1 Korintus 2
2
Cara Paulus momborita Tarung Pio Poleha kuasan Mohotara
2:1-5
1Kawan konduang bakah bawe, akuh mahi aroh harat hiah waktu akuh dombut hia ikan. Akuh aroh hapo luang antun co anar atawa akar pikir kolunon ika momborita tintun roncana Mohotara co batuh aroh tomonau kolunon.#2:1 Teks asli hapo antun ‘rahasia’ ingkan Mohotara. ‘Rahasia’ cioh tomonjelas nyan Epesus 3:5-6. Mohotara umpi calan ina kokon dulun oko kosompatan ika tonyolamat aroh baya dulun Yahudi. Mohotara nyoruhan ico Laca, iyohonon Yesus. Kokon dulun co porocaya ma Yesus angar jarin dulun tioh Mohotara. Tarung Pio sipat eh ‘rahasia’ awi sorinai Yesus dombut, kawan dulun aroh monau tangar maindeon cara Mohotara angar monepat janji-Eh. 2Tului, akuh ocop umpi koputusan baya ina momborita bahawa Yesus iyohco Kristus, hintang Are matoi nyan sompolaki Akuh aroh kolu momborita ma ikan tintun kawan aang co bokon. 3Kotahin akuh halo ikan, akuh lamah. Akuh hororiki awi takut. 4Waktu akuh momborita Tarung Pio, akuh aroh hapo akar pikir kolunon ika poyakin ikan jarin porocaya. Tapi akuh momborita tarung cioh ma kawan alogawi co pototo bahawa Roh Mohotara bokuasa. 5Iyoh tojadi ina me jarin porocaya poko tului kuasan Mohotara, bokon akar pikr kolunon.
Akar pikir ingkan Roh Mohotara iyohco akar pikir co buah
2:6-16
6Tapi ma kawan dulun co borohon porocaya ma Yesus, kaih mula majar tintun akar pikir. Tapi akar pikir cioh aroh ingkan akar pikir kolunon nyan dunia tuh, aroh ingkan akar pikir kawan ponguasa dunia tuh. Kuasan doh angar lanyap. 7Tapi co tomomborita kaih iyohco akar pikir Mohotara#2:7 Ponah ayat cotuh, ‘akar pikir Mohotara’ boarti ‘roncana Mohotara co boakar pikir’. Iyohonon roncana eh ika nyoruhan Yesus Laca Co Tomonjanji Mohotara. co tocuhuk hintang rahasia. Akar pikir cioh tonyodia Mohotara indan kohurmatan ito ingkan sorinai dunia tomoncipta. 8Kawan pomimpin nyan dunia tuh aroh paham akar pikir Mohotara yoh. Soandai eh iroh paham tintun akar pikir Mohotara yoh, mositi iroh aroh mohukum matoi Yesus nyan sompolaki 9Tapi, ito monau, isan co tonulih ponah Surat Borasih:
“Mohotara ocop nyodia kawan aang indan kawan dulun co mongasihi Are. Tapi aroko piji oko dulun co kito kawan aang taiyoh. Aroko piji oko dulun co ngoneh tintun kawan aang taiyoh. Aroko piji oko dulun co boraoi mombayang kawan aang taiyoh.”#2:9 Ingkan buku Yesaya 64:4. Kawan nabi bornubuat tintun roncana Mohotara, iyohonon pakatu Yesus ika umpi calan ina dulun boraoi tonyolamat. Oluco kawan nabi bornubuat tintung iyoh, orong dulun arinai paham iyoh.
10Tapi Mohotara ocop poleha roncana-Eh yoh ma ito. Mohotara nguan iyoh molalui Roh-Eh co tomihi-Eh indan to. Awi, Roh cioh nyolidik kokon aranaang, malah kawan aang tintun Mohotara co tocuhuk ponah arop-Eh. 11Huwah bopikir. Arelu oko dulun co boraoi paham kawan aang ponah arop dongai. Baya roh dulun cioh leh co boraoi paham kawan aang ponah arop eh yoh. Samah ka ma Mohotara. Arelu oko dulun co paham kawan aang ponah arop-Eh. Baya Roh Mohotara boraoi paham kawan aang ponah arop Mohotara. 12Jadi, ito aroh norima roh co borasar ingkan dunia tuh. Malah seen ito norima Roh Mohotara. Ma isanioh, ito boraoi paham kopion Mohotara co ihi indan to.
13 Waktu kaih majar, kaih majar tintun kokon kopion Mohotara yoh. Kaih hapo kawan antun co tomajar pian Roh Mohotara, aroh kawan antun co tomajar pian akar kolunon. Kaih monjelas kawan aang tintun Mohotara yoh indan kawan dulun co ocop norima Roh Mohotara. 14Tapi kawan dulun co baya bopikir socara duniawi, iroh kuloi kawan aang ingkan Roh Mohotara. Iroh mongangap kawan aang taiyoh kuong. Iroh aroh boraoi paham kawan aang taiyoh awi kawan aang taiyoh baya lian tonilai socara rohani.
15Tapi kawan dulun co tonguasa Roh Mohotara, iroh hegah monilai kokon aranaang, iroh aroh lian tonilai kawan dulun co bokon.#2:15 Nyan intoi maksut Paulus dulun duniawi aroko boraoi monilai dulun rohani. ATAWA maksud eh pondapat dulun arelu oko artieh baya pondapat Tuhan co penting. 16Nain co tonulih ponah Surat Borasih:
“Arelu oko dulun co monau pikiran Tuhan, Mohotara! Arelu oko dulun co hegah mihi nosehat indai-Eh!”#2:16 Ingkan Yesaya 40:13.
Tapi ito hegah paham awi ito hapo pikiran Kristus.
Currently Selected:
1 Korintus 2: TBSS
Highlight
Copy
Compare
Share
Want to have your highlights saved across all your devices? Sign up or sign in
