1 PITA 4

1MBWOSO, bwalo bwamatata Kalistu mu munyu, nudilungiki mikyenu yi lukanyi lolu kabidi bea yi bipiko bia mbita ; bwalo you amatata mu munyu amamana yi bubi ; 2kumoni kwakaia kinga kicini kia kikondo kienci mu munyu ndo kusadila xindilu ya bantu, kate nyinga ya Ncembi. 3Bwalo bwamakuka kikondo kia kalikali, coco kukisa nyinga ya mabila, kitwakakwenda mu madibi, xindilu, nkolwa ya malufu, kusa kwa masa, bitula bia malufu, yi bixingilu bia ngixi bidi nyete. 4Bobo pako bamakamakama, bwalo bunutasoya yinabo mbilu mbilu ku muyi ou ă bitoto, yi bamatôya malo mabi ku bwalo bwenu ; 5baba banasakola bwalo bwabo kudi you utanalanda kusambola yi bena môyo yi bafu. 6Ku mucwe ou kwakakwambidibwa bantu losangu lunengela bamafwa kabidi, bixebelebwabo yi kubelebwa kwa bantu mu munyu, mo bixeakalabo yi môyo luna biamalelekyela yi Ncembi mu kidimu.

7Mo ku sula kwa bintu bioso kudi pepe ; mbwôso nwakali bena bweso, yi bena milangu bwalo bwa ndombu kulomba. 8Buxi bwa bintu bioso, nwakali yi mulukutu mikyenu ă nyinga kunangañana ; nyinga yamancibika kibumbu kia mabi. 9Nwangatanani ku ngendo kutena kupindula mapindu. 10Bea biapwangata muntu mwoso dilongi, adilongoli pakacikaci penu, bea bankôngôlo banengela ba lwoxixi lwa Ncembi lwa ntonga yi ntonga. 11Ndo muntu mwoso atôya, atôyi bea yi mitôyelu ya Ncembi ; ndo muntu mwoso asala mudimo ă Ncembi, bea ku ngulu yipapa Ncembi ; bixetumbixibwa Ncembi mu bintu bioso kudi Yisu Kalistu, udi yi dikai yi mpinyu ku mieciya ya mieciya. Amen.

12Banangibwi, kanukamini kielekyexelu kia mudilu, kidi ndo kunwelekyesa, bea ndo kikamakama kiamanuponena ; 13kate bwalo bunwabanyañana yi masama a Kalistu, nuxekyeleli ; binuxexekyelela ku kikondo kia kiebexelu kia dikai dienci yi kiango kingi. 14Ndo nwamakyec bwa mu dina dia Kalistu, balwangwasanibwi nonu ; bwalo bwamakwomowa Mwoxixi a dikai yi a Ncembi kulu kwenu. 15Kakuxeakala muntu umoumwe yinenu amatata luna muxipanani, ndo luna mwefi, ndo luna mukixi a bwalo bubi, ndo luna muna isoka mu malo a babene ; 16mo akali luna muna Kalistu, kafwi bundu ; mo atumbisi Ncembi mu dina dedi. 17Bwalo bwamafika kikondo, lopelo kubangola ku ncibo a Ncembi ; mo ndo ku buxi kutudi, kixikidilu kiabo kinakala beci batasokwedeya losangu lunengela lwa Ncembi ? 18Yi ndo muna nkwami amapandixibwa yi kusama, you utena yi Ncembi yi you udi mwoni unamoneka kupai ? 19Mbwôso bobo kabidi bamatata bwalo bwa nyinga yamakyeba Ncembi bateki mieyo yabo, pa kwenca kunengela, ku makaci a Mupangi a kibaku.

Currently Selected:

1 PITA 4: Luna_NT

Highlight

Copy

Compare