EBELEO 11

1KWETABUSA lolo kudi kilubukilu ko kia bintu biamadingidibwa, kiebexelu kia malo atasomoaebwa. 2Ku bwalo bwaku kwakatôbôlelebwa babakulu ntôbô. 3Ku kwetabusa ndo kutwalembetela ene, mboko yakalungikibwa ku diyi dia Ncembi, mbwôso kipangu kiamamonebwa ku meso kiakadi kakisopangibwa ku bintu biamamoneka.

4Ku kwetabusa kwakaiongola Ebele kbdpilu kudi Ncembi kiakadika kia Kyene kunengela, yi yei akatôbôlelebwa ntôbô ku bwalo bwakio ene, udi yi nkwami, bwalo bwakatôbôla Ncembi ntôbô dia malongi anci ; yi isanga amafwa ukiatôya kudikio.

5Ku kwetabusa kwakakulumunibwa Enoko, bitaxemonayi lufu, yi akadi kasosañanibwa bwalo bwakamukulumuna Ncembi ; yi buxi bwa kukulumunibwa kwanci kwakatôbôlelebwayi ntôbô ene, amaxekyelesa Ncembi. 6Mo kutena kwetabusa kababiyi kumuxekyelesa ; bwalo you ulolwa kudi Ncemoi udi yi dibambu dia kwetabusa ene, Yei udiko ; yi ene, udi musayidi a bantu bamwapalala.

7Ku kwetabusa, Nowa, pakadimuxibwayi kudi Ncembi dia bintu biakadi bikidi kabisomonebwa, akatepexebwa yi bowa bwa Ncembi, yi akalungika kibusu ku kupandixibwa kwa bena nkumbu anci ; yi mo nako akabela loboko, yi akalwa muna mwokito a kukita nkwami yei idi ya kwetabusa.

8Ku kwetabusa, Abalami, pakabikidibwayi, akakwedeya kuya ku kidi kixeangatayi ku mwokito kunyuma ; yi akabatuka kutena kulubukwa kuyeyayi.

9Ku kwetabusa kwakalwayi muntu a babene mu mbata a kilaka, luna mu mbata munga, udi mu kwakala mu ncibo ya bixeba yi Isaka yi Yakobo, bakitañani yinanci ba kilaka kieki ; 10bwalo bwakatebelelayi bula budi yi bibangolelu bô, budi yi mupangi abu yi mwabaki abu Ncembi.

11Ku kwetabusa kabidi kwakangata Sala mikyenci ngulu ya kwembita mwana pakadi amadika lwedi lwa kulela, bwalo bwakamwencayi ene Udi muna kibaku akaxiya kilaka ; 12ndo biakalelebwa bantu kudi muntu umoumwe, yi you luna muntu amaxipibwa, badi bungi bea mitoto ya diulu, yi bea yimbwi idi ku mwanca ă mai manene yitasobadibwa.

13Bantu boso baba bakamafwa mu kwetabusa, bakadi kabangacili bilaka, kate bakabimona kulekule yi bakabixekyelela, yi bakasakola ene, badi bantu ba babene yi bena ngendo ku loboko. 14Bwalo bantu batôya malo a noku bamakwebesa ene, badi mu kupalala mbata abo mikyeabo. 15Yi ndo baxeakala bamakwela mbata you nkanyi akancukabo kudiyi, baxeakala yi kipoma kia kupinana. 16Mo nkyekyu bamakyeba munga amadika loko udi a diulu ; mbwôso Ncembi kasobafwila bundu ndo kubikidibwa ene, Ncembi abo ; bwalo bwamabalungikilayi bula.

17Ku kwetabusa, Abalami, pakakwelekyexebwayi, akalongola Isaka ; yi you akaxekyeiela kwangata bilaka akadi mu kulongola ditôi dienci ; 18you akatôyebwa ku bwalo bwanci ene, Mu Isaka munabikidibwa bana bebe ; 19bwalo bwakabalayi ene, Ncembi ubili kubisa muntu isanga kudi bafu, kwakamwangatayi kabidi ku mwele.

