BAROMA 11

Ikisa kya Kyala pa banyaIsraeli

1 # Filip 3.5 Popapo lelo nikulalusya une nikuti, kali Kyala abatagile itolo abandu bake? Mma, akabatagile napanandi; buno nanine ndi nyaIsraeli, mfumile nduyungu lwa Abrahamu, nkikolo kya Benjamini. 2Kyala akabataga abandu bake, aba abamanyile ngani liyolo. Pamo mukasimanya isi amasimbo gikuyoba isya Eliya? Apa ikubapyelekesya abanyaIsraeli kwa Kyala ikuti, 3#1 Banyaf 19.10,14“Gwe Ntwa, babagogile abasololi bako, ifigemo fyako fya kwikemekesyapo bapangwile; nsyele nimwene itolo, kangi bikubufwima ubumi bwangu.” 4#1 Banyaf 19.18Umwene loli Kyala ikumwamula sya fiki? Ikuti, “Buno une nisyakisye abandu baelifu bahano na babili (7,000), aba bakamfugamilamo siku kyala gwakifwani Baala.” 5Bo sili bunobuno na lilino; balipo aba basyele, aba basaliligwe mwipyana; 6loli linga mo mwipyana, po bakasaliligwa mumbombo, namanga ilipyana po angali likaya ipyana.

7Po fiki lelo? Ifi Israeli alondaga fyo akafyaga; abene abasaligwa bo bafyagile, loli aba basyele balinkupegwa ubukafu indumbula; 8#Kukumbu 29.4; Yes 29.10Bo apa lisimbigwe ili likuti,

“Kyala abapele indumbula iyi yilulele itolo,

ukuti amaso gabo gangaketaga,

nimbulukutu syabo bangapilikaga

ukwisakufika na kulilino kuno.”

9 # Salimo 69.22-23 Yope na Davidi ikuti,

“Ifyakulya fyabo fya palusekelo fipelege lutambo,

kangi fipelege ntego, fipelege kandu ka kwifulasyamo indumbula,

kangi luyege lubukisyo kumyabo.

10Amaso gabo gapupalege ukuti gangaketaga;

inyuma syabo sigundamege bwila.”

11Nikulalusya lelo une nikuti, Kali bafulele indumbula ukuti bafwege losa? Mma, bo sikaya, lilino panongwa ya busobi bwabo, ubupokigwa bwisile mbapanja, ukubapelela ubufi abanyaIsraeli. 12Apene linga ubusobi bwabo bukwipela ukuya bukabi bwa kisu, kangi ukutoligwa kwabo kukwipela ukuya bukabi bwa bapanja, kali po bapelaga poki linga bayangapo bosa?

Ukupokigwa kwa bapanja

13Loli syo nikuyoba kumyinu mwe bapanja; bo mumo nipelile ukaya ntumigwa kubapanja, mo mumo nikubutukifya ububombeli bwangu, 14ukuti linga sibagile, mbapelelege ubufi abamyitu aba ilopa lyangu, ko kuti mbapoke bamo. 15Namanga linga ukutagigwa kwabo kukwipela ukuya lusayano lwa kisu, kali po ukwambililigwa kwabo kusite ukwipela ukuya bumi ubufuma mbafwe? 16Linga akamenya akatasi aka kapegigwe kwa Kyala kikemo, bo yope imbulumbwa yosa nyikemo; kangi linga unsisi gwa mpiki mwikemo, bo syope nisamba nyikemo.

17Apene apa linga isamba simo sikonyoligwe, loli ugwe gwe nsyunguti gwa mmatengele ulungikisigwepo, kangi kulilanila nago ubununu bwa nsi gwa nsyunguti, 18ungitufyaga kusamba sila. Loli linga kwitufya, po ukumbukege ukuti ukaya yo ugwe kugupimba unsi, loli unsi go gukukupimba ugwe. 19Ugwe lilino kwisakutigi, “Isamba syakonyoligwe ukuti une ndungikisigwepo.” 20Kanunu! Isyene syakonyoligwe panongwa ya kusitakwitika, ugwe loli gwimile panongwa ya lwitiko, lelo ungitufyaga gwimwene, loli utilege; 21namanga linga Kyala akasipakisye isamba sya pakikota, po nanugwe atisakukupakisyaga. 22Ukete lelo ubololo bwa Kyala nubukali bwake; kuli aba bagwile ko nkali, loli kumyako Kyala mololo itolo, linga kulinda mu mbololo bwake, ukuti nanugwe ungisakukonyoligwaga. 23Bope na balabala, linga batikulindamo mbusitakwitika bwabo, bisakulungikisigwangamo, namanga Kyala ali namaka aga kubalungikisyamo kangi. 24Namanga linga ugwe gwatumuligwe ukufuma munsyunguti, ugu gwali gwa mmatengele ukupeligwa, linga gwalungikisigwe munsyunguti ugwa nkaya muno ukapeligwemo, po batikukindililaga itolo ukulungikisigwa munsyunguti gwabo, aba nkupeligwa bafumile mumo.

Ikisa kya Kyala pabandu bosa

25Mwe bamyitu, namanga ndikulonda ukuti muyege basitakusimanya isya mbutitu isi (ko kuti mungisyobaga ukuti muli ba mahala), ukuti ubukafu indumbula bukisile ikiyabo kimo kya Israeli, ukwakufika apa abapanja bosa bikwingililaga; 26#Yes 59.20bunobuno lelo Israeli gwesa isakupokigwaga, bo lilyo lisimbigwe ili likuti,

“Umpoki isakwisaga ukufuma nkaya ka Zioni,

yo isakubusosyangamo ubuniongafu bwa Yakobu.

27 # Yere 31.33-34 Ulu lo lwitikano, ulu nisakwitikana nabo, bo nikubaswa inongwa syabo.”

28Pakusisyokela Inongwa Inunu abaYuda bipelile balugu ba Kyala panongwa yinu, loli ukuya bandu abasaligwa, po bipelile ukuya baganigwa panongwa ya bankikolo kyabo. 29Buno Kyala nulubilikilo lwake atikwandula inyinogono syake pali uyu ansalile; 30namanga bo apa iyolo umwe mwali bapanja mukampilikaga Kyala, lilino loli po mulwagile ulupakisyo panongwa ya kusitakupilika kwa baYuda; 31bunobuno lelo bope bipelile basitakupilika, ukuti apa nanumwe mulwagile ulupakisyo, po bope lilino balwagege ulupakisyo. 32Namanga Kyala abigalile bosa mbusitakwitika, ukuti abapakisyege bosa.

33 # Yes 55.8 Mwe, bo busolofu buki ubukabi bwa Kyala, namahala, nubumanyi bwake! Ywani ati asyaganiege isi umwene atumwile? Ywani ati asyaganiege injila syake? 34#Yes 40.13“Namanga kali ywani uyu asyagenie inyinogono sya Ntwa? Pamo ywani uyu abagile ukundingania? 35#Jobu 41.11Ywani uyu ampelemo fimo, ukuti yope ise angomokesyege kangi?” 36#1 Kor 8.6Buno fyosa itolo fikufuma mu mmyake, fikwendela mu mmyake, kangi fikulabila ku kumyake; yo ulwimiko luyeko kumyake bwila na bwila. Amen.

Currently Selected:

BAROMA 11: NNBII

Highlight

Compare

Copy