1 KOLINTI 1

1PAULU, amabikidibwa mutumibwi a Yisu Kalistu ku nyinga ya Ncembi, yi Sostene muna kwecu, 2kudi kikokye kia Ncembi kidi ku Kolinti ; bobo bamabalolebwa mu Kalistu Yisu, bamabikidibwa bena babala ; yi kudi bantu boso mu kidi kioso badi mu kwabila dina dia Fumwecu, Yisu Kalistu, yi Fumwabo yi Fumwecu ; 3lwoxixi lwakali yinenu yi polo kudi Ncembi Tetecu yi Fumu Yisu Kalistu. 4Ngwaxinga Ncembi amene biloba matuku moso ku mucwe ěnu, bwalo bwa lwoxixi lwa Ncembi lwamanupebwa munda mwa Kalistu Yisu ; 5bwalo bunwamapebwa bodidi bwa bintu bioso munda mwanci ; mu diyi dioso yi mu kilubukilu kioso ; 6bea biakasubixibwa ntôbô ya Kalistu munda mwenu. 7Mo nako kanusokwayila Sdilongi dioso ; nudi mu kukungila ebexelu kia Fumwecu Yisu Kalistu, 8unanusubisa kabidi pôi ku sula, kutena bwalo mu dituku dia Fumwecu Yisu Kalistu. 9Ncembi udi yi kibaku unwakabikidibwa kudiyi ku busangilañani bwa Mwananci Yisu Kalistu Fumwecu.

10Nkyekyu nwabondabonda bakunyi, ku dina dia Fumwecu Yisu Kalistu, ene, nutôyañani diyi dimodimwe bungi bwenu ; kakwakadi nkalu kunudi ; kate nusambikibwi dyendeli lukanyi lumolumwe, yi kusambola kumokumwe. 11Bwalo bunamakwambidibwa ku bwalo bwenu, bakunyi bamene, kudi bena Kolowe, ene, bitumba bidi kwenu. 12Ngwatôya ku bwalo bobu ene, muntu mwoso amatôya ene, Meme ndo muna Paulu, meme ndo muna Apolo, meme ndo muna Kyefasa, meme ndo muna Kalistu. 13Ape Kalistu amasambudibwa ? Paulu akanuxipidibwa kunkulusu ? Nonu nwakanumeyebwa mu dina dia Paulu ? 14Ngwaxinga Ncembi biloba bwalo buntanumeyeli bantu kwenu batena Kilisipo yi Ngayo ; 15ximbi muntu uxetôya ene, nwakanumeyebwa mu dina diamene. 16Yi nakanumeya kabidi bena ncibo a Stefanasa ; kutena baba, kisolubukwa ndo nakanumeya munga muntu. 17Bwalo butasongutuma Kalistu kuya numeya, kate ndo kwambila losangu lunengela ; kumoni yi bwinu bwa meyi, ximbi nkulusu a Kalistu uxetekyebwa kanana.

18Bwalo budi diyi dia nkulusu budibi kudibo bancimina ; kaninga kutudi bamapandixibwa, didi ngulu ya Ncembi. 19Bwalo bwakafundibwa ene, Nakuxipa bwinu bwa bena bwinu yi nakulengola bweso bwa bena bweso. 20Muna bwinu udi kupai ? Mufundi a mukanda udi kupai ? Muna mpeto a mwociya ou udi kupai ? Ki Ncembi amasalula bwinu bwa loboko lolu ? 21Ku bwinu bwa Ncembi, (bwalo butalubukwa loboko Ncembi ku bwinu bwalu), ndo kwakamonebwa loko kudi Ncembi kupandisa bantu bamakwetabusa ku budibi bwa diembi dia nkulusu. 22Bwalo bwakyeba bena Yuda bilayixilu, yi bena Ngiliki bapalala bwinu ; 23kaninga coco twambila diembi dia Kalistu, akakopekyebwa ku nkulusu ; kudi bena Yuda ndo kiponexelu, yi kudi mabila ndo budibi ; 24mo kudi bantu bamabikidibwa, (ndo ba bena Yuda, ndo ba bena Ngiliki), kudi Kalistu ngulu ya Ncembi yi bwinu bwa Ncembi. 25Budibi bwa Ncembi bwamadika bantu bwinu, yi kulebela kwa Ncembi kwamadika bantu ngulu.

26Nutebeli kubikidibwa kwenu bakunyi,—kumoni bantu bangi yi bwinu bwa munyu ; kumoni bena ngulu bangi ; kumoni bena bikupu bangi ; 27kate Ncembi akasungula bintu bia budibi bia loboko, bixexipayi bena bwinu bundu ; yi Ncembi akasungula bintu bilebela bia loboko, bixexipayi bintu bia ngulu bundu ; 28yi bintu bia kanana bia loboko, yi bintu biamatamunibwa ndo biamasungula Ncembi, yi bintu bitenako ; ndo kulengola bintu bidiko ; 29bitaxekwana munyu mwoso mwanu ku mpala a Ncembi.

30Mo butonga bwanci ndo bunwapwakala nonu munda mwa Kalistu Yisu, akatutekyelebwa bwinu kudi Ncembi, yi nkwami, yi babala, yi kupikudibwa ; 31bea biakafundibwa ene, You añana mwanu, ani mwanu bwalo bwa Fumu.

Currently Selected:

1 KOLINTI 1: Luna_NT

Highlight

Copy

Compare