LOMA 16

1MEME nwebesa Fibi ku mukanda ou, ngasanecu, udi musadisañani a kikokye kidi ku Kyenkyelea ; 2binuxemwangata mu Fumu yi mwangacilu ălelekyela yi bena babala, yi binuxemukwacisa ku bwalo bwoso bunanudilayi. Bwaio bwapwakalayi munami mikyenci kabidi a bantu bangi yi amene mikyemi.

3Nubisi Pilisikila yi Akwila, bakisañani yinami mu Kalistu Yisu, 4bakaladika xingu abo ku bwalo bwa môyo ămene ; bangwaxinga biloba mo kumoni meme mutupu kate bungi bwa bikokye bia mabila kabidi ; 5yi nubisi kikokye kidi mu ncibo abo. Nubisi Epaineto munangibwi amene, udi somo a Asia ku bwalo bwa Kalistu. 6Nubisi Maii akanukambila mudimo mungi. 7Nubisi Andoniko yi Yunia, bilungu biamene, bakadi yinami misungi, badi bena nkumbu pakacikaci pa batumibwi, yi bakadi mu Kalistu buxi bwamene. 8Nubisi Ampiliato, munangibwi amene mu Fumu. 9Nubisi Ulubanu, mukisañani yinecu mu Kalistu, yi Staki, munangibwi amene. 10Nubisi Apele amakwalakanibwa mu Kalistu. Nubisi bena Alistobulo. 11Nubisi Elodiono, kilungu kiamene. Nubisi bena Nakiso badi mu Fumu. 12Nubisi Tilifaina yi Tilifosa bencenca mudimo mu Fumu. Nubisi Pesisi, munangibwi, amakwenca mudimo mungi mu Fumu. 13Nubisi Lufo, musungula mu Fumu, yi mamanci yi amene. 14Nubisi Asankilito yi Felengono yi Eleme yi Pataloba yi Elema, yi bakunyi badi yinabo. 15Nubisi Filolongo yi Yulia yi Neleo yi ngasananci, yi Olimpa yi bungi bwa bena babala badi yinabo. 16Nubisañani yi kunyita kwa babala. Bungi bwa bikokye bia Kalistu binwabisa.

17Kaninga meme nwabondabonda bakunyi, ene, nuxiximi bantu bateka bixe bixe yi biponexelu, kutena kwedeya kweyesa koku kunwamakweya nonu ; yi nukulumuki kudibo. 18Bwalo butasosadilabo Fumwecu Kalistu kudi bena noku, kate difu diabo mikyeabo ; yi ku meyi abo a buxelu yi ku soso yasosolabo ndo kwadimbabo micima ya bena ngiya. 19Bwalo bwamacakana mwoximo ă diedya dienu kudi bantu boso. Mbwôso meme nwaxekyelela, mo ngwakyeba nonu kwakala yi bwinu mu bwalo budi bunengela, yi kutena kulubukwa bwalo budi bubi. 20Mo Ncembi a polo unaminya Satana muxi mwa makasa enu mo nkyekyu. Lwoxixi lwa Fumwecu Yisu Kalistu lwakali yinenu.

21Timoteo akisañana yinami, yi Lukio yi Yasono, yi Sosipatelo, badi bilungu biamene, banwabisa. 22Meme Teletio, amafunda mukanda ou, nwabisa mu Fumu. 23-24Ngayo, you ungwangata meme yi bungi bwa kikokye mu ncibo anci, unwabisa. Elasto munami a bula unwabisa yi munga mwakunyi Kwato.

25Kudiyi lolo ubili kunusubisa luna bialelekyela yi losangu lwamene lunengela yi diembi dia Yisu Kalistu ; bea bialefekyela yi kiebexelu kia bwalo busokoka bwakabucikibwa ku mieciya ya kalikali kô kô, 26mo bwamakwebexebwa nkyekyu, bwalo bobu bwamasakolebwa kudi mabila moso ku mikanda ya badimuxi, bwalo bwa kwedeya kwa kwetabusa, luna bidi mulangu ă Ncembi a kô kô,— 27kudi Ncembi umoumwe a bwinu kwakali dikai kudi Yisu Kalistu mieciya mioso. Amen.

Currently Selected:

LOMA 16: Luna_NT

Highlight

Copy