LOMA 11

1NGWAPANGUSA lolo ene, Ncembi amatenyeka bantu banci ? Ai, kumoni. Bwalo bundi meme kabidi muna Isalele, a bana ba Abalami, a bulungu bwa Bencamini. 2Ncembi katenyekyeli bantu banci bakalubukwayi ku buxi. Kanusolubukwa mwatoya mukanda ă Ncembi mu Eliya, mwakaxengulayi Ncembi ku bwalo bwa Isalele ? 3Ene, Fumu, bamaxipa badimuxi bebe, bamakondola bilongolelu biebe ; yi meme namadisadila mikyemi ; yi bamakyeba kunguxipa meme. 4Kate Ncembi akamupingasa beci ? Ene, Namaditekyela babalumi nkone sambwali batakonyeli kinu ku mpala a Bala.

5Mbwôso mo nako ku kikondo kia nkyekyu kabidi kwamasala kicini kia bantu bamasungudibwa ku busungudi bwa lwoxixi lwa Ncembi, 6Mo ndo bwa lwoxixi, kabuna bwa makisa kabidi nyô ; ximbi ndo nako lwoxixi kaluxeakala lwoxixi kabidi nyô.

7Mbwôso kai ? Kieki kintu kiapalala Isalele, ka kieki ndo kitasoangatayi ; mo basungudibwi bakangata, yi banga bamasala bakasubixibwa micima. 8Bea biakafundibwa ene, Ncembi amabapa mucima ă tulu ; meso kumoni kumona, yi macu kumoni kwombwa, isanga pôi dituku dedi. 9Yi Dafidi ene, Mesa abo atekyebwi luna matei yi luna mupetd kubakwata, yi kiponexelu yi difuto ku bwalo bwabo ; 10meso abo apindixibwi kabamoni, yi lumbeya owe nyuma abo matuku moso.

11Ngwapangusa lolo ene, Bamapukapuka bixeponabo dyendeli ? Ai, kumoni ; kate ku kubunca kwabo kwamalwa kipandilu kia môyo kudi mabila, ndo kubombwesa mwokunyo. 12Mo ndo kubunca kwabo kwapwakala bodidi bwa loboko, yi kucimuka kwabo kwapwakala bodidi bwa mabila, ki kitundwa kiabo kinatundwabo kinadika kunengela ?

13Ntananwambila nonu lolo, badi bena mabila. Bwalo buntani meme mutumibwi amatumibwa kudi mabila, ngwatumbisa mudimo ămene, 14ndo isanga nakubombwesa mwokunyo badi munyu ămene, yi nakupandisa banga babo. 15Ndo kwecikixibwa kwabo kudi kibondelu kia loboko, kwangacibwa kwabo kunakala kai, kutena luna kubika yi môyo kudi bafu ?

16Mo ndo kicini kia bidya kiamatudibwa buxi kidi babala, mutanda muncimancima udi babala kabidi ; yi ndo dicina didi babala, matamba adi noku kabidi. 17Yi ndo manga matamba amanyowebwa, yi owe wakadi olife a mutu wamasambikibwa pakacikaci pao kidi kimokimwe, yi wamalwa mwabanyanani a dicini dla muci ă olife yi a manyi au, 18kwani mwanu ku mpala a matamba. Mo ndo wañana, kakuna owe amakwombulula dicina, kate dicina diamakwombulula owe.

19Owe unatôya lolo ene, Matamba akanyowebwa binxesambikibwa meme munda. 20Sôsôlwo ; amanyowebwa bwalo butenao yi kwetabusa, yi owe wamakwemana ku kwetabusa. Kuditumbixi kulu, kate cina. 21Ndo Ncembi pako akadi kasolekyela matamba a butonga bwa muci, ambeci kanakulekyela owe kabidi. 22Mbwôso mona bonkangi bwa Ncembi yi kukola kwanci. Ku bwalo bwa bantu bamapona, kukola kwanci ; ku bwalo bwebe, bonkangi bwa Ncembi, ndo owe waxikama dyendeli mu bonkangi bwanci ; mo ndo kumoni, owe kabidi unaxakibwa.

23Yi bobo kabidi ndo kabasoxikama dyendeli kutena kwetabusa, banasambikibwa kabidi munda ; bwalo budi Ncembi yi ngulu ya kubasambika munda. 24Ndo owe wakancudibwa mu muci ă olife udi butonga bwa mutu, yi wakasambikibwa mu muci ă olife unengela yi musambikilu utena mwosambu ă muci ou ; ki bobo badi butonga bwa muci banalwa sambikibwa munda mwa muci ăbo mikyeabo ă olife ?

25Bwalo buntasoli bakunyi, nonu kwakala kutena kulubukwa bwalo bobu bwa bwisa, ximbi nuxeakala yi bwinu ku meso enu mikyenu, ene, kukola kwa lwedi kwamaponena Isalele pôi kikondo kinakala bena mabila bwokokya. 26Mo nako bungi bwa Isalele banapandixibwa. Bea biakafundibwa ene, Mu Siono munalwa mupaudi ; yei unakulumuna mwosambu mwoso utena ă Ncembi kudi Yakobo. 27Dedi ndo disambi dinasambika yinabo, panakala namancula mabi abo.

28Ku bwalo bwa losangu lunengela kudibo batandanani ku bwalo bwenu ; mo ku bwalo bwa busungudibwi, kwamanangibwabo ku bwalo bwa bateteabo ba kalikali. 29Bwalo butasokwela Ncembi malongi anci lwombixi ndo kubikila kwanci. 30Bea binwakadi kalikali, kanusokwedeya Ncembi, mo nkyekyu nwamasañana mwengo bwalo bwa ntamu yabo, 31mo nako baba bantu kabidi bamasaka yi diedya nkyekyu, bixemonebwabo kabidi yi mwengo ku bwalo bwa mwengo ămanwebexebwa nonu. 32Bwalo bwamabukila Ncembi bungi bwa bantu yi kusaka kwa kwetabusa, bixekwebesayi bungi bwa bantu mwengo.

33Kai ngidi ya madidi a bwinu yi a kilubukilu kia Ncembi ! Sambo yenci yasambolayi, kai kukola ndo kuyiwakwala kwakwala ! Ncila yenci yendendayi, kai kukola ndo kuyitomba tomba ! 34Bwalo nani amalubukwa lukanyi lwa Fumu ? Ndo nani apwakala mweyexi anci ? 35Ndo ñani amamulongola kintu buxi, bixemupingaxibwakio kabidi ? 36Bwalo bwamalwa bintu bioso kudiyi, yi biamakwencebwa kudiyi, yi bidiko ku bwalo bwanci. Kudiyi kwakali kinemu ku mieciya mioso. Amen.

Currently Selected:

LOMA 11: Luna_NT

Highlight

Copy