1 YOANO 3

1NUMONI nyinga yamatupa Tete butonga bwayo, bituxebikidibwa ene, bana ba Ncembi ; tudi lolo noku. Mbwôso loboko kalusotulubukwa, bwalo butamulubukwalu. 2Banangibwi, nkyekyu tudi bana ba Ncembi, yi mutunakala kunyuma mukidi kamusokwebexebwa. Twamalubukwa ene, ndo yei unakwebexebwa, coco tunafwanañana yinanci, bwalo butunamumona luna bidiyi. 3Yi muntu mwoso udi yi mudingidilu ou ă kumudingidila amadisusula mikyenci bea bidiyi susu. 4Muntu mwoso onona encenca kabidi yi butomboki ; kwona pako kudi butomboki. 5Nwalubukwa lolo ene, yei akakwebexebwa kuncula mabi ecu ; yi munda mwanci kamuna bubi. 6Muntu mwoso amasala munda mwanci kasokwona ; muntu mwoso onona kamumonene, yi kamulubukili.

7Bana, muntu kanuungixi pô ; you encencankwami udi yi nkwami, bea bidiyi yi nkwami. 8You onona udi muna diabolo ; bwalo bwonona diabolo pôi bubangabanga. Ku mucwe ou kwakakwebexebwa Mwaña a Ncembi, bixexipayi makisa a diabolo. 9Muntu mwoso amalelebwa kudi Ncembi kasokwenca bubi, bwalo bwamasala butonga bwănci munda mwanci ; kabiyi lolo kwenca bubi, bwalo bwamalelebwayi kudi Ncembi. 10Nako kwamakwebexebwa bana ba Ncembi yi bana ba diabolo ; muntu mwoso utasokwenca nkwami kiena muna Ncembi, ndo you utasonanga muna kwanci. 11Kunu kudi diyi dinwakakwombwa pôi bubangabanga, ene, tuxenangañana ; 12kumoni bea Kyene akadi muna you a bubi, yi akaxipa mwakunyenci. Ku bwalo kai kwakamuxipayi ? Bwalo bwakadi makisa anci mabi, aa lolo a mwakunyenci akadi a nkwami.

13Kanukami, bena kwami, ndo loboko lwamanunyañana. 14Coco twalubukwa ene, twamancuka mu lufu kuya ku môyo, bwalo butwananga bakunyi. You utasonanga muna kwañci amasala mu lufu. 15Muntu mwoso amanyañana muna kwanci udi muxipañani ; yi nwalubukwa ene, kakuna muxipañani umoumwe yi môyo ă kô kô amasala munda mwanci.

16Kunu ndo kutwamamona nyinga, bwalo bwakatuladikilayi môyo ănci : yi coco tuxeladikila bakunyi mieyo yecu. 17Kaninga muntu mwoso ndo udi yi bodidi bwa loboko, yi amamona muna kwanci amakwayila, ndo amamuncibikila mala anci, nyinga ya Ncembi yamasala munda mwanci beci ?

18Bana, katunangi ku diyi, ndo ku ludimi, kate ku mudimo, yi ku sôsôlwo. 19Nako tunalubukwa ene, tudi bena sôsôlwo, yi tunakwetabuxisa micima yecu ku mpala anci. 20Ndo mucima ěcu ămatubela, Ncembi amadika mucima ěcu bunene, ubili bintu bioso. 21Banangibwi, ndo mucima ěcu kausotubela, tudi yi mucima ku mpala a Ncembi ; 22yi kintu kioso kitwalcmba, tunakiangata kudiyi bwalo butwamanama milangu yenci, yi twencenca bintu bidi bimpe ku meso anci. 23Kunu kudi mulangu ănci, ene, tuxekwetabuxila dina dia Mwananci Yisu Kalistu, yi tuxenangañana, bea biakatulangayi mulangu. 24You amanama milangu yenci amasala munda mwanci yi yei munda mwanci. Nako ndo twamalubukwa ene, yei amasala munda mwecu, bwalo bwa Mwoxixi amatupayi.

Currently Selected:

1 YOANO 3: Luna_NT

Highlight

Copy

Compare