YAKOBO 3

1KANWAKADI beyexi bangi, bakunyi bamene, bwalo bunwalubukwa ene, nako tunabelebwa lopelo lwamadika kukola. 2Bwalo butwaponapona mapona mangi, bungi bwecu. Ndo muntu kasopona ku diyi, you udi muntu amakuka, ubili kuximba mumbidi muncimancima kabidi. 3Mona, twamateka biximbilu ku misuku ya tubala bixetwedeyelatu, yi twamakulumuna mimbidi yabo mincimancima. 4Mona kabidi bibusu bia mbuxa, bidi bunene bungi noku ; yi biamapumbuxibwa ku mpepele ya ngulu, kaninga biamakobebwa yi kikobelu kibende nci, kwoso kwananga mucima ă mukobi. 5Nako ludimi kabidi ludi kicini kibende, yi Iwañana mianu ya bubi. Mona, kai ditu dinene diamakwoxebwa mudilu kudi kakungwa kabende nci. 6Yi ludimi ludi mudilu, ludi bea loboko luncima lwa kwona ; ludimi lwamatekyebwa pakacikaci pa bicini biecu ludi mupindisañani a mumbidi muncimancima, lwamabaka mudilu ku kipangu kincimancima kia paxi, yi lwamabakibwa mudilu ku dilungu dia mudilu. 7Butonga bwoso bwa banyama yi banyonyi, bwa babintu biamalambalala paxi, yi banyama ba mai manene, bunancincidixibwa yi bwamancincidixibwa kudi bantu ; 8mo ludimi, muna paxi kienako ubili kuluncincidisa ; ludi bubi butasobakama, lwamakwolubila yi mulanga ă lufu. 9Kudilu ndo kutwamatumbisa Fumu yi Tete, yi kudilu kabidi ndo kutwamafinga bantu bamapangibwa yi bufwani bwa Ncembi. 10Mu musuku umoumwe mulolwa yi kutumbisa yi kufinga. Bakunyi bamene, bintu bebi kabixeakala noku. 11Ku mpokolo, ku kibatukilu kimokimwe, kwamatuma mai a maxika yi mai a bululu ? 12Kikuyi kia maxika kiamalubukwa kukama mamoma a olife, bakunyi bamene ? Ndo muci ă finyo kukama mamoma a kikuyi ? Yi mai a kipapa kabiyi kufikisa mai a maxika.

13Ñani udi yi bwinu yi mayala yinenu ? A-ebesi makisa anci mu mwosambu unengela yi diedya dia bwinu. 14Mo ndo nwakala yi mwokunyo ă bululu yi kitumba, kanwani mwanu, kanudimbi ku mpala a sôsôlwo. 15Bwinu bwa noku kabuna bobu bulolwa kulu ; kate bwa loboko, bwa môyo ă paxi, bwa diabolo. 16Bwalo kwoso kudi mwokunyo yi kitumba, koku kudi lwobuncu yi dikisa dioso dia nyete. 17Mo bwinu bulolwa kulu budi ku buxi babala, kunyuma bwa pclo, bulebela, bwa diedya, bwamakwo lubila yi bonkangi yi mamoma anengela ; butasoxiyananisa bantu, butena yi mancanga. 18Muxekye lolo ă nkwami ndo ămakunibwa mu polo, ku bwalo bwa bantu bateka bantu polo.

Currently Selected:

YAKOBO 3: Luna_NT

Highlight

Copy

Compare