1 YOANO 2

1BANA bamene, nwafundila bintu bebi binutaxekwona. Aka muntu mwoso onona, tudi yi Musamunini kwa Tete, Yisu Kalistu a nkwami : 2yei lolo udi kibondelu ku mucwe ă mabi ecu ; kaninga kumoni ecu matupu, kate ku mucwe ă bungi bwa loboko kabidi.

3Nako ndo twalubukwa ene, tumubili, ndo twamanama milangu yenci. 4You amatôya ene, Mubili, utasonama milangu yenci, udi muna ncimi, yi sôsôlwo kiena munda mwanci ; 5kaninga muntu mwoso amanama diyi dienci, munda mwanci mwamakukixibwa nyinga ya Ncembi sôsôlwo. Nako ndo kutwalubukwa ene, tudi munda mwanci. 6You amatôya ene, amasala munda mwanci, uxekwenda kabidi mikyenci bea biakakwendayi.

7Banangibwi, kisonufundila mulangu mupyamupya, kate mulangu ă kalikali unwakamangata pôi bubangabanga. Mulangu ă kalikali udi diyi dinwamakwombwa. 8Nwafundila lolo mulangu mupyamupya, udi sôsôlwo munda mwanci yi munda mwenu ; bwalo butanadika mwedima, yi obo a sôsôlwo amalumuka nkyekyu. 9You amatôya ene, udi ku obo, yi amanyañana muna kwanci, udi mu mwedima pôi nkyekyu. 10You amananga muna kwanci amasala ku obo, yi munda mwanci kamuna kiponexelu. 11Kaninga you amanyañana muna kwanci udi mu mwedima, yi endenda ku mwedima, yi kasolubukwa kuyeyayi, bwalo bwamaxipa mwedima ou meso anci.

12Nwafundila, bana, bwalo bwamanulekyelebwa mabi enu ku mucwe i ă dina dienci.

13Nwafundila batete, bwalo bunwamalubukwa you udi pôi bubangabanga. Nwafundila, mapulwa, bwalo bunwamapidila you a bubi. Nwafundila, bana babende, bwalo bunwamalubukwa Tete.

14Napunufundila, batete, bwalo bunwamalubukwa you udi pôi bubangabanga.

Napunufundila, mapulwa, bwalo bunutani yi ngulu, yi diyi dia Ncembi diamasala munda mwenu, yi nwamapidila you a bubi. 15Kanunangi loboko, ndo bintu bidi ku loboko. Aka muntu mwoso amananga loboko, nyinga ya Tete kayina munda mwanci. 16Bwalo kintu kioso kidi ku loboko, luxindilu lwa munyu, yi luxindilu lwa meso, yi disasa dia môyo, kakina kia Tete, kate kidi kia loboko. 17Yi loboko lunadika yi luxindilu lwalu, mo you encenca nyinga ya Ncembi unasala kô kô. 18Bana babende, kudi ola a ku sula, yi byekyene binwamakwombwa ene, Anti-Kalistu ulolwa, biamalwa isanga nkyekyu ba-Anti-Kalistu bangi, mbwôso twamalubukwa ene, ola a ku sula udiko. 19Bakasokowa kutudi, kate kabakadi becu ; ximbi bakakala becu baxesala yinecu ; kate bixekwebexebwabo, ene, bobo boso kabena becu. 20Yi nonu nudi yi kixingilu kinwamaxingibwa kudi you a babala, yi nwamalubukwa bintu bioso. 21Kinufundili bwalo bunutasolubukwa sôsôlwo, kate bwalo bunwamamulubukwa, yi, ene, lodimbu lwoso kaluna lwa sôsôlwo. 22Ñani udi muna ncimi utena you amanyañana Yisu udi Kalistu ? You udi Anti-Kalistu amanyañana Tete yi Mwana. 23Muntu mwoso amanyañana Mwana, yei kiena yi Tete ; you amasakola Mwana udi yi Tete kabidi. 24Ku bwalo bwenu, munwamakwombwa pôi bubangabanga musali munda mwenu : ndo bwalo bobu bunwamakwombwa pôi bubangabanga bwamasala munda mwenu, nonu kabidi nunasala munda mwa Mwana yi munda mwa Tete. 25Yi kunu kudi kilaka kiamatuxiyilayi, môyo ă kô kô. 26Napunufundila bintu bebi ku bwalo bwa bantu banwaungisaungisa. 27Yi ku bwalo bwenu, kixingilu kia manyi kinwakangata kudiyi kiamasala munda mwenu, yi kanusokwabila muntu a kunweyesa ; kate bwalo bwamanweyesa kixingilu kieki dia bintu bioso, yi kidi sôsôlwo, kakina lodimbu pô, yi bwalo bwamanweyesakio, ndo bununasala munda mwanci.

28Nkyekyu lolo, bana, nusali munda mwanci ; akali lolo yei unakwebexebwa, coco tunakala yi mucima, yi katunaxipibwa bundu ku mpala anci ku kiluiu kienci. 29Ndo nwamalembetela ene, yei udi yi nkwami, nwalubukwa ene, muntu mwoso encenca nkwami amalelebwa kudiyi.

Currently Selected:

1 YOANO 2: Luna_NT

Highlight

Copy

Compare