BAROMA 2

Ubulongi bwa Kyala

1 # Mat 7.1; Luk 6.37 Ko kuno sikayako simo isya kwinokesya gwe mundu, gwe kulonga, nalinga uye gwe ani; buno muli isi kundonga unnino, mo kwitobesya gwimwene; namanga sisyo kulonga gwe ndongi, syo sisyo kusibomba. 2Buno tumenye ukuti ubulongi bwa Kyala bukutalula itolo kubandu aba bikubomba bo sisisi. 3Gwe mundu gwe kubalonga aba bikubomba bo sisisi, kali kwinogona ukuti kwisakuponaga kubulongi bwa Kyala, bo nanugwe kubomba sisyo? 4Kingamo kubusyokela ubwingi bwa bololo bwake nubufisalyoyo, napa ikuti lyambepa bwila? Ukamanya ukuti ubololo bwa Kyala bukukulabisya ugwe kulupinduko? 5Panongwa ya ndumbula yako ingafu isitakupinduka, kwilundikila ingalalisi pisiku lya ngalalisi, apa bwisakusetuligwaga ubulongi ubugolofu bwa Kyala. 6#Salimo 62.1; Mbupi 24.12Uyu isakunhombaga umundu gwesa ukufwana nimbombo syake. 7Kuli babo bafisalyoyo mumbombo inunu ukulonda ubukulumba, ulwimiko nubusitakufwamo, isakubapaga ubumi ubusitakumalika; 8abene abapelakutapukana, aba bikusila isya naloli, loli bikusitika si sya buniongafu, bo bisakwambililaga ingalalisi nubukali. 9Bwisakuyako ubutolwe nubukamandanigwa kumundu gwesa itolo uyu ikubomba imbibi; unJuda tasi, po lelo nunGriki; 10loli bwisakuyako ubukulumba nulutengano kumu ndu gwesa uyu ikubomba inunu, unJuda tasi, po lelo nunGriki. 11#Kukumbu 10.17Namanga Kyala atikunsalila umundu mbundu bwake.

12Buno bosa aba batulile inongwa bo bakaya nasyo indagilo, bisakupyutigwaga kisitakulongeligwa mundagilo; kangi bosa aba batulile inongwa bo bali nasyo indagilo, bisakulongeligwaga mundagilo. 13Namanga bakaya bo bagolofu kwa Kyala, aba bikupilika kwene ku kupilika indagilo, loli aba bikusikonga indagilo, bo aba bisakuyobigwaga ubugolofu. 14Namanga apa abapanja aba bakaya nindagilo bikukonga isya mundagilo bo bakasimanya, bikwipela ukuya ndagilo babo; napa babo bakaya nindagilo. 15Abene bikunangisya itolo ukuti imbombo sya ndagilo sisimbigwe mundumbula syabo; apa mabyebye gwabo ikubasisimikisya, ninyinogono syabo sikulongana pamo sikunokesania sisyo ndupu. 16Pisiku lilyo ukufwana ni Nongwa Inunu isi nikufumusya Kyala isakusilongelaga isya mbutitu sya bandu mwa Yesu Kristi.

AbaYuda nindagilo

17Lelo linga kwiyoba yuyugwe ukuya nJuda, kusisubila sindagilo, kwitukifya mwa Kyala, 18ubumenye ubwigane bwake, usilingenie inunu nimbibi papo umanyisigwe mundagilo, 19kwibona gwimwene ukuya gwe ndongosi gwa balwamaso, uli lumuli lwa ba mungisi, 20uli mfundamahala gwa bakonyofu, uli mmanyisi gwa bana, gwe mundagilo usibwene muno siyilile isya bumanyi nisya naloli; 21lilino lelo gwe kummanyisya uyungi, po fiki utikwimanyisya gwimwene? Gwe kulumbilila ukuti komma ukuhiya, po kangi nanugwe kuhiya? 22Gwe kuti, “komma ukulogwa” po kangi nanugwe kulogwa? Gwe ufibengile ififwani, po kangi kupupa Nnyumba ya Kyala? 23Gwe kwitukifya mundagilo, po fiki kunjwelula Kyala apa kusikilania indagilo? 24#Yes 52.5Namanga lisimbigwe ili likuti, “Ingamu ya Kyala yikuheluligwa mbapanja panongwa yinu.”

25Namanga ububutigwa bo bununu itolo linga kukonga indagilo; loli linga kusikilania indagilo, bo ububutigwa bwako bwipelile busitabubutigwa. 26Lilino lelo, linga unsitakubutigwa ikusikonga isi silagiligwe mundagilo, kali ubusitakubutigwa bwake butisakuyobigwaga ukuya bubutigwa? 27Lelo popapo umundu uyu akaya mbutigwa ukufuma pabwandilo, loli ikusikonga indagilo, isakukulongaga gwe uli nago amasimbo nububutigwa, loli kusikilania indagilo. 28Namanga akaya yo nJuda uyu linga nJuda munyuma itolo, kangi bukaya bo bubutigwa ubu buli munyuma mumbili itolo; 29#Kukumbu 30.6mma, loli uyu linga nJuda nkati, bo nJuda naloli; kangi ububutigwa bwa naloli, bo bwa mundumbula, bwa mwa Mbepo, bukaya bwa mmasimbo; umundu bo yuyuyu, yo ulwimiko lutikufuma mbandu, loli lukufuma kwa Kyala.

Currently Selected:

BAROMA 2: NNBII

Highlight

Compare

Copy