NGALATIA 6
6
1BAKUNYI, isanga ndo muntu unakwacibwa yi bwalo bubi, nonu badi bena Mwoxixi nupingasi muna noku yi mucima ă diedya ; udi mu kudidingila, ximbi owe kabidi uxelwa kwelekyexebwa. 2Nwombululañani muntu mwoso buxitu bwa muna kwanci, nutikisi mulangu ă Kalistu nako. 3Bwalo nao muntu mwoso amădienca mikyenci ene, udi muntu munene, kaninga udi kanana, udiadimba mikyenci. 4Mo muntu mwoso elekyesi mudimo ănci mikyenci ; nako unakwana mwanu ănci ku bwalo bwanci mikyenci, kumoni ku bwalo bwa muna kwanci. 5Bwalo bunakwombulula muntu mwoso buxitu bwanci mikyenci.
6You amakweyexebwa diyi dia Ncembi abanyanani yi mweyexi mu bintu bioso binengela.
7Kanudimbibwi ; Ncembi kasokyecebwa. Bwalo kintu kioso kiamakuna muntu, kakieki kinabukayi kabidi. 8You amakunina munyu ănci unabuka musalu kudi munyu ănci ; mo you amakunina Mwoxixi unabuka môyo ă kô kô kudi Mwoxixi. 9Mo katupwangwi yi kukisa kwa kunengela ; bwalo butunabuka ku kikondo kia lwedi akali katusopenyuka. 10Mbwôso bitwakala yi kipoma kinengela, twenceli bantu boso kunengela ; yi tulekoli yi kwenca noku bwalo bwa bantu badi bena nkumbu a kwetabusa.
11Numoni mukanda mulemule unapunufundila ku kianca kiamene mikyemi. 12Bantu boso bakyeba kumoneka yi dikasa dinengela ku munyu, kababa banwabamba dibambu dia kwelebwa bwadi ; kaninga mo bitaxekolomonebwabo ku bwalo bwa nkulusu a Kalistu. 13Bwalo butasonama bwadi isanga bobo bamakwelebwa bwadi mikyeabo ; kate bakyeba nonu kwelebwa bwadi bixekwanabo mwanu bwalo bwa munyu ěnu. 14Ku bwalo bwamene, kiakali yi mwanu mwoso utena mwanu ă nkulusu a Fumwecu Yisu Kalistu, undi yi loboko lwamangukopekyebwa ku nkulusu ku mucwe ănci, yi meme ku bwalo bwa loboko. 15Bwalo butasoakala kwelebwa kwa bwadi bwalo, ndo mwontonto ; kate kipangu kipyakipya. 16Yi banfu boso banakwenda pa Iwedi lolu, polo akali kudibo yi mwengo, yi kudi Isalele a Ncembi.
17Pôi nkyekyu, muntu kangunyingixi, bwalo bungwacwala makolo a Yisu mu mumbidi ămene. 18Lwoxixi lwa Fumwecu Yisu Kalistu lwakali yi micima yenu, bakunyi. Amen.
Currently Selected:
NGALATIA 6: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
