Михей 1
1
1Ётаам, Ахааз болон Хэзэкияа гэгшэдэй Иудын хаашуул байха үе сагта Морээшэт хотын Михейдэ Эзэн айладхал буулгажа, Самари болон Иерусалим хотонууд тушаа үзэгдэл харуулһан байна.
Эзэн Израиль болон Иудые шүүн хэһээнэ
2Бүхы арадууд, шагныта!
Дэлхэй дээрэ байгаашад, бултадаа анхарыт!
Таанадай урдаһаа Эзэн гэршэ болохонь!
Тэрэ огторгойдохи Өөрын нангин ордонһоо таанадые гэмнэхэнь!
3Зай, иигэжэ Тэрэ һууриһаа хүдэлжэ, уруудан,
дэлхэйн үндэр орьёлнуудта гэшхэхэнь.
4Галһаа зулын тоһоной хайладагтал,
хаданууд Тэрээн доро хайлахал.
Эгсэ газарһаа унадаг уһандал,
нюруу хүндынүүд үгы болохол.
5Энэ бүгэдэ Яковай үринэрэй үгэ дууладаггүй,
Израилиин зоной нүгэлтэй байһанһаа болохонь.
Яковай үринэрэй үгэ дууладаггүйнь хэнһээ гараа болоно бэ?
Самариһаал юм бэшэ гү?!
Иудын газар дайдада обоонуудаар тахил үргэдэгынь
хэнһээ үүсхэлэн гарааб? Иерусалимһаал ха юм!
6Эзэн иигэжэ айладхаа: «Энээнэйнь түлөө
Би Самариие задагай хээрэ газарта
обоолоотой һандархай шулуун,
уһан үзэм һуулгаха газар болгохоб.
Нюруу газар руу шулууень адхахаб,
һуурииень эли гаргахаб.
7Бүхы шүтээнүүдынь тэһэ биса сохигдохо,
янхан ябадалай ордоной түлбэри бэлэгүүд галда шатаагдаха.
Бүхы хүрэгүүдынь Би хаясаанай болгохоб.
Юу гэбэл, эдэ бүгэдые Самари янхан забхайралгын түлбэриһөө
түлэн суглуулжа байгаа,
дайсадынь янхан хэрэгтэ тэдэниие шэглүүлэг лэ».
Лүндэншын гомдол
8Энээнһээ боложо, би гашуудахаб, сурхирса уйлахаб,
хүл нюсэгэн, шараа нюсэгэн ябахаб,
айһандаа сүүбэн шоно мэтэ улижа,
айран тэмээн хяруул мэтэ хашхаран байхаб.
9Самариин шархань эдэгэшэгүй, Иудадашье энэнь хүрөө,
арад зоноймни ажаһуудаг Иерусалимай хаалганууд хүрэтэршье ерээ.
10Гаадай улад зоной энээн тушаа мэдэхэгүйн тула шангаар бү хашхаралдагты!
Бэт-Лэапраагай улад зон, угаа ехэ гай тодхорто дарагдан, шорой соо хүльбэрыт.
11Шапиирайхид, шараа нюсэгэн,
эшхэбтэр юумэд ябаха замаараа ябыта!
Цаһанаанайхид гаран ошожо шадахагүй.
Бэт-Ээцэлынхидэй сурхирса уйлажа байха абяан дуулдажа,
тэндэ хорохо арга байхагүй гээд таанад ойлгохот.
12Мароодой улад зон хэзээ һайн байдал тогтохоб гэжэ хүлеэжэ,
тэсэжэ ядан бэеэ зангидана,
юуб гэбэл, Эзэнһээ Иерусалимай хаалганууд руу
гай тодхор буужа ерээл.
13Лахиишдэ ажаһуугшад, дайшалхы тэргэнүүдтэ моридоо хүллэгты!
Таанад Израилиин хэрэгүүдые даган, Иерусалимые нүгэлдэ оруулаат.
14Мүнөө таанад Морээшэт-Гаат руу хахасалгын бэлэгүүдые эльгээхэт.
Ахзиибэй хото һууринууд Израилиин хаашуулые мэхэлжэ, туһалхагүй.
15Марэшаагай ажаһуугшад, Эзэн таанад руу эзэмдэгшэ нэгэниие асарха.
Израилиин алдарта хаан Адуллаамай агы нүхэн руу ошожо,
хоргодохо баатай болохол.
16Иудын улад зон, баяр баясхалантнай болохо хүбүүд тухайгаа гашуудан үһөө тайрагты,
хөөбэрлэжэ байгаа бүргэд мэтэ халзан өөһэдыгөө болгогты,
юуб гэбэл, хүүгэдтнай таанадһаа таһаран, сүлэлгэ руу туугдаха.
Currently Selected:
Михей 1: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
