2 PITA 1
1
1XIMONO PITA, musadi yi mutumibwi a Yisu Kalistu, kudi bantu bamangata kwetabusa kumokumwe yinecu kwa dipiko, ku nkwami ya Ncembi yi Mupandixi ecu Yisu Kalistu ; 2lwoxixi yi polo bilelexebwi yinenu bungi bungi mu kilubukilu kia Ncembi yi kia Yisu Fumwecu. 3Ngulu yenci ya buNcembi bwanci yamatupa bintu bioso biamalelekyela yi môyo yi mwosambu ă Ncembi, ku kilubukilu kia you akatubikila ku dikai yi ku dikimu. 4Ku mucwe ăbio ndo kwamatulongolayi bilaka bienci bia dipiko, biamadika bunene ; binuxelwa babanyañani kudibio yi butonga bwa buNcembi, bwalo bunwamapanda musalu udi ku loboko ku mucwe ă luxindilu.
5Mo ku mucwe ou kabidi, nwakali yi mulukutu mwoso, mu kwetabusa kwenu ndo kwakala yi dikimu, mu dikimu kwakala yi kilubukilu, 6mu kilubukilu kwakala yi mulangu, mu mulangu kwakala yi bwika, mu bwika kwakala yi mwosambu ă Ncembi, 7mu mwosambu ă Ncembi kwakala yi nyinga ya bakunyi, mu nyinga ya bakunyi kwakala yi nyinga. 8Bwalo ndo bintu bebi bidi munda mwenu yi biamayiba bungi kanunakala yi ndo bompoci ndo bokuta mu kilubukilu kia Fumwecu Yisu Kalistu. 9You asaka bintu bebi udi mufofo, muna lumonena, amakwelwa kukusudibwa kwa mabi anci a kalikali. 10Mbwôso bakunyi, nupalali yi mulukutu kwakala yi kilayixilu bwalo bwa kubikidibwa kwenu yi bwa kusungudibwa kwenu ; bwalo ndo nwencenca bintu bebi, kanunapona pô ; 11mo nako kibwelelu kinanudipudibwa kingi kingi mu bufumu bwa Fumwecu yi Mupandixi ecu Yisu Kalistu bwa kô kô.
12Mbwôso kinakodya kunwelesa bintu bebi nkanyi matuku moso, isanga nwamabilubukwa yi nwamasubixibwa mu sôsôlwo a nkyekyu you. 13Mo ngwencenca ene, kudi yi nkwami, pakala meme ndi mu ngandu kieki, kununyingisa ndo kunwelesa nkanyi ; 14bwalo bulolwa kikondo mangwoso kia kuncula kingandu kiamene, bea biamangwebesa Fumwecu Yisu Kalistu. 15Mo nakupalala yi mulukutu ene, ku kikondo kioso kunyuma kwa kibatukilu kiamene, nuxelubukwa kwela bintu bebi nkanyi. 16Bwalo bututalandili tufumu twamapangibwa yi bwinu, patwakanusakolela ngulu ya Fumwecu Yisu Kalistu yi kilulu kienci, kate twakadi batôbôdi bakamona bunene bwanci ku meso. 17Bwalo bwakangatayi bunene yi dikai kudi Ncembi Tete, pakamufikixibwa diyi ku dikai diamadika lwoxixi ene, You udi Mwanami munangibwi unapuxekyelela meme ; 18yi dedi diyi, coco twakadiombwa diakafikixibwa mu diulu, patwakadi yinanci ku lupongo lwa babala. 19Yi tutani yi diyi dia kidimuxilu diamadika kusuba nkyekyu, dinwencenca loko ndo nudiadingila, bea mwinda ămalumuka mu kidi kia mbindu ; pôi kikondo kinakya butuku yi mutoto ă lubangu unabanda mu micima yenu. 20Mo nulubukwi bwalo bobu buxi ene, kakuna kidimuxilu kimokimwe kia mukanda ă Ncembi kixesakolebwa pa bwakio. 21Bwalo butafikixibwa kidimuxilu kioso pô ku nyinga ya bantu, kate bantu ba babala ba Ncembi bakatôya bea biakatôyexebwabo kudi Mwoxixi a babala.
Currently Selected:
2 PITA 1: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
