1 PITA 5

1BABAKULU badi pakacikaci penu, meme mbabondabonda, ndi yinabo mwamukulu, yi mutôbôdi akamona masama a Kalistu, ndi kabidi mwabanyanani a dikai ditanalanda kwebexebwa ; 2nwakali banami ba kibumbu kia Ncembi kia mikwakwa kidi pakacikaci penu ; nudi mu kunama kumoni bwalo bwa dibambu, kate ku nyinga ; kumoni ku bwalo bwa difuto dia mbindu, kate yi mucima ; 3kumoni bea kwakala yi bufumu kulu kwa bima bienu, kate luna biebexelu ku mpala a kibumbu kia mikwakwa. 4Yi panakwebexebwa Kalama ka kulu, nunangata kilongo kia dikai kitasolengowa.

5Mo nako nonu babaki, nudipwesi mikyenu kudi babakulu ; yi bungi bwenu nudikobi diedya muntu yi muna kwanci, muntu yi muna kwanci ; bwalo bwamatanda Ncembi yi bena disasa, mo upapa bena diedya lwoxixi. 6Mbwôso nudipwesi mikyenu muxi mwa kianca kia mpinyu kia Ncembi, bixenubandisayi ku kikondo kia loko ; 7nudi mu kupula mutete ӗnu mwoso kulu kwanci, bwalo bunudi bwalo bwanci.

8Nwakali bena milangu, nudingili. You amatanda yinenu, diabolo, endenda bea ntambwi amakwamena diyi dikola, udi mu kupalala bantu ba kudya. 9Nutandi yinanci, yi kwetabusa bô, bwalo bunwalubukwa ene, masama aa noku atanakukixibwa kudi bakunyi benu badi ku loboko. 10Mo Ncembi a lwoxixi lwoso akanubikila ku dikai dienci dia kô kô mu Kalistu Yisu, panakala nwamatata kakondo kabende, unanukukisa, unanusubisa, unanukolesa bô. 11Kudiyi kwakali mpinyu ku mieciya ya mieciya. Amen.

12Kudi Silasa, ungwencenca ene, udi mwakunyi a kibaku, ndo kunamanufundila kabende ; ndi mu kubondabonda yi mu kutôbôla ene, lolu ndo lwoxixi lwa sôsôlwo lwa Ncembi lunwamakwemana momu bô. 13Kikokye kiakasungudibwa yinenu ndongo kidi ku Babelono kiamanubisa, yi Maku mwanami. 14Nubisañani yi kunyita kwa nyinga. Polo akali yinenu bungi bwenu badi mu Kalistu.

Currently Selected:

1 PITA 5: Luna_NT

Highlight

Copy

Compare