Иона 4
4
Ионын сухалдаан
1Иона энээниие тэсэжэ ядан, зүрхэниинь шэмшэрэн уйлажа эхилбэ. 2Тэрэ Эзэндэ иигэжэ зальбарба: «Оо, Эзэн, үшөө орон нютагтаа байхадаа одоо энээн тухай хэлээ бэшэ һэн гүб? Хамаг һайниие хүсэгшэ, нигүүсэхы, хүлеэсэ ехэтэй, олониие үршөөгшэ Танай, Бурханай, гай тодхор тухай голхорхые мэдээд, энэл ушарһаа Таршииш руу зугадаа һэм. 3Мүнөө, Эзэн, һүнэһыем намһаа зайлуулыт, амиды ябанхаар үхэһэмни дээрэл».
4Тиихэдэнь Эзэн иигэжэ айладаба: «Энэ тиимэ ехээр шамайе голхоруулба гээшэ гү?»
5Иона тэрэ хотоһоо гараад, зүүн таладань һууба, тиигээд тэрэ өөртөө һарабша барижа, тэрэнэй һүүдэр доро һуугаад, энэ хотодо юун бологшо ааб гэжэ хүлеэбэ. 6Толгойень һүүдэрлэхыень, тэрэнэй голхоролые номгоруулхын тула Эзэн һөөг ургуулба, тэрэнь Ионаһаа үндэр болобо; Иона энэ һөөгтэ олиггүй ехээр баярлаба.
7Эзэнэй заяаһанай ёһоор үглөөдэрынь үүрээр тэрэ һөөгынь хорхойдо химэлүүлээд хаташаба. 8Наранай гарамсаар Эзэн зүүн зүгһөө халуун һалхи үлеэлгүүлбэ. Халуун наран хайра гамгүйгөөр Ионын толгойе шаража эхилбэ. Иона тэнхээ тамираа алдахадаа, бэедээ үхэл эрин иигэжэ хэлэбэ:
– Амиды ябанхаар үхэһэмни дээрэ.
9Бурхан Ионаһаа иигэжэ асууба: «Энэ ургамалай түлөө ши юундэ иимэ ехээр голхорбобши?» Тэрэ иигэжэ хэлэбэ:
– Үнэн дээрээ үхэхэ болотороо ехээр голхорооб.
10Тиихэдэнь Эзэн иигэжэ айладаба:
– Ши тэрэниие таряагүй, тэрэниие ургуулаагүй аад, нэгэ һүниин туршада ургаһан, мүн нэгэ һүниин туршада хосорһон энэ һөөгэй түлөө голхорбош. 11Зүүн, баруунаашье, зүб, буруугаашье мэдэхэгүй зуун хори мянга гаран зонтой агууехэ хото Нинэвээе, олон үхэр малые Намһаа бэшэ хэн хайрлаха байгааб?!
Currently Selected:
Иона 4: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
