1 TESALONIKA 1
1
1PAULU yi Silasa yi Timoteo kudi kikokye kia bena Tesalonika mu Ncembi Tete yi mu Fumu Yisu Kalistu ; lwoxixi lwakali yinenu yi polo.
2Twaxingila Ncembi biloba matuku moso bwalo bwenu nu-a-bwoso, yi tunwatamba tamba mu ndombu yecu ; 3tudi mu kwelelela mudimo ěnu ă kwetabusa lukanyi kangala kangala yi nkambi yenu ya nyinga, yi bwika bwenu bwa mudingidilu ă Fumwecu Yisu Kalistu, ku mpala a Ncembi ecu yi Tetecu ; 4bwalo butwamalubukwa, bakunyi banangibwi ba Ncembi, kusungudibwa kwenu. 5Bwalo butaluli losangu lwecu lunengela kunudi mu diyi ditupu, kate yi ngulu kabidi, yi Mwoxixi a babala, yi kilubukilu kingi ; bwalo bunwalubukwa butonga butwakadi yinabu pakacikaci penu ku bwalo bwenu.
6Yi nwakalwa bokodi becu yi ba Fumu, bwalo bunwakangata diyi mu buxitu bungi, yi kiango kia Mwoxixi a babala ; 7binwakakala kielekyexelu kia kwelekyexebwa kudi bungi bwabo bamakwetabusa mu Makyedonia yi mu Akaya. 8Bwalo bwamatôyebwa diyi kunudi dia Fumu, kumoni mu Makyedonia yi mu Akaya mutupu, kate mu kidi kioso mwamacakana losangu lwa kwetabusa kwenu, kwa Ncembi ; bitutasoakala coco yi bwalo bwa diyi kutôya. 9Bwalo bwamatusakolelabo mikyeabo dia mubwelelu ěcu utwakadi yinau kwenu ; yi munwakakulumuka kudi Ncembi yi nwakancuka kudi ngixi, ndo kusadila Ncembi a môyo yi a sôsôlwo ; 10kukungila lolo mwananci ku diulu akabisayi kudi bafu, Yisu utwapaula ku bisusu bilolwa.
Currently Selected:
1 TESALONIKA 1: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève