዳዉ የጽተ፤ እ አሽያ ምሽራቹዋ ሀቼ ሀቼ ኦድተ።

ካዉተቱ ግዱዋን አ ቦንቹዋ፥ አሳ ኡባ ግዶን አ ማላልስያ ኦሱዋባ አዋይተ።

“ታን ኦኬዳዋ ቦቾፕተ፤ ታ ትምቢትያ ኦድያዋንታ ቆሆፕተ” ያጌዳ።

ሀራ አሳ ጾሳቱ ኡባይ ኤቃቱዋ፤ ሽን መና ጎዳይ ሳሉዋ መዳ ጾሳ።

እ ባረ ቃላ ጫቁዋ መናዉ፥ ባረ አዛዜዳ ቃላ ሻአ የለታ ጋካናዉ ናጌ።

ሳሎቱ ናሸትኖ፤ ሳአይካ ሀሹ ጎ! ካዉተቱ ግዶን ኡንቱንቱ፥ “መና ጎዳይ ካተቴዳ!” ያግኖ።

መና ጎዳዉ፥ እስራኤልያ ጾሳዉ ጋላታይ ግዶ። መናፐ መና ጋካናዉ ጋላተቶ! ሄዋፐ ጉይያን አሳይ ኡባይ፥ “አመንእ” ጊደ፥ መና ጎዳ ጋላቴዳ።

ህንተንቶ፥ አሳ ዛረቶ ኡባዉ፥ መና ጎዳዋ ኦድተ፤ “ቦንቹነ ዎልቃይ መና ጎዳዋ” ጊደ ኦድተ።