Иона 3
3
Иона Нинэвээ хотынхидые гэмээ наманшалхыень уряална
1Эзэнэй Ионада хоёрдохиёо айладаһан үгэ:
2– Агуу хото Нинэвээ руу зорин ошо, Минии шамда айладаашые тэндэ номнохош.
3Эзэнэй айладаһанай ёһоор Иона түхеэрээд, Нинэвээ ошобо.
Бурханда агуу хото Нинэвээ байгаа, хэмжээниинь гэбэл, гурбан хоногой туршада алхаад гаталхаар бэлэй. 4Иона нэгэ үдэрэй туршада хото соогуур ябаха үедөө номнол буулган иигэжэ хэлэбэ:
– Дүшэн хоногой үнгэрхэдэ Нинэвээ һандаргагдаха!
5Нинэвээ хотынхид Эзэндэ этигэбэ, масаг соносхобо, багашуулһаа эхилээд, бүхы зон шэрүүн бүдөөр оёгдоһон гашуудалай хубсаһа үмдэбэ. 6Энэ хэрэг Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, гашуудалай шэрүүн бүд хубсаһа үмдөөд, шандаруу дээрээ һууба. 7Тэрэ хаанай болон түшэмэлнүүдэй үмэнэһөө Нинэвээдэ зарлиг болгон иигэжэ соносхохые захирба:
«Зон, тиихэдэ бодо ба жэжэ мал юумэ эдихэгүй, бэлшээридэ гарахагүй, уһа уухагүй. 8Зон гашуудалай шэрүүн бүд хубсаһа үмдэг, мүн мал иимэ бүдөөр хушагдаг, Бурханда хандан, бии шадалаараа зальбараг, хүн бүхэн гэмтэ ябадал, буруу хэрэгүүдые хэхэеэ болиг. 9Хэн мэдэбэб, Бурхан үршөөжэ, Өөрынгөө һүрөөтэ уур сухалые манһаа зайсуулжа, бидэ хосорхогүйл ааламди».
10Бурхан тэдэнэй хэрэгүүдые хараба. Харата муухай замһаа тэдэнэй холодоходо, Бурхан хайрлажа, тэдэниие хэһээхэ гэһэнээ болюулба.
Currently Selected:
Иона 3: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
