Һошээ 7
7
1Израилиин арад түмэниие аргалжа байхадаа, тэдэнэй гэмтэ ябадалнуудые хараа бэлэйб. Хулгайшан хулгайлхаяа орожо байна, дээрмэшэн үйлсэнүүдээр дээрмэшэлэн ябана. 2Муу муухай хэрэгүүдыень Минии бултыень һанажа байһые тэдэ мэдэнэгүй. Теэд нүгэл шэбэлынь тэдэниие тойроод байнал, Би мүнөө эли хаража-үзэжэ байнаб.
Хаанай ордонойхиной нүгэл хилэнсэ
3Мэхэ гохо гаргажа, тэдэ хааниие болон түшэмэлнүүдые хүхеэнэ. 4Хилээмэ баридаг хүнэй талха худхаад, тэрэнээ болгохын тула пеэшэ түлеэд, саашань түлихэеэ болиһондол, тэдэ Намда урбаха ябадалаар дүүрэшэнхэй. 5Хаанай һайндэрэй үедэ тэдэ хаан болон түшэмэлнүүдые шал һогтуу, үзэмэй дараһан архиһаа уймар болгодог. 6Тэдэнэй мэхэ гохо пеэшэндэл адли аһан носоно. Бүхэли һүниндөө уур хилэнгынь ууяжа байһан аад, үглөөгүүр дүлэлзэн ехээр носошохо юм.
7Уур хилэнгээр дүүрэнхэй тэдэ удамаршадаа алана. Хаашуулынь алуулаад, алдалан унана, теэд хэнииньшье Нам руу туһа эрин ханданагүй.
Израильшуудта гай гасалан тудаха
8Израилиин арад зон хүсэд болгоогүй хилээмэндэл адли болоо. Тэдэ хариин арадуудтай холилдоо. 9Хариин арад зон хүсэ шадалынь һалгаажа байна. Теэд тэдэ ойлгоногүй. Тэдэнэй үһэн сайшоо, теэд тэдэ тэрэнээ мэдэнэгүй. 10Израилиин арад зониие доромжолжо байна, теэд тэдэ Намда, Эзэн Бурхандаа, ханданагүй, туһа эринэгүй. 11Израиль тэнэг гулабхаадал иишэ-тиишээ ниидэжэ, Египет болон Ассириин хоорондуур һэнжэлзэжэ байна. 12Ябажа эхилхэдэнь, Би тэдээндэ гүльмэ губшуур хаяжа, жэгүүртэниие тэнгэриһээ унагааһандал хүмэрюулхэб! Энээн тушаа тэдэ бултадаа дуулаа: Би тэдэниие хэһээхэб!
13Намһаа холодоһондоо тэдэ гай зоболон амасаха, Намһаа буруу хараһандаа тэдэ хосорхо! Минии тэдэниие абаржа байхада тэдэ Нам тушаа худал хэлэжэ байгаа. 14Тэдэ Намда үнэнхэ зүрхэнһөө хандажа байгаа бэшэ, орон дэбисхэр дээрээ гансал хашхаралдан байгаа. Тэдэ гансал эдеэ хоолой, үзэмэй дараһан архиин түлөө сугларна, харин Намһаа холо болон байна. 15Би тэдээндэ ухаа заагаашьеб, шадалтай болгоошьеб, харин тэдэ Минии урдаһаа муу юумэ һанаашархан байгаа. 16Тэдэ Намһаа бүри холодоо. Гажанхай һурша номдол ямаршье аша туһагүй тэдэ болоо. Дээрэлхүү үгэнүүдые хэлэһэндээ удамаршадынь һэлмээр сабшагдан хосорхо. Тиихэдэнь Египедэй зон тэдэниие наадалан энеэлдэхэ.
Currently Selected:
Һошээ 7: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
