LOMA 3

1MBWÔSO sombo yasomboka buna Yuda idi ya beci ? Yi ndo kwelebwa bwadi kudi kutetowa kai ?

2Noku kudi kutetowa kungi. Buxi, bwalo bwakabaxiyidibwa bunami bwa kunama mambi a Ncembi. 3Mbwôso kai ? Ndo banga bakasaka yi kwetabusa, kusaka kwabo kwa kwetabusa kunateka kwetabusa kwa Ncembi kanana ? 4Ai, kumoni ; mo Ncembi akali sôsôlwo yi muntu mwoso ncimi. Bea biakafundibwa ene, Bixesuwixibwa Owe ku meyi ebe, yi bixepila Owe panakala Owe udi ku kimu.

5Mo ndo kwona kwecu kwamasubisa nkwami ya Ncembi, coco tunatôya beci ? Ncembi amasaka yi nkwami amafikisa bisusu ? (Ngwatôya yi mutôyelu ă bantu). 6Ai, kumoni. Ape ndo noku, Ncembi unasambola foboko beci ?

7Mo ndo sôsôlwo a Ncembi amalekola ku kinemu kienci kingi bwalo bwa lodimbu lwamene, kukai meme kabidi nkiabelebwa ene, mwoni ? 8Yi kukai katuxetôya (bea bitwamadimbididibwa, yi bea biatôyabo kudi banga bantu ene, coco ene,) Twenci bubi bixelwa kunengela ? Lopelo lwabo ludi yi nkwami.

9Mbwôso kai ? Coco twamadika kunengela ? Kumoni noku pô. Bwalo butwamasanya yi bena Yuda yi bena Ngiliki buxi ene, badi muxi mwa bubi bungi bwabo ; 10bea biakafundibwa ene, Kakuna muntu umoumwe yi nkwami, kumoni isanga umoumwe ; 11kakuna umoumwe alembetela, kakuna umoumwe apalala Ncembi. 12Bungi bwabo bamaungaunga ; bamasaluka bo-a-bwoso ; kakuna umoumwe encenca kunengela ; kanana, kumoni isanga umoumwe. 13Muminu ăbo udi lukita ololwo ; ku ndimi yabo kwamatôyabo yi ncimi ; mulanga ă nyoka udi muxi mwa milomo yabo ; 14musuku ăbo ămakwolubila yi mpolo yi bululu. 15Makasa abo adi yi lungwoso lwa kuncula maxi. 16Lufu yi mpeya bidi mu ncila yabo ; 17yi ncila a polo, bobo kabamulubukwa. 18Bowa bwa Ncembi kabuna ku meso abo.

19Mo twalubukwa ene, bintu bioso biamatôya bwadi, bwamatôyela bantu badi muxi mwa bwadi, bixencibikibwa musuku mwoso, bixeakala bungi bwa loboko bena lopelo ku mpala a Ncembi. 20Mbwôso ku makisa a bwadi kakunasuwixibwa munyu mwoso ku mpala anci ; bwalo ku bwadi kudi kilubukilu kia bubi.

21Mo nkyekyu nkwami ya Ncembi yamakwebexebwa kutena bwadi, yamatôbôlelebwa ntôbô kudi bwadi yi kudi badimuxi ; 22nkwami yei ya Ncembi yilolwa ku kwetabusa kwa Yisu Kalistu kudi bantu boso, yi idi kulu kwa bantu boso betabusa. Bwalo butasoxiyañana bantu pô ; 23bantu boso bamakwona yi bamaxikila pa lwedi lwa dikai dia Ncembi. 24Bamasuwixibwa kanana bwalo bwa lwoxixi Iwanci ku mucwe ă kipikudilu kidi munda mwa Kalistu Yisu. 25You ndo amateka Ncembi nkwasa a mwengo ku kwetabusa, bwalo bwa maxi anci ; ndo kwebesa nkwami yenci isanga ku bwalo bwa kulekyela kwa mabi akakwenccbwa buxi, akalekyela Ncembi ku mwengo ănci ; 26ndo kwebesa nkwami yenci ku kikondo kia nkyekyu kieki, bixeakalayi yi nkwami yi bixeakalayi musuwixi a you udi muna kwetabusa kwa Yisu. 27Mbwôso kwana kwa mwanu kudi kupai ? Kwamancidikibwa. Ku mwosambu ă beci ? A makisa ? Kañana, kate ku mwosambu ă kwetabusa. 28Bwaio butwabala munda ene, muntu amasuwixibwa ku kwetabusa, kutena makisa a bwadi. 29Ncembi udi Ncembi a bena Yuda batupu ? Ki a mabila kabidi ? E, a mabila kabidi. 30Bwalo budiyi Ncembi umoumwe unasuwisa bantu bamakwelebwa bwadi ku kwetabusa, yi bena mientonto bwalo bwa kwetabusa.

31Coco lolo twamalengola bwadi bwalo bwa kwetabusa ? Ai, kumoni ; kate twamasubisa bwadi.

Currently Selected:

LOMA 3: Luna_NT

Highlight

Copy