2 KOLINTI 11

1NXENANGA nonu kwekyela yinami kiekyelo ku bwalo bwa budibi bubende ; nwekyeli yinami lolo sôsôlwo. 2Bwalo buntani yi mwokunyo ku bwalo bwenu yi mwokunyo ă Ncembi ; bwalo bunakanusuka kudi mwamulumi umoumwe, binxenulongola luna muxika a babala kudi Kalistu. 3Kaninga ngwacina ximbi ambeci bea biakadimba nyoka Efe ku bwanya bwanci bixesaludibwa nkanyi yenu bwalo bwa mucima umoumwe yi bwalo bwa babala unuxeakala yinau ku mpala a Kalistu.

4Bwalo ndo you ulolwa ambila dia munga Yisu ututakwambidili, ndo nwangata munga Mwoxixi unutangacili, ndo lunga losangu lunengela lunutakwacili, nuxekwekyela yinanci sôsôlwo. 5Bwalo bungwencenca ene, meme kiena muxi mwa batumibwi banga isanga badika yi butumibwi bwabo. 6Mo isanga ntani muna kanana ku kutôya, kaninga kiena noku ku kilubukilu ; kate twakadi mu kwebesa bwalo dyendeli kunudi ku bintu bioso.

7Meme nakakwenca bubi, pa kudipwesa mikyemi, binuxebandixibwa ? bwalo bunamanwambila losangu lunengela lwa Ncembi kutena difuto ? 8Nakasanca binga bikokye, ndi mu kwangata difuto kudibo bwalo bwa kunusadila nonu. 9Yi pakadi ntani yinenu yi nakakwayila, kiakadi yi muntu mwoso buxitu ; bwalo bwakangulongola bakunyi bintu binakasaka, bakalwa ku Makyedonia. Yi ku kintu kioso ndo ku namadiximba mikyemi, kiakali kwenu yi buxitu ; yi nakudiximba noku. 10Bea bidi sôsôlwô a Kalistu munda mwamene, mwanu ou noku kaunakandibwa ku bwalo bwamene mu mbata ya Akaya. 11Ku bwalo kai ? Bwalo buntasonunanga ? Ncembi amalubukwa.

12Mo bingwencenca nakubienca kabidi, ndo kubancudila kipoma bamapalala kipoma ; mbwôso ku bwalo bwoso bwañanabo mwanu, banasañanibwa isanga luna bitudi coco. 13Bwalo butani bena noku batumibwi ba mancanga, basadi ba ncimi ; bamadipilula mikyeabo ku batumibwi ba Kalistu. 14Kumoni lolo kika-makama ; bwalo budiapilula Sata-na mikyenci ku mwangele a obo. 15Mbwôso kumoni bwalo bunene ndo basadi banci badiapilula kabidi ku basadi ba nkwami. Dicindu diabo dinakala lwedi lwa makisa abo.

16Ngwatôya kabidi ene, muntu kangwenci meme ene, mudibi ; kate ndo nako, nungwangati lolo bea mudibi, binxedianina mwanu biamene kabidi kabende. 17Diyi dingwatôya ngwatôya kumoni luna dia Fumu, kate bea yi budibi, yi mucima ou ă kwana. 18Bwalo bwañana bantu bangi yi mwaninu ă munyu, meme kabidi nakwana mwanu. 19Bwalo bunwekyela ekyela yi badibi yi kiango, bwalo bunudi nonu bena bwinu. 20Bwalo bunwekyela yi muntu ndo unwapwesa ku bupika, ndo unudedya bintu, ndo unwabamba, ndo amadibandisa mikyenci, ndo unwakuma ku mpala. 21Bwalo bwa bundu ndo bungwatôya, luna ndo coco twakadi yi kulebela. Kaninga ku kintu kioso kitani muntu yi mucima, (ngwatôya ku budibi), ndo kintani meme yi mucima kabidi. 22Bobo badi bena Ebeleo ? Ka meme kabidi. Bobo badi bena Isalele ? Ka meme kabidi. Bobo badi bana ba Abalami ? Ka meme kabidi. 23Bobo badi basadi ba Kalistu ? (Ngwatôya luna muntu amapasuka). Ka meme namadika. Ku nkambi kukamba, meme ka kulu ; ku ncibo ya nkanu kubwela, meme ka kulu ; ku miekolola yitena lwedi ; ku ngufu kufwa, matuku mangi ; 24Kudi bena Yuda ndo kunakakumibwa makuma atano a miekolola masangi anai atena mwokolola umoumwe. 25Makuma asatu ndo nakakumibwa tunonge ; diela dimodimwe ndo nakakwelebwa mabwe ; mapudeya asatu ndo nakapudeyebwa kibusu ; butuku bumobumwe yi munyinya umoumwe ndo nakadikisa mu mai manene ; 26ku ngendo matuku mangi ; yi ku mitete ya ncedi ; yi ku mitete ya befi ; yi ku mitete kudi bubila bwamene ; yi ku mitete kudi bena mabila ; yi ku mitete munda mwa bula ; yi ku mitete mu mbata a kisobe ; yi ku mitete ku mai manene ; yi ku mitete kudi bakunyi ba mancanga ; 27yi ku nkambi, yi ku mpeya, yi ku kukyesa kwa butuku ; yi ku ncak yi nyota ; yi ku ncilu mingi ya bidya kuncila ; yi ku maxika yi butaka 28Kutena kutôya dia amo malo buxitu budiko bungwalula ku dituku ku dituku, mutete ku bwalo bwa bikokye bioso. 29Ñani udi kulebela, yi meme kisolebela ? Ñani amapwexebwa, yi meme kisonyungula ? 30Akali meme ndi yi dibambu dia kwana mwanu, nakwana mwanu bwalo bwa bintu bia kulebela kwamene. 31Ncembi yi Tete a Fumt Yisu,—you amatumbixibwa mieciya mioso,—amalubukwa ene, meme kisodimba. 32Ku Damasako, mulopwe muxi mwa Aletasa fumu, akanama bula bwa bena Damasako ndo kungukwata ; 33yi ku mbelo mubende kunakapwexebwa munda mwa kisakwa, pa kididi ; yi nakakwongoloka mu makaci anci.

Currently Selected:

2 KOLINTI 11: Luna_NT

Highlight

Copy

Compare