BAROMA 3

1Lelo kali aba Yuda bakindilepo fiki pabandu abangi? Ubwene ububuti gwa buli nubununu buki? 2AbaYuda bakindilepo munjila syosa itolo; aka kwanda, abaYuda bapegigwe ukugalindilila amasyu aga ayobile Kyala. 3Bule lelo, linga bamo bakalitike, kali ukusitakwitika kwabo kubagile ukomola ubusubiligwa bwa Kyala? 4#Salimo 51.4Mma, kukabagila! Umwene Kyala yo gwa naloli, loli abandu bo batungulu itolo, bo papo lisimbigwe ili likuti,

“Ukuti uyobigwege ubugolofu muli isi kuyoba,

nukuti utobesyege apa linga kulonga.”

5Lelo linga ubuniongafu bwitu bukubwimika ubugolofu bwa Kyala, po tutubulege uswe? Ngimba Kyala nniongafu apa ikutwala ingalalisi? (Nikuyoba bo mumo bikuyobela abandu.) 6Mma, akaya nniongafu! Linga bo sili, po Kyala abagile ukukilonga bulebule ikisu? 7Lelo linga panongwa ya butungulu bwangu, ubwanaloli bwa Kyala bukindilile ukumpa ubukulumba, po fiki une ngali ngulongigwa ukuya ntulanongwa? 8Kali tuyobege sisyo bikutuhelula bamo apa bikuti uswe tukuti, “Atubombege si mbibi, ukuti mo sifumege inunu?” Bo bisakulongigwaga bo mumo sibabagile. Akayako yumo ungolofu 9Bule lelo, kali uswe twe baYuda tubakindile abangi? Mma, tukabakinda; buno tutalile ukulonga ukuti, nabaYuda nabaGriki bosa itolo bali pasi pabutulanongwa, 10#Salimo 14.1-3; 53.1-3bo lilyo lisimbigwe ili likuti,

“Akayako yumo ungolofu, nayumo itolo;

11akayako yumo ugwa kusyagania,

nayumo uyu ikundonda Kyala.

12Bosa bapagwike kwa Kyala, bosa basobile,

akayapo yumo uyu ikubomba inunu,

nayumo itolo popapo.

13 # Salimo 5.9; 140.3 Abene ingolomilo syabo sili bo li lipumba ili lili bwasi,

indimi syabo lusyobo lutupu;

amata ga njoka amakali gali nkati mmilomo gyabo.

14 # Salimo 10.7 Nkanwa mmyabo mwiswile ifigune nubukali;

15 # Yes 59.7-8 abene bengo ukona ililopa,

16mosa muno bikwenda lonangiko itolo, kangi butolwe butupu,

17iyene injila ya lutengano yo bakayimanya;

18 # Salimo 36.1 lukayapo ulutilo ulwa kuntila Kyala nkyeni mmyabo.”

19Tumenye ukuti syosa isi sikuyoba indagilo, sikubabula aba bali pasi pandagilo ukuti ukwihobokela kwa mundu gwesa kumalikege, nukuti ikisu kyosa kiyege pabulongi bwa Kyala. 20#Salimo 143; Gal 2.16Namanga akayako yumo ugwa mbili, uyu isakuyobigwaga ubugolofu nkyeni mmyake, panongwa ya mbombo sya ndagilo; papo mundagilo mo sikufuma isya kubumanya ubutulanongwa.

Muno Kyala ikutupelela uswe ukuya bagolofu

21Loli lilino kisita ndagilo, ubugolofu bwa Kyala bubonike pabwelu itolo, ubu busisimikisigwe mundagilo na mbasololi. 22#Gal 2.16Nikubala ubugolofu bwa Kyala ubu bukwendela ndwitiko lwa kumwitikila Yesu Kristi, kuli bosa aba bikumwitika. 23Namanga kukayako ukukindana; papo bosa itolo batulile inongwa, bagilwe ukufikapo pabukulumba bwa Kyala. 24Bikuyobigwa itolo ukuya bagolofu mwipyana lyake, ili lyendile mbubangi ubu buli mwa Kristi Yesu; 25uyu Kyala alimwimike, ukuya kandu ka ku sayanilamo ndwitiko lwa mwilopa lyake, ukunangisya ubugolofu bwake, apa Kyala afisaga ilyoyo asilekaga itolo imbibi syabo, isi babombile iyolo bo ikuti lyambepa; 26ko kuti nkabalilo kakaka abunangisyege ubugolofu bwake, ukuti yuyo mwene yo ngolofu, nukuti ikunjoba ubugolofu uyu ali nulwitiko mwa Yesu.

27Bule lelo, ukwitufya kuli kugu? Kwigaliligwe panja itolo. Indagilo silikugu? Isya mbombo? Mma, loli mundagilo isya lwitiko. 28Popapo lelo tusyagile ukuti, umundu ikuyobeligwa ubugolofu mu ndwitiko kisita mbombo sya ndagilo. 29Pamo, kali Kyala yo Kyala gwa baYuda bene? Akaya gwabo bope nabapanja? Ena, umwene gwabo bope nabapanja; 30#Kukumbu 6.4; Gal 3.20namanga Kyala ali yumoywene itolo; uyu isakubayobaga ubugolofu ababutigwako munjila ya lwitiko, nabasitakubutigwako isakubayobaga ubugolofu panongwa ya lwitiko. 31Kali po tukusyomolaga indagilo nulwitiko ulu? Mma, tutikusyomolaga, loli tukusimikaga indagilo.

Currently Selected:

BAROMA 3: NNBII

Highlight

Compare

Copy