BAROMA 10
10
1Mwe bamyitu, syo nanyonywaga nindumbula yangu yosa kangi nikwiputa kwa Kyala ukuti aba nkikolo kyangu bapokigwege. 2Namanga nikubasisimikisya une nikuti, bikwiyula ku sya Kyala, loli bakasyagania bununu. 3Buno abene bo bakasimanya isya bugolofu bwa Kyala, kangi bo bikulonda ukusimika si syabo itolo, balinkusita nukulamba kubugolofu bwa Kyala. 4Namanga Kristi yo bumalikilo bwa ndagilo, ukuti mo bayobeligwege ubugolofu bosa aba bikwitika.
Ubupoki bo bwa bandu bosa
5 #
Levi 18.5
Buno Mose asimbile isya bugolofu ubu bukufuma mundagilo atile, “Umundu uyu ikusikonga indagilo yo isakubwagilaga ubumi mumo.” 6#Kukumbu 30.12-14Loli pakubuyoba ubugolofu ubu bukufuma ndwitiko, bo amasimbo gikuti, “Ungayobaga mundumbula yako ukuti, Kali ywani isakufyukako kumwanya?” (Uku ko kunsulusya Kristi pasi); 7pamo ukuti, “Ywani isakusuluka kubwina ubu solufu bwa bufwe?” (Uku ko kumfyusya Kristi ukufuma mbafwe). 8Loli amasimbo gikuti fiki? Gikuti, “Ilisyu lili pabupipi nanugwe, lili nkanwa mmyako, kangi lili mundumbula yako” — lyo isyu lya lwitiko ili tukulifumusya. 9Buno linga kuyoba pabwelu nkanwa mmyako, ukuti Yesu yo Ntwa, kangi kwitika mundumbula yako ukuti Kyala alinsyusisye mbafwe, kwisakupokigwaga. 10Namanga lo lu lwitiko ulu lukutupela ukuya bagolofu, ko ku kunjoba pabwelu uku kukutupelela ukupokigwa. 11#Yes 28.16Namanga amasimbo gikuti, “Gwesa uyu linga ikumwitika, yo atisakukosigwaga isoni.” 12Papo kukayapo ukukindana nunJuda nugwa panja, namanga umwene yo yu Ntwa gwa bosa, umwene yo ikubapa ubukabi nukubasaya bosa aba bikukolela kumyake. 13#Yoeli 2.32Bo mumo amasimbo gikuyobela ukuti, “Gwesa uyu ikuyiyoba ingamu ya Ntwa, yo isakupokigwaga.”
14Yo bati bakolelege bulebule kumyake uyu bakamwitika? Bamwitikege bulebule bo bakapilika amasyu gake? Bapilike bulebule bo akayapo undumbilili? 15#Yes 52.7Kangi balumbililege bulebule bo bakatumigwa? Bo lilyo lisimbigwe ili likuti, “Bo bununu buki ukwisa kwa aba bafwele Inongwa Inunu.” 16#Yes 53.1Loli bakalitike bosa Inongwa Inunu, namanga Yesaya ikuyoba ikuti, “Gwe Ntwa, ywani asitike inongwa syitu?” 17Bunobuno lelo ulwitiko lukufuma nkupilika, kangi isi sikupilikigwa, sikufuma mwisyu lya Kristi.
18 #
Salimo 19.4
Loli nikulalusya nikuti, Ngimba naloli bakayipilike indumi? Ukupilika ko bapilike, namanga amasimbo gikuti,
“Buno akogo ka lisyu lyabo kabalanile nkisu kyosa,
kangi amasyu gabo gayilekufika kuno kimalikile ikisu.”
19 #
Kukumbu 32.21
Nikulalusya kangi nikuti, ngimba abene abanyaIsraeli bakasyagenie? Mose yo gwakwanda ukwamula, ikuti,
“Nikubapelelaga abandu bangu ubufi kubandu aba bakaya kikolo kyene,
kangi nikubapelelaga ubukalale kukikolo ikisita mahala.”
20 #
Yes 65.1
Umwene Yesaya yo ikukiba itolo ukuyoba ikuti,
“Banyagile une babo bakandondaga,
ninangisye kuli aba bakandondaga une ukuti ali kugu.”
21 #
Yes 65.2
Loli pakubayoba abanya Israeli po ikuti, “Umusi gosa ngolwisye itolo amaboko gangu ukubambilila abandu abasitakupilika, abalukani.”
Currently Selected:
BAROMA 10: NNBII
Highlight
Share
Compare
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
