KOLOSAI 3

1MBWOSO ndo nwakabixibwa yi Kalistu ndongo, nupalali bintu bidi kulu kwapwakala Kalistu, uxikamini ku kidyo kia Ncembi. 2Nubaki lukanyi Iwenu ku bintu bidi kulu, kumoni ku bintu bidi pa loboko. 3Bwalo bunwakafwa, yi môyo ěnu ămasokokyebwa yi Kalistu munda mwa Ncembi. 4Panakwebexebwa Kalistu, udi môyo ěcu, ku kikondo kieki nonu kabidi nunakwebexebwa yinanci mu dikai.

5Mbwôso nufwisi bicini bienu bidi pa loboko ; budibi, lobindu, bwefi, nyinga mubi, yi luxindilu, (ludi bea kixingilu kia bwanga bwa muntu) ; 6ku mucwe ăbio ă bintu bebi kulolwa bisusu bia Ncembi kulu kwa bana ba ntamu. 7Mu bintu bebi ndo munwakakwenda kalikali kabidi panwakadi yi môyo ěnu munda mwabio. 8Mo nkyekyu nudipululi kabidi bintu bebi bioso ; bituku, bisusu, mwoxingi, mwotangu, kutôya kwoso kubi mu musuku ěnu. 9Kanudimbañani ndimbu, bwalo bunwamancula muntu a kalikali yi makisa anci, 10yi nwamalata muntu mupyamupya, utanapingaxibwa mupyamupya ku kilubukilu kia kulubukwa dyendeli, luna kifwanisa kia you akamupanga ; 11koku kakuna muna Ngiliki yi muna Yuda, ndo bwadi yi mwontonto, ndo mwopata, muna Skuti, mupika, mwana a bula ; kate Kalistu udi bintu bioso, yi mu bantu boso.

12Mbwôso nonu basungudibwi ba Ncembi, bena babala yi banangibwi, nulati mucima ă mwengo, bonkangi, diedya, kifwamasundu, kicwandundu ; 13nwekyelañani yi kiekyelo kia mwengo ; nulekyelañani, akali muntu mwoso udi yi muna kwanci bwalo ; bea biakanulekyela Fumu ndo binuxekwenca nonu. 14Yi nulati nyinga kulu kwa bintu bebi bioso, idi mwokaba ă kukuka dyendeli. 15Polo lolo a Kalistu asamboli mu micima yenu, unwakabikidibwa kudiu kabidi mu mumbidi umoumwe ; yi nwakali bena biloba. 16Diyi dia Kalistu dixikami munda mwenu yi bodidi bwadio mu bwinu bwoso ; nweyesañani yi nudimusañani mu misambu, yi mu ncemba, yi mu miembikixilu ya Mwoxixi ; nudi mu kwembikisa yi lwoxixi mu micima yenu ku mpala a Ncembi. 17Yi kintu kioso klnwencenca, ndo ku kutôya ndo ku kukisa, nwenci bintu bioso mu dina dia Fumu Yisu, nudi mu kuxingila Ncembi Tete biloba kudiyi. 18Bakaxi, nudipwesi mikyenu kudi babayenu, luna bialelekyela mu Fumu. 19Babalumi, nunangi bakaxi benu, yi kanwakadi yi bululu ku bwalo bwabo. 20Bana, nwedeyi batetenu yi bamamenu mu bintu bioso, bwalo budi bwalo bobu ñonu mu Fumu. 21Batete, kanuxengexi bana benu, bitaxepwexebwabo ku micima. 22Basadi, nwedeyi bantu mu bintu bioso badi bafumu benu ku munyu ; kumoni yi mudimo ă meso bea ndo kuxekyelesa bantu, kate yi mucima umoumwe, nudi mu kucina Fumu. 23Kintu kioso kinwencenca, nwenci yi mucima, bea kudi Fumu, kumoni kudi bantu ; 24bwalo bunwalubukwa ene, nunangata sayi ya mwokito kudi Fumu ; nonu nwasadila Fumu Kalistu. 25Bwalo you akisa bubi unangata kabidi bubi bobu bwamakisayi ; yi kikanda kakisoyibwa kudi bantu.

Currently Selected:

KOLOSAI 3: Luna_NT

Highlight

Copy

Compare