LOMA 2

1MBWÔSO kuna yi kipandukilu pô, owe muntu mwoso asambola. Ku bwalo bobu bwamasambola owe munga muntu, ndo kwamadibela mikyebe ; owe wasambola wencenca malo aa noku mikyebe.

2Twalubukwa lolo ene, sambo asambola Ncembi udi yi sôsôlwo ku bwalo bwa bantu bencenca malo aa noku. 3Owe lolo muntu, asambola bantu bencenca malo aa yi wakisa noku mikyebe, owe wencenca ene, unapanda kusambola kwa Ncembi ? 4Sungu watamuna bodidi bwanci bwa kunengela, yi bwa kiekyeio kienci kia mwengo, yi bwa kicwandundu kienci, kutena kulubukwa ene, kunengela kwa Ncembi kukwaxiya xiya ku kudibela ? 5Mo ku bwalo bwa kukola kwebe, yi bwa mucima ěbe utasokulumuka, owe udi mu kudibumbila bisusu ku dituku dia bisusu yi dia kiebexelu kia kusambola kwa Ncembi kwa nkwami. 6Yei unasayila muntu mwoso bea bidi makisa anci ; 7kudi bantu badi yi kiekyelo kia kwenca kwa kunengela, yi bapalala dikai noku, yi lotumbu, yi môyo utena musalu,— môyo ă kô kô. 8Kate ku bwalo bwa bantu belesa mbata, bamadiula sôsôlwo, yi bedeya bwalo butena yi nkwami, unabasayila yi bisusu yi bituku ; 9mpeya yi buxitu ku mudma ă muntu mwoso encenca bubi ; a muna Yuda buxi yi ă muna Ngiliki kabidi. 10Mo dikai yi lotumbu yi polo kudi muntu mwoso encenca kunengela ; kudi muna Yuda buxi yi kudi muna Ngiliki kabidi. 11Bwalo butasoyila Ncembi bantu kikanda.

12Bantu boso bamakwona batena yi bwadi banafwa kabidi kutena bwadi ; yi bantu boso bamakwona badi muii mwa bwadi banabelebwa ku bwadi. 13Bwalo butasosuwa bombwi bombombwa bwadi ku mpala a Ncembi, kate bakixi bakisa bwadi banasuwixibwa. 14Panakala bena mabila bamasaka yi bwadi bencenca malo a bwadi ku bwalo bwa buntu bwabo, kababa bamasaka yi bwadi badi bwadi ku bwalo bwabo mikyeabo ; 15bwalo bwebesabo mudimo ă bwadi mufunda pa midma yabo ; yi kilubukilu kiabo kia munda kiamatôbôlañana yinabu ntôbô umoumwe ; pakala nkanyi yabo ya munda idi mu kusanyafiana, sungu ambeci idi mu kusuwisafiana :— 16ku dituku dinasambola Ncembi malo a bantu masokoka, bea biamatôya losangu Iwamene lunengela, kudi Yisu Kalistu.

17Kaninga ambed owe wamabikidibwa ene, muna Yuda, yi wamabakama ku mucima ku bwalo bwa bwadi, yi wamakwana mwanu ku bwalo bwa Ncembi, 18yi wamalubukwa mulangu, yi ku bwalo bwamakweyexebwa mu bwadi, ubili kwalakana malo adika lwoxixi. 19Wamadietabusa ene, owe udi muxiyi a bafofo, obo a bantu badi ku mwedima, 20mukwami a bantu baungaunga, mweyexi a babaki, bwalo bwapwangata mu bwadi luna mumbidi ă bwinu yi ă sôsôlwo.

21Mbwôso owe wamakweyesa muna kwebe, kusodieyesa mikyebe ? Owe wamakwambila ene, muntu kaxekweba, webeba ? 22Owe wamatôya ene, muntu kaxekwendela mukaxi abene, wendela mikyebe ? Owe wamakwombwa ngixi nyete, wasanca bintu bia ngixi ? 23Owe wañana mwanu ku bwalo bwa bwadi, wakisa Ncembi pa kuxipa bwadi ?

24Bwalo bwamatangolebwa dina dia Ncembi pakacikaci pa mabila ku micwe yenu, bea biakafundibwa.

25Kwelebwa bwadi kudi kutetowa sôsôlwo, akali owe wamanama bwadi ; mo ndo owe udi muxipi a bwadi, kwelebwa kwebe kwa bwadi kwamatulowa mwontonto.

26Aka lolo muna mwontonto amanama milangu ya bwadi, ki mwonto nto ănci unakwelekyexebwa bea luna kwelebwa kwa bwadi ? 27Yi muntu ndo muna mwontonto bwalo bwa kulelebwa kwanci, akali amanama bwadi, ki yei unakubela owe udi muxipi a bwadi isanga wapwangata mukanda ă bwadi yi wamakwelebwa bwadi ku mumbidi ?

28Bwalo butasoakala you muna Yuda udi muna Yuda ku mpala kanana ; yi bobu kabuna bwadi bwamakwelebwa kunci kwa mumbidi kanana ; 29kate yei ndo muna Yuda udi noku munda ; yi bwadi kwelebwa sôsôlwo bwamakwelebwa ku mucima, yi ku kidimu, kumoni ku mukanda mutupu. Muna noku udi yi mwalakanu, kumoni ă bantu kate ă Ncembi.

Currently Selected:

LOMA 2: Luna_NT

Highlight

Copy