1 YOANO 1
1
1YOU akadi pôi bubangabanga, utwamakwombwa, utwamamona ku meso ecu, utwamaxixima, amababata makaci ecu, bwalo bwa Diyi dia môyo ; 2(bwalo bwamakwebexebwa môyo, yi coco twamaumona, yi twamatôbôla ntôbô, yi tunwasakolela môyo ou ă kô kô ăkadi yi Tete yi ămatwebexebwa) ; 3you utwamamona, utwamakwombwa, tunwasakolelayi, binuxeakala nonu kabidi yinecu busangilañani bumobumwe, yi busangilañani bwecu budi yi Tete sôsôlwo, yi Mwananci Yisu Kalistu. 4Tunwafundila bintu bebi, bixekukanana kiango kienu.
5Kunu lolo kudi diyi ditwamakwombwa kudiyi, ditunwasakolela, ene, Ncembi udi obo, yi munda mwanci kamuna mwedima pô.
6Coco ndo twamatôya ene, tudi yinanci busangilañani bumobumwe, kaninga twendenda ku mwedima, twamadimba, yi katusokwenca sôsôlwo. 7Mo ndo twendenda ku obo bea bidiyi ku obo, tudi yi busangilañani bwecu bumobumwe, yi maxi a Yisu Kalistu Mwananci atwakusula bubi bwoso.
8Ndo twamatôya ene, katuna yi bubi, twamadidimba mikyecu, yi sôsôlwo kiena munda mwecu.
9Ndo twamasakola mabi ecu, yei udi yi kibaku yi nkwami ya kutulekyela mabi ecu, yi kutukusula kwona kwoso.
10Ndo twamatôya ene, coco katwoneni, twamamwenca muna ncimi, yi diyi dienci kadina munda mwecu.
Currently Selected:
1 YOANO 1: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
