NGALATIA 5

1BWALO bwa bwana bwa bula ndo bwamatupaula Kalistu ; mbwôso nwemani bô, kanubambibwi kabidi yi dibambu dia bupika. 2Mona, meme Paulu nwatôyela ene, ndo nonu nwamakwelebwa bwadi, Kalistu kananutetowesa pô. 3Yi ngwatôbôlela muntu mwoso elebwa bwadi ene, udi muna mbata ndo kukisa bwadi buncimancima. 4Nwamalengolebwa bwalo bwa Kalistu, nonu bamasuwixibwa ku bwadi ; nwamasaluka bwalo bwa lwoxixi. 5Bwalo ku kwetabusa ndo kutwakunga mudingidilu ă nkwami kudi Mwoxixi. 6Bwalo butasoakala bwadi bwalo munda mwa Kalistu ndo mwontonto ; kate kwetabusa kwamakwencafiana yi nyinga kudi bwalo.

7Nonu nwakakwenda loko ; ñani amanukanda binutaxekwedeya sôsôlwo ? 8Kwetabuxixibwa kwa noku kakusolwa kudi you amanubikila. 9Kiolubixilu kibende kiamakwolubisa kimona kincimancima kia dimpa. 10Ndi yi kwetabusa kwa Fumu ku bwalo bwenu, ene, kanunakala yi lunga lukanyi ; mo you unwanyingisa unakala yi lopelo lwanci ; ndo nani ndo ñani. 11Kaninga meme bakunyi, ndo nkiambila dia bwadi, kukai namakolomonebwa pôi nkyekyu ? mbwôso kiponexelu kia nkulusu kiamancudibwa. 12Nxenanga ku bwalo bwabo bamanutepesa ene, badixaki mikyeabo.

13Bwalo bunwakabikidibwa nonu bakunyi ku bwana bwa bula ; mo kanwakadi yi bwana bwenu bwa bula ndo kukixisa munyu ; kate nusadilafiani yi nyinga. 14Bwalo bwamakukixibwa bungi bwa bwadi mu diyi dimodimwe ; kadedi ; ene, Unananga muna kwebe bea mikyebe. 15Mo ndo nwasumafiana yi nudedyafiana, nudingili ximbi nuxencimisañana.

16Mo ngwatôya ene, Nwendi kudi Mwoxixi, yi kanunafikisa nyinga ya munyu pô. 17Bwalo bwatanda munyu yi Mwoxixi ku nyinga yau, yi Mwoxixi ndo atanda yi munyu ; mbwôso bubidi bwabo badi bimpakampaka, binutaxekwenca bintu bebi binwamakyeba kwenca. 18Mo ndo nwamaxiyibwa kudi Mwoxixi, kanuna muxi mwa bwadi. 19Makisa lolo a munyu ndo amoneka ku mpala ; adi diendela, lobindu, luxindilu, 20kixingilu kia ngixi, disombo, nkyetekyete, bitumba, miekunyo, bisusu, mbata, bixe bixe, 21mietumbu, nkolwa ya malufu, masa, yi bintu bia noku ; binwadimusa meme, bea binakanudimusa buxi ene, bobo bencenca bintu bia noku kabanakita bufumu bwa Ncembi mwokito. 22Mo dimoma dia Mwoxixi didi nyinga, kiango, polo, kicwandundu, bonkangi, kunengela, kibaku kia malo, 23diedya, mulangu ku mucima ; ku bwalo bwa malo a noku bwadi kabunako. 24Yi bobo badi bena Kalistu Yisu bamakopeka munyu ku nkulusu, yi masama au yi nyinga yau. 25Coco ndo twakala yi môyo kudi Mwoxixi, twendi kabidi kudi Mwoxixi. 26Katwakadi bena disasa, ndo kukokolafiana ndo kwombwelafiana mwokunyo kumoni.

Currently Selected:

NGALATIA 5: Luna_NT

Highlight

Copy

Compare