Захарияа 13
13
Онгонууд болон худал лүндэншэдһээ сүлөөрэлгэ
1Тэрэ үдэр Давидай гэр бүлынхидтэ, Иерусалимай оршон һуугшадта шэнэ булаг урдаха. Тэрэ булаг нүгэл наманшалхын ба бузар арилгахын түлөө дэлбэрхэ.
2Түмэн Сэрэгтэ Эзэн иигэжэ айладхана:
– Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб. 3Хэрбээ хэн нэгэн худал үзэл үзүүлбэл, тэрэ хэһээгдэхэ. Түрэһэн эхэ эсэгэньшье «Эзэнэй нэрээр худалаар хэлэнэш, ушар тиимэһээ ши үхэхэ ёһотойш» гэхэ.
4Мүн тэрэ үдэр лүндэншэд өөһэдын үзэл үзэлгэһөө эшэжэ, мэхэлхын тула үмдэдэг шэрүүн нэмэргэеэ үмдэхэгүй, 5харин «Би лүндэншэн бэшэ, хара багаһаа газарай ажал хэжэ ябаһан хүм» гэлдэхэ. 6Ямар нэгэ хүнэй «Тиигэбэл, бэедэшни байһан эдэ шарханууд хаанаһаа гээшэб?» гэжэ асуухада, «Хархис үзэлтэ онгонуудта сохюулаа һэмби», – гэжэ тэрэ харюусаха.
7Түмэн Сэрэгтэ Эзэн иигэжэ айладхана:
Эритэ илдэ, Минии хони адуулагшада, Намда дүтын болохо хүндэ
эсэргүү бодон таһа сабшыш! Хонишонииень дайража һалгаахадаш,
һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.
8Энэ дэлхэйн зоной гурбанай хоёр хубинь хюдагдан хосорхо.
Гурбанай нэгэ хубинь үлэхэ.
9Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб.
Алта тунгаадаг шэнги тэдэниие тунгаажа сэбэрлэхэб.
Тиихэдэ тэдэ Намайе дуудаха.
Би харюудань «Энэ Минии арад түмэн», – гэжэ айладхахаб.
«Эзэн болбол манай Бурхан», – гэжэ тэдэ хэлэхэ.
Currently Selected:
Захарияа 13: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
