LOMA 12

1MBWÔSO meme nwaxengula bakunyi, ku mucwe ă mankangi a Ncembi ene, nulongoli mimbidi yenu dilongi dia môyo, dia babala, dia ñonu ku mpala a Ncembi. Nako ndo kixingilu kienu kia mayala. 2Yi kanufwanixibwi mwociya ou, kate nukulumunibwi bwalo bwa kulungikibwa kwa lukanyi lwenu lupyalupya, binuxekweya nyinga ya Ncembi bidiyo, yinengela yi ya fionu yi yalelekyela te.

3Bwalo bungwatôya ku mucwe ă lwoxixi Iwamangupebwa, ene, muntu mwoso udi yinenu kadienci mikyenci muna Iwedi lutaxediencayi, kate adienci bea kudienca yi nkwami, pa lwedi lwa kwetabusa lwamakwabanyila Ncembi muntu mwoso.

4Bea bitudi yi bicini bingi ku mumbidi umoumwe, yi bicini bioso kabina yi mukixilu umoumwe, 5ndo bitudi coco, isanga bantu bangi, mumbidi umoumwe mu Kalistu ; yi muntu mwoso udi kicini kia muna kwanci, muntu mwoso udi kicini kia muna kwanci.

6Mbwôso bwalo butwapwangata malongi axiyafiana pa lwedi lwa lwoxixi Iwamatupebwa, akali ndo kudimusa, tudimusi pa lwedi lwa kwetabusa ; 7ndo kusadila banga bantu mudimo a Ncembi, tunami mudimo ou. You eyesa, anami kweyesa kwanci ; 8you abonda bonda bantu, anami kubonda bonda kwanci. You upapa bintu, api kutena kuxitaxita ; you udi munami a kunama bantu, anami yi mwokulu ă mucima ; you encenca yi bonkangi, a-enci yi kiango.

9Nyinga yakali kutena mancanga. Nwombwi bubi nyete, nunamati kudi bwalo bunengela. 10Ku bwalo bwa nyinga yanangafiana bakunyi, nunanganani yi mwengo ku mucima ; ku bwalo bwa diedya, nusangali yi kudikisañana kulu. 11Ku bwalo bwa mwokulu, kanwakadi yi bompoci ; nwakali yi mulukutu ku mucima ; nusadili Fumu. 12Ku bwalo bwa mudingidilu, nuxekyeleli ; ndo bwa buxitu, nwakali yi bwika ; ndo bwa lulombu kulomba, nulombi kangala kangala. 13Nulongoli bintu biasaka bena babala yinabio, nwekyeli yi nyinga ya bantu babene badi ku ngendo.

14Nulwangwasani bantu banwa fina ; nulwangwasani, kanufingi. 15Nuxekyeleli yi bantu badi mu kuxekyelela ; nudili yi bantu badi mu kudila. 16Nwelañani nkanyi yi lukanyi lumolumwe. Kanwedi malo nkanyi adi malemale pyô, kate nusangili yi malo mabende. Kanudienci mikyenu ene, nudi yi bwinu ku meso enu mikyenu. 17Kanupingaxidi muntu mwoso bubi ku mucwe ă bubi. Nupalali malo kulungika alelekyela yi nkwami ku mpala a bantu boso.

18Ndo nubili kwenca nako, yi ku lwedi lunubili, nwakali yi bantu boso polo. 19Kanudisombodi mikyenu, banangibwi, kate nuxiyili bisusu kidi ; bwalo bwakafundibwa ene, Kusombola kudi bwalo bwamene ; Fumu ene, Nakusombola. 20Kate ndo you amatandañana yinebe udi yi ncala, umudisi ; ndo udi yi nyota, umunusi. Pa kwenca noku, owe unakwapeya makala a mudilu kulu kwa mucwe ănci.

21Kanupididibwi ku bubi, kate nupidili bubi ku kunengela.

Currently Selected:

LOMA 12: Luna_NT

Highlight

Copy