Popular Bible Verses from EBELEO 11

Share

KWETABUSA lolo kudi kilubukilu ko kia bintu biamadingidibwa, kiebexelu kia malo atasomoaebwa. Ku bwalo bwaku kwakatôbôlelebwa babakulu ntôbô.

Mo kutena kwetabusa kababiyi kumuxekyelesa ; bwalo you ulolwa kudi Ncemoi udi yi dibambu dia kwetabusa ene, Yei udiko ; yi ene, udi musayidi a bantu bamwapalala.

Ku kwetabusa ndo kutwalembetela ene, mboko yakalungikibwa ku diyi dia Ncembi, mbwôso kipangu kiamamonebwa ku meso kiakadi kakisopangibwa ku bintu biamamoneka.

Ku kwetabusa, Abalami, pakabikidibwayi, akakwedeya kuya ku kidi kixeangatayi ku mwokito kunyuma ; yi akabatuka kutena kulubukwa kuyeyayi. Ku kwetabusa kwakalwayi muntu a babene mu mbata a kilaka, luna mu mbata munga, udi mu kwakala mu ncibo ya bixeba yi Isaka yi Yakobo, bakitañani yinanci ba kilaka kieki 

Ku kwetabusa, Nowa, pakadimuxibwayi kudi Ncembi dia bintu biakadi bikidi kabisomonebwa, akatepexebwa yi bowa bwa Ncembi, yi akalungika kibusu ku kupandixibwa kwa bena nkumbu anci ; yi mo nako akabela loboko, yi akalwa muna mwokito a kukita nkwami yei idi ya kwetabusa.

Ku kwetabusa kwakakulumunibwa Enoko, bitaxemonayi lufu, yi akadi kasosañanibwa bwalo bwakamukulumuna Ncembi ; yi buxi bwa kukulumunibwa kwanci kwakatôbôlelebwayi ntôbô ene, amaxekyelesa Ncembi.

Ku kwetabusa kwakaiongola Ebele kbdpilu kudi Ncembi kiakadika kia Kyene kunengela, yi yei akatôbôlelebwa ntôbô ku bwalo bwakio ene, udi yi nkwami, bwalo bwakatôbôla Ncembi ntôbô dia malongi anci ; yi isanga amafwa ukiatôya kudikio.

Ku kwetabusa kabidi kwakangata Sala mikyenci ngulu ya kwembita mwana pakadi amadika lwedi lwa kulela, bwalo bwakamwencayi ene Udi muna kibaku akaxiya kilaka 

bwalo bwakatebelelayi bula budi yi bibangolelu bô, budi yi mupangi abu yi mwabaki abu Ncembi.

Ku kwetabusa, Mosese, pakalundayi mwamukulu, akanyañana kubikidibwa mwana a Falowa mwananci ; akasungula ndo kukoiomonebwa yi bantu ba Ncembi ndonga, kumoni kwakala yi mixekyelelu ya bubi idi ya kikondo kibende. Akabala dia bundu bwa Kalistu ene, budi bodidi bwamadika bima bia Ecipito loko ; bwalo bwakadingilayi sayi ya difuto. Ku kwetabusa kwakakadeyayi Ecipito kutena kucina bisusu bia fumu ; bwalo bwakaxinayi yi bwika bea ndo amamona you utabiyi kumonebwa 

Ku kwetabusa, Abalami, pakakwelekyexebwayi, akalongola Isaka ; yi you akaxekyeiela kwangata bilaka akadi mu kulongola ditôi dienci 

Ku kwetabusa ndo kutafwili mudibi Layaba yi bantu batakwetabusa, pakadi amangata balengedi yi polo.

Ku kwetabusa kwakadikabo munda mwa Mai a Kakula bea mu mbata mwomu ; yi bena Ecipito, pakakwelekyesabo kwenca nako, bakafwa mu mai.

Ku kwetabusa kwakapona bididi bia Yeliko paxi, pakadi biamacimbidibwa matuku sambwali.

Ku kwetabusa kwakanamayi Kidikixilu, yi kucaka kwa maxi, bitaxebakuma muxipañani a bana ba buxi.

Ku kwetabusa, Yosefe, paxemanayi môyo ănci, akakwela kibatukilu kia bena Isalele lukanyi, yi akalanga mulangu ku bwalo bwa mifwa yenci.

Ku kwetabusa, Yakobo, pakadiyi mu kufwa, akalwangwasana mwana mwoso a bana ba Yosefe, yi akaxingila Ncembi udi mu kwengama kulu kwa mucwe ă mulangala ănci.

Ku kwetabusa kwakalwangwasana Isaka Yakobo yi Esô isanga ku bwalo bwa bintu bilolwa.