1 Korintus 8
8
Boraoi atawa aroh kuman daging ingkan komolum co tomporsembah indan kawan aang co boganan
8:1-13
1 Makitu tintun daging ingkan komolum co tomporsembah indan kawan aang co boganan. Ikan sobulih monau porinsip tintun kasih houn. Oko popatah: “Kokon to monau aranaang.” Tapi amun dulun ‘monau aranaang’,#8:1 Oko pira-pira dulun nyan Korintus co bopikir iroh oko pongotahuan husus ingkan Mohotara tintun sogala macam aang, iyohonon tintun kopongoruh, porsembahan hia kawan dewa, komampuan husus co tomihi Mohotara, hcbb. Indung pongotahuan doh sala, paluh Paulus sobulih nongkorong pikiran doh. Inung pongotahuan doh bujur. Tapi Paulus majar iroh socara umum houn. Iroh sobulih horoholuh pomasi hintang aroh bolecak. Paulus majar iroh socara spesifik tintun kuman daging nyan ayat 7-13. maka dulun cioh jarin bolecak. Sobujur eh ito hopasi dongan. Nonboh caraeh ito umpi dongan jarin meleh borohon porocaya. 2Amun oko dulun co bopikir bahawa are ‘monau aranaang’, sobujur eh dulun cioh arinai monau ome co sobulih eh tomonau. 3Tapi dulun co tuu-tuu mongasihi Mohotara, are tonyono Mohotara.
4Nah, tintun kisok cotuh: Mainboh ito boraoi kuman daging ingkan komolum co tomporsembah hia kawan aang co bogananatawa aroh? Ito monau “arelu oko kawan aang co boganan nyan dunia co bujur-bujur bolum.” Ito mahi monau “Baya oko ico Mohotara co tuu. Arelu oko co bokon.” 5Mula oko dulun co porocaya bahawa nyan dunia hintang nyan sorga oko orong aang co boganan hintang oko orong aang co tonyembah tonyuku bokon ma Mohotara. 6Tapi bagi ito, baya oko ico Mohotara, iyohonon Mohotara Taman to. Are co moncipta kokon aranaang. Ito bolum ika nyembah nyuku Are. Bagi ito, baya oko ico Tuhan, iyohonon Yesus Kristus. Kokon aranaang tomoncipta poko tului Are. Ito haba kobolum co tuu-tuu poko tului Are.
7Tapi, oko nyan halo ikan co arinai monau kokon aang taiyoh. Iroh yoh batuh biasa momporsembah komolum indan kawan aang co boganan. Oluco makitu iroh ocop porocaya ma Yesus, iroh incah bopikir bahawa kuman daging cioh borati tolibat nyembah nyuku kawan aang co boganan. Dapot makitu iroh kurang yakin, sohingga iroh nongkomo jarin kosolaan doh amun iroh kuman daging ingkan komolum cioh.
8Sobujur eh, ito aroh jarin meleh pio nyan tohimo Mohotara amun ito aroh kuman kanon totentu. Ito mahi aroh jarin meleh pio nyan tohimo Mohotara amun ito kuman kanon totentu. 9Jadi ikan bebas amun nyau kuman. Tapi, borondo-rondong ina ikan aroh umpi mosalah indan iroh co atoieh kurang yakin. 10Cuntueh, amun dulun co atoieh kurang yakin yoh noto iko dahat tuot kuman nyan lopo ika nyembah nyuku aang co boganan, iko angar mondorong are ika umba kuman eh, podahar indan are aang cioh sala. 11-12Borarti, iko mondorong are ika umpi aang co are angap eh dosa. Sobujur eh, iko bebas kuman daging cioh. Tapi ‘pongotahuan’ mu tintun onon, umpi are moho ika mombeda comoh co buah, comoh co sala. Dapot are jarin lumat.#8:11 Oluco arelu oko kanon co tongosiit, amun dulun derek naleh hati noranieh, are aroh boraoi mombeda antara sala hintang buah. Are bolajar cara bolum co sutir umpi dosa. Cara bolum cioh naleh cara bolum co ngonyorih Yesus. Ma cara conon, iko bodosa tohimo are. Podahar, Kristus matoi ika nyolamat are ka. Jadi, amun ikan bodosa tohimo kawan dongam co porocaya co empun atoi co kurang yakin, iyoh sama isan ikan bodosa tohimo Kristus. 13Poko tului iyoh, amun ome co kanong kuh umpi ico ingkan iroh bodosa, akuh aroh angar kuman daging bat sohapuh umur kuh. Aroh dapot akuh umpi kawan dongang co porocaya bodosa.
Currently Selected:
1 Korintus 8: TBSS
Highlight
Copy
Compare
Share
Want to have your highlights saved across all your devices? Sign up or sign in
