LOMA 15

1MO coco badi yi ngulu tudi yi dibambu dia kucwala mabombu a bena kulebela, yi katuxedixekyelesa mikyecu. 2Muntu ecu mwoso axekyelesi muna kwanci mu bwalo bunengela ndo kumwabaka. 3Bwalo butadixekyelesa mikyenci Kalistu kabidi, kate bea biakafundibwa ene, Mietangu ya bantu bakwatangola Owe yakanguponena meme.

4Bwalo bintu bioso biakafundibwa kalikaii biakafundibwa bwalo bwa kutweyesa coco, bituxeakala yi mudingidilu ku bwalo bwa bwika yi ku bwalo bwa kibondelu kitwamabondebwa ku mukanda ă Ncembi.

5Mo Ncembi a bwika yi a kibondelu anupi ndo kwakala yi lukanyi lumolumwe, muntu yi muna kwanci muntu yi muna kwanci, bea bialelekyela yi Kalistu Yisu ; 6binuxesangila yi mucima umoumwe yi musuku umoumwe ndo kutumbisa Ncembi, yi Tete a Fumwecu Yisu Kalistu. 7Mbwôso nwangatanani bea biakanwangata Kalistu nonu bwalo bwa dikai dia Ncembi.

8Bwalo bungwatôya ene, Kalistu amatekyebwa musadi a bena bwadi bwelelabo ku mumbidi, bwalo bwa sôsôlwo a Ncembi ; bixesubisayi bilaka biakaxiyidibwa batetecu ba kalikali ; 9yi bixetumbisa mabila Ncembi bwalo bwa mwengo ănci ; bea biakafundibwa ene, Ku bwalo bobu ndo nakusakola kudi Owe pakacikaci pa mabila, yi nakwembikixila dina diebe. 10Yi atôya kabidi ene, Nuxekyeleli nonu mabila yi bantu banci. 11Yi kabidi ene, Nutumbisi Fumu, nonu mabila moso ; yi bungi bwa bantu bamukumbuli. 12Yi kabidi, Esaya ene, Dicina dinakala dia Yese, yi muntu unakwemana ndo kubumba mabila ; kudiyi kunadingidila mabila. 13Ncembi lolo a mudingidilu anwolubisi yi kiango kioso yi polo pa kwetabusa, binuxelekola yi mudingidilu ku ngulu ya Mwoxixi a babala.

14Yi meme kabidi mikyemi namakwetabuxixibwa ku bwalo bwenu bakunyi bamene, ene, nonu mikyenu kabidi nwamakwolubila yi kunengela, nwamakwolubixibwa yi kilubukilu kioso, yi nubili kudimusañana. 15Kaninga namanufundila yi mucima mungi bakunyi, ku lwedi, bea ndo kunwelesa nkanyi, bwalo bwa lwoxixi lwamangupebwa kudi Ncembi, 16meme kwakala musadi a Kalistu Yisu kudi mabila, ndi mu kulongola losangu lunengela lwa Ncembi, bixetekyebwa dilongi yi fionu diamalongebwa, isanga bena mabila, diamabalolebwa kudi Mwoxixi a babala. 17Mbwôso ndi yi mwanu ă kwana mu Kalistu Yisu mu bintu bitani bwalô bwa Ncembi.

18Bwalo bunacina kutôya dia bintu bioso bitena bebi biamakwenca Kalistu kundi ndo kuteka mabila yi diedya, ku kutôya yi ku kukisa, 19ku ngulu ya bilayixilu yi ya bikamakama, ku ngulu ya Mwoxixi a babala. Mbwôso namacakanisa losangu lunengela lwa Kalistu dyendeli pôi ku Yelusaleme yi kucimba pôi ku Iluliko. 20Lomo lwamene lwamakwapema ndo kwambila losangu lunengela kutatambibwa Kalistu kalikali, bintaxekwabaka kulu kwa kibangolelu kia munga muntu ; 21kate bea biakafundibwa ene, Banamona kudi bantu bataluli losangu Iwoso lwanci kudibo ; yi bobo batakwombwa banalembetela.

22Mbwôso kabidi namakandibwa matuku mangi bwalo bwa kulwa kwenu. 23Mo nkyekyu bwalo bungwasaka yi kinga kidi ku mbata yei noku, yi bwalo bunapwakala yi nyinga mbula mingi ya kulwa kwenu, 24oka lolo nceya ku Esepanya ngwencenca ndo kunumona ku lwendo lwamene, yi kwendexebwa mu ncila amene yikwa kunudi, ndo nakukukanana ku buxi isanga kabende yinenu.

25Mo nkyekyu nceya ku Yelusaleme, ndi mu kusadila bena babala. 26Bwalo bwamamonabo kiango kudi bena Makyedonia yi bena Akaya ndo kusanga mwosangu bwalo bwa bakombi badi yi bena babala ku Yelusaleme. 27Bamamona kiango sôsôlwo, yi badi yinabo bena mbata. Bwalo ndo bena mabila bamakwabanyixibwa ku bintu biabo bia Mwoxixi, badi yi bwalo bwa kubalongola kabidi bintu bia munyu.

28Mbwôso panakala namamana kwenca noku, yi namabapetesa dimoma dedi, nakudika panudi kuya ku Esepanya. 29Yi ngwalubukwa ene, pandolwa kunudi nakulwa yi kiolubilu kia mulwangwasanu ă Kalistu.

30Mo nwabondabonda bakunyi, kudi Fumwecu Yisu Kalistu yi ku nyinga ya Mwoxixi, ene, nukolesi kulombañana yinami ndombu ku mpala a Ncembi ku bwalo bwamene ; 31binxepaudibwa kudi bantu batasokwetabusa mu Yudiya ; yi bixeakala mudimo ñonu kudi bena babala undi yinau ku Yelusaleme ; 32binxelwa kunudi mu kiango ku nyinga ya Ncembi, yi binxesubixibwa yineñu ndongo. 33Yi Ncembi a polo akali yinenu bungi bwenu. Amen.

Currently Selected:

LOMA 15: Luna_NT

Highlight

Copy