KOLOSAI 4
4
1BAFUMU ba bena midimo, nufuti basadi benu difuto didi yi nkwami, diamalelekyela bileli, bwalo bunwalubukwa ene, nonu kabidi nudi yi Fumu mu diulu.
2Nuxini mwoxinu ă ndombu kulomba, nudingili mu bwalo bobu yi biloba ; 3nutulombeli lolo coco kabidi, bixetudipudila Ncembi mbelo a diyi, a kutôya bwalo busokoka bwa Kalistu, bundi meme kabidi ku lukanu ku mucwe ăbu ; 4binxebwebesa bea binxetôya.
5Nwendi yi bwinu ku bwalo bwa bantu badi kunci, nudi mu kwololola bipoma. 6Kutôya kwenu kwakali yi lwoxixi matuku moso, kwamacudibwa yi mukyeli, binuxelubukwa kupingaxila muntu mwoso diyi.
7Tikiko unanulubukisa malo amene moso, udi mwakunyi munangibwi, yi musadi a kibaku, yi musadisañani yinami mu Fumu ; 8unaputuma kunudi ku mucwe ou binuxelubukwa mwakadilu ecu, yi bixebondabondayi micima yenu ; 9yi Onesimo ndongo, mwakunyi a kibaku munangibwi, udi muna kwenu. Bananulubukisa bintu bioso bidi kunu.
10Alistako, udi yinami musungi, unwabisa, yi Maku, Banabasa mwakunyenci, unwakangata milangu ku bwalo bwanci ; akali yei ulolwa kunudi, numwangati. 11Yi Yisu you amabikidibwa ene, Yustusu ; baba badi bena bwadi ; baba batupu ndo basadisanani yinami ku bwalo bwa bufumu bwa Ncembi bapwakala kibondelu kiamene kia kungubondabonda. 12Epafalasa, udi muna kwenu, musadi a Kalistu Yisu, unwabisa. Yei udi mu kunutandila mu ndombu yenci matuku moso, binuxekwemana babakulu, nwamalubukixibwa nyinga mincimancima ya Ncembi yamakyebayi. 13Bwalo bumwatôbôlela ntôbô ene, udi yi nkambi mingi ku micwe yenu, yi ku micwe ya bena Laodikia, yi ya bena Yelapoli. 14Luka ñangabuka munangibwi, yi Demasa, banwabisa. 15Nubisi bakunyi badi ku Laodikia, yi Numpa, yi kikokye kidi mu ncibo abo. 16Yi panakala mukanda ou ămabadibwa kwenu, nubabadisi badi mu kikokye kia bena Laodikia kabidi ; yi nonu kabidi nubali mukanda ulolwa ku Laodikia. 17Nutôyeli Akipo ene, Nama busadi bwapwangata mu Fumu, ubukukisi dyendeli.
18Kwela kwa môyo kudi ndo kwamene, meme Paulu, ku kianca kiamene mikyemi. Nweli nkanu yamene nkanyi. Lwoxixi lwakali yinenu.
Currently Selected:
KOLOSAI 4: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