20Ku kwetabusa kwakalwangwasana Isaka Yakobo yi Esô isanga ku bwalo bwa bintu bilolwa.

21Ku kwetabusa, Yakobo, pakadiyi mu kufwa, akalwangwasana mwana mwoso a bana ba Yosefe, yi akaxingila Ncembi udi mu kwengama kulu kwa mucwe ă mulangala ănci.

22Ku kwetabusa, Yosefe, paxemanayi môyo ănci, akakwela kibatukilu kia bena Isalele lukanyi, yi akalanga mulangu ku bwalo bwa mifwa yenci.

23Ku kwetabusa, Mosese, pakalelebwayi, akasokokyebwa ngondo isatu kudi tetenci yi mamanci bwalo bwakamumonabo udi lwoxixi ; yi bakadi kabasocina mulangu ă fumu.

24Ku kwetabusa, Mosese, pakalundayi mwamukulu, akanyañana kubikidibwa mwana a Falowa mwananci ; 25akasungula ndo kukoiomonebwa yi bantu ba Ncembi ndonga, kumoni kwakala yi mixekyelelu ya bubi idi ya kikondo kibende. 26Akabala dia bundu bwa Kalistu ene, budi bodidi bwamadika bima bia Ecipito loko ; bwalo bwakadingilayi sayi ya difuto.

27Ku kwetabusa kwakakadeyayi Ecipito kutena kucina bisusu bia fumu ; bwalo bwakaxinayi yi bwika bea ndo amamona you utabiyi kumonebwa ;

28Ku kwetabusa kwakanamayi Kidikixilu, yi kucaka kwa maxi, bitaxebakuma muxipañani a bana ba buxi.

29Ku kwetabusa kwakadikabo munda mwa Mai a Kakula bea mu mbata mwomu ; yi bena Ecipito, pakakwelekyesabo kwenca nako, bakafwa mu mai.

30Ku kwetabusa kwakapona bididi bia Yeliko paxi, pakadi biamacimbidibwa matuku sambwali.

31Ku kwetabusa ndo kutafwili mudibi Layaba yi bantu batakwetabusa, pakadi amangata balengedi yi polo.

32Yi nakutôya manga meyi beci ? Bwalo buxesaka kikondo ndo kutôya dia Ngideono, yi dia Balaka, yi dia Samasono, yi dia Yefata ; dia Dafidi yi dia Samwele yi dia badimuxi. 33Ku kwetabusa kwakapwesabo mafumu, yi bakakwenca nkwami, bakangata bilaka, bakakanda misuku ya ntambwi, 34bakancima ngulu ya mudilu, bakapanduka ku mpala a mwele, mu bubombu ndo mwakatekyebwabo yi ngulu, bakalwa bena mpinyu ku mbita, bakacumuna masalai a bantu babene. 35Bakakaxi bakangata bafu babo kabidi ku kubisa kwa bafu ; yi banga bakakumibwa pa lufu kutena kwetabuxila kipikudilu ; bixesañanabo kubixibwa kudi bafu kwamadika loko ; 36yi banga bakakweiekyexebwa ku misudisu yi ku miekaba kukumibwa, ya, yi ku nkanu yi mu ncibo ya nkanu. 37Bakakwelebwa mabwe, bakabayibwa pakacikaci ku sao, bakakwelekyexebwa, bakaxipibwa ku mwele ; bakasambasamba mu bixeba bia mikwakwa yi bia mbuxi ; bakadi yi bokombi, bakafinibwa, yi bakakolomonebwa ; 38(loboko lwakadi kalusolelekyela yinabo) ; bakaungaunga mu mbata ya xexenga yi ku mpongo, yi mu ntuxa yi mu mena a loboko.

39Yi bungi bwa bantu baba, pakadi bamatôbôlelebwa ntôbô bwalo bwa kwetabusa kwabo, bakadi kabasoangata kilaka ; 40bwalo bwakatumonena Ncembi bunga bwalo ku buxi bwamadika loko, bitaxekukixibwabo kutena coco.

Currently Selected:

EBELEO 11: Luna_NT

Highlight

Copy

Compare