BAROMA 4

Aka kuketelamo mwa Abrahamu

1Lelo lilino tukutigi fiki isya Abrahamu, umwisukulu gwitu ulwa mbili? Kali asyagile isya kuti fiki? 2Buno linga Abrahamu ayobigwe ubugolofu panongwa ya mbombo, po angali ali nasyo isya kwitukifyamo, loli momma nkyeni mwa Kyala. 3#Bwa 15.6; Gal 3.6Agene amasimbo gikuti fiki? Gikuti, Abrahamu alinkumwitika Kyala; syo silinkumpelela ukubaligwa ukuya ngolofu.

4Umwene loli uyu ikubomba imbombo, yo ifihombigwa fyake fitikubaliligwa ukuya fya mwipyana, mma, loli fikubaliligwa ukuya fya pamaka gake. 5Umwene uyu atikubomba, loli ikunsubila yuyo ikunjoba ubugolofu na yu ntulanongwa, yo ulwitiko lwake lwisakubaligwaga ukuya bugolofu. 6Bo lilyo yope Davidi ikunjoba ubusayigwa umundu uyu Kyala ikumbalila ubugolofu bo akabombamo imbombo, apa ikuti,

7 # Salimo 32.1-2 “Basayigwa aba baswegigwe ingilanio syabo, naba imbibi syabo sikupikiligwe.

8Nsayigwa umundu uyu uNtwa atikumbalila ubutulanongwa.”

9Ubwene lelo ubusayigwa bububu, kali bukunjoba yu mbutigwako mwene, pamo yope nunsitakubutigwako? Namanga tukuti, “Ulwitiko lulinkumpelela Abrahamu ukubaligwa ubugolofu.” 10Kali umwene abaliligwe bulebule? Bo abutigweko, pamo bo akali ukubutigwako, mma, loli bo akali ukubutigwako. 11#Bwa 17.10Umwene alyambilile ububutigwa ukuya kimanyilo itolo, nukuya lusisimikisyo lwa bugolofu bwa lwitiko, ulu ali nalo bo akali nukubutigwako; ukuti ayege gwisabo bosa aba bikwitika bo bakabutigwako, ko kuti bope babaligwege ukuya bagolofu. 12Kangi ayege gwise gwa bubutigwa bwa aba bakabutigwako ku kubutigwako kwene, loli bikukonga mmakato ga lwitiko ulu ali nalo tata Abrahamu bo akali nukubutigwako.

Ulufingo lwa Kyala lukwendela ndwitiko

13 # Bwa 17.4-6; 22.17-18; Gal 3.29 Namanga ulufingo lula, ulwa kukingilapo ikisu kyosa, ulu apegigwe Abrahamu nimbeyu yake yosa, lukalyendile mundagilo, loli lwalyendile mbugolofu ubu bukufuma ndwitiko. 14#Gal 3.18Linga bikuya benekilingo aba bikusikonga indagilo, po ngimba ulwitiko lwipelile ukuya lwa itolo, lope na lu lufingo lomwike. 15Namanga indagilo sikupela ingalalisi, loli apa linga sikayapo indagilo, po lope nulukilanio lukayapo. 16#Gal 3.7Ko kuno nikuti sikwendela ndwitiko, ukuti liyege lya ipyana itolo, ko kuti ulufingo lula luyege lwa naloli kumbeyu yosa; komma kwene kuba mundagilo, loli kope na kuba ndwitiko lwa Abrahamu, uyu yo tata twesa. 17#Bwa 17.5(Bo lilyo lisimbigwe ili likuti, “Ngupelile ugwe ukuya gwise gwa fikolo fi fingi itolo”); nkyeni muli uyu alimwitike, yo yu Kyala uyu ikubasyusya nabafwe, uyu ikufibilikila ifi fikayako ukuti fiyengeko.

18 # Bwa 15.5 Umwene napa lukalipo ulusubilo, alinkwitika ndusubilo ukuti, “Ikuyaga yo gwise gwa fikolo fi fingi;” bo lilyo liyobigwe ilya kuti, “Bo yikuyaga bunobuno imbeyu yako.” 19#Bwa 17.17Umwene alinkusita nukuyeta ulwitiko bo ikwibona umbili gwake umfwe, bo aliti ali nafyo ifyinja mia yumo (100), kangi bo ikuketa ukuma imbapo kwa Sara. 20Napapo ukusitakwitika uku kwabagile ukumpelela ukwilamwa ndufingo lwa Kyala, pope alinkukaka ndwitiko, alinkumpa Kyala ubukulumba; 21silinkunkola fiyo ukuti Kyala abagile itolo ukubomba isi afingile. 22Sisisi syo silinkumpelela ukubaligwa ukuya ngolofu. 23Loli sikasimbigwe panongwa yake mwene isya kuti, Abaligwe, mma, 24loli na yuyuswe, twe twisakubaligwaga linga tumwitike uyu ansyusyaga Yesu uNtwa gwitu mbafwe. 25#Yes 53.4-5Umwene Yesu yo abikigwe mbufwe panongwa ya busobi bwitu, kangi Kyala alinsyusisye mbafwe ukuti tuyobigwege ubugolofu.

Currently Selected:

BAROMA 4: NNBII

Highlight

Compare

Copy