2 KOLINTI 10
10
1WNKYEKYU meme Paulu mikyemi nwaxengula bwalo bwa diedya dia Kalistu yi kulebela kwanci ; isanga meme, udi kanana ku mpala enu, mo ndo kunga udi yi mucima mungi ku bwalo bwenu. 2Meme pako nwabondabonda, bintaxeakala yi mucima ku mpala enu yi mucima ou ungwencenca kwakala yi mucima bwalo bwa banga bantu batwakisa bea luna ndo twendenda yi mwendeiu ă munyu. 3Bwalo isanga twendenda mu munyu, katusotanda mbita yi mutandilu ă munyu. 4Bwalo butena bipiko bia mbita ecu bia munyu, kate bidi bia ngulu ku mpala a Ncembi ndo kuxinda bimana bia ngulu. 5Tudi mu kuxinda mpeto yapetolabo, yi kintu kioso kile kiamadibandisa ndo kukanda kilubukilu kia Ncembi. Tudi mu kukwata lukanyi lwoso musungi, bixekwedeyalu Kalistu diedya. 6Yi tudi yi lungwoso lwa kwambisa kudiula kwoso bwalo, panakala diedya dienu diamakukixibwa.
7Nonu nwatebela bintu ku mpala kutupu ? Ndo muntu mwoso amadietabuxila ene, udi muna Kalistu, eli bwalo bobu lukanyi kabidi ene, bea bidiyi muna Kalistu ndo bitudi coco bena Kalistu kabidi. 8Bwalo isanga nxekwana mwanu mungi bwalo bwa bumanya bwecu (bwakapa Fumu ndo kunwabaka, kumoni bwalo bwa kunuxinda), kinaxipibwa bundu ; 9bintaxemoneka bea luna ndo ntananucinisa ku mikanda yamene. 10Bwalo bwatôyayi ene, Mikanda yenci idi yi buxitu yi ngulu ; mo mumbidi ănci udi kulebela ku mpala, yi diyi dienci mo kanana. 11Muna noku eli lukanyi ene, bea bitudi ku diyi mu mikanda pakala tudi kunga, ndo bitwakala ku makisa kabidi ku mpala. 12Bwalo butwacina kudibala ndo kudielekyesa mikyecu yi banga bantu bamadialakana mikyeabo. Kate bobo bamangata lwedi lwabo kudi mikyeabo, yi bamadielekyesa mikyeabo kudi mikyeabo, kabasolembetela. 13Bwalo bututasonanga kwana mwanu utena lwedi lwecu ; kate ă lwedi lwa kielekyexelu kiamatulungikila Ncembi ; lwedi lwa kufika isanga pôi kunudi. 14Bwalo bututasodinana mikyecu bea ndo katupeteli kunudi ; bwalo butwakafika isanga pôi kunudi mu losangu lunengela lwa Kalistu. 15Kumoni kwana kutena lwedi, bwalo bwa midimo ya banga bantu ; mo tudi yi mudingidilu, pa kulunda kwetabusa kwenu, ene, tunalundixibwa kungi pakacikaci penu, bea bidi lwedi lwecu, 16bituxekwambila losangu lunengela kulekule ku buxi bwenu ; kumoni kwana mwanu bwalo bwa lwedi lwa munga muntu, ku mucwe ă bintu biamasananibwa ku kianca kiecu.
17Kaninga you añana mwanu, ani mwanu bwalo bwa Fumu. 18Bwalo butasolelekyela you amadialakana mikyenci, kate you amakwalakana Fumu.
Currently Selected:
2 KOLINTI 10: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
