2 KOLINTI 12

1NDI yi dibambu dia kwana mwanu isanga kakuna ndc kutetowa ; kate nakubetôya nkyekyu dia bimonenu yi biebexelu bia Fumu.

2Ngwalubukwa muntu mu Kalistu, pa Iwedi lwa mbula disangi yi inai, (ndo mu mumbidi, meme kisolubukwa ; ndo kunci kwa mumbidi, kisolubukwa ; Ncembi amalubukwa) ; muna noku akakwacibwa kulu pôi ku diulu diamusatu. 3Yi ngwalubukwa muna noku, (ndo mu mumbidi ndo kunci kwa mumbidi, meme kisolubukwa ; Ncembi amalubukwa), 4mwakakwacibwayi munda mwa Paladisi, yi akakwombwa meyi atabiyi kusakolebwa, atasolelekyela muntu kutôya. 5Dia muna noku ndo dinakwana mwanu, kaninga dia mikyemi meme kinakwana mwanu utena dia mabombu amene. 6Bwalo ndo nxekyeba kwana, kixeakala mudibi ; bwalo bunatôya sôsôlwo ; mo nkyekyu ngwalekyela ximbi muntu mwoso uxekwenca ku bwalo bwamene kulu kwa lwedi lungwamonayi ndo lungwombombwayi. 7Yi ximbi nxebandixibwa kulu kwa lwedi bwalo bwa biebexelu bungi, mweba ăkangupebwa mu munyu, muna lutumu a Sătana, ndo kungukuma kuma ximbi nxebandixibwa kulu kwa lwedi. 8Ku bwalo bobu meme nakalomba Fumu malomba asatu, mweba ăncuki kundi. 9Yi yei akangwambila ene, Lwoxixi lwamene lukwakuka ; bwalo bwamakukixibwa ngulu yamene mu bubombu. Mbwôso nakwanina mabombu amene mwanu yi kiango kingi, bixexikama ngulu ya Kalistu kulu kwamene. 10Mbwôso ngwaxekyelela mabombu, yi nkisu, yi makombi, yi kukolomonebwa, yi bipoma bia kusama, ku bwalo bwa Kalistu ; bwalo pakala meme ndi kulebela ndo pangwakala yi ngulu.

11Namalwa mudibi, yi nonu nwamanguteka noku. Bwalo bunxekwalakanibwa kunudi ; bwaio buntena muxi mwabo mwa bantu badi batumibwi banene, ku kintu kioso, isanga meme ndi kanana. 12Bilayixilu sôsôlwo bia mutumibwi biakakwencebwa pakacikaci penu yi bwika bwoso, ku bilayixilu, yi ku bikamakama, yi ku makisa a ngulu. 13Nonu nwakatekyebwa muxi mwa binga bikokye mu kintu kai ? kitena ene, meme mikyemi kiakadi yi buxitu kunudi. Nungulekyeli kwona koku noku. 14Mona, kieki kikondo kiamusatu ndo kinamakwenca ene, ndolwa kunudi ; yi kinakala kwenu yi buxitu ; bwalo buntasopalala bima bienu, kate mikyenu. Bwalo butaxebumbila bana batete bintu, kate batete baxebumbila bana bintu. 15Yi meme nakuxekyelela kunumanina bintu, yi kunumaninibwa mikyemi bwalo bwa bidimu bienu, ndo isanga pa kudika kununanga kungi, meme nxepwekyelela yi kunangibwa kabidi. 16Kaninga isanga nako, meme kianutekyela buxitu ; mo bwalo bunakadi yi bwanya nakanukwata ku buluba. 17Meme nakanudimba ndo kudiangacila bintu bienu kudi muntu mwoso abo a bantu banakatuma kunudi ? 18Nakalomba Tito, yi nakatuma yinanci mwakunyi. Tito pako akanudimba ndo kwangata bintu bienu ? Ka twamakwenda yi Mwoxixi umoumwe ? Ka bipokye biecu bilexi ?

19Nonu nwakisa kikondo kincimancima, ene coco tudi mu kudielela mwalo kunudi. Twatôya ku mpala a Ncembi mu Kalistu ; mo twencenca bintu bioso, banangibwi, bwalo bwa kunwabaka nonu. 20Bwalo bungwacina ximbi ambeci pandolwa, nxenusañana kumoni bea bingwananga, yi meme nxesañanibwa kunudi bea binutasonanga ; ximbi ambeci bitumba bidiko, yi miekunyo, yi bisusu, yi nkalu, yi mietangu, yi mieñonuñonu, yi masasa, yi minyingu ; 21ximbi pandolwa kabidi Ncembi amene uxengupwesa ku bwalo bwenu ; yi meme nakudidila bantu bangi bidilu bamakwona isanga pôi nkyekyu, yi kabadibeleli bwalo bwa mbindu, yi budibi, yi bwefi, biamakisabo.

Currently Selected:

2 KOLINTI 12: Luna_NT

Highlight

Copy

Compare