Һошээ 6
6
Израильшууд гэмшэнэ
1Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ. 2Хоёр үдэрэй удаа Тэрэ маанадые амидыруулха, гурбадахи үдэрынь бидэ бодожо эхилхэбди, тиигээд Тэрэнэй хажууда ажамидаран байхабди. 3Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».
Израильшууд Эзэнтэй баталһан хэлсээгээ эбдэбэ
4Харин Эзэн иигэжэ үгүүлбэ:
– Израиль болон Иуда, таанадта Би юу хэхэбиб? Танай үнэн шударга байдал үглөөнэй манан, түргөөр хатадаг шүүдэр мэтэ. 5Тиимэһээ Би лүндэншэдөөр дамжуулан, айладхал үгөөрөө таанадые усадхан байгааб. Тиимэһээ Минии шүүбэри шиидхэбэри задаран байгаа үүрэй толон мэтэ яларжа байгаа. 6Намда тахил тахихын орондо бусад зондо үршөөл хайратай байхатнай Намда хэрэгтэй. Намда түгэс шатаалта үргэл асархын орондо Намайе мэдэдэг зон байхатнай хэрэгтэй.
7Адаамдал адли таанад хэлсээ эбдэжэ, Намда урбаат. 8Галаад хадаа муу зоноор, алууршадаар дүүрэнхэй хото мүн. 9Хүниие агнан отожо аладаг дээрмэшэдтэл санаартадай бүлэг Шэхээм руу ошодог харгы зам дээрэ зониие алажа, муу муухай хэрэг үйлэдэдэг. 10Би Израиль соо жэгтэй муухай юумэ харанаб: арад зомни онгонуудта мүргэжэ байнал!
11Иудын арад зон, танайшье хюдуулха саг ерэхэ. Израилиин арад түмэнөө баряанһаа Би бусаахаб.
Currently Selected:
Һошээ 6: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
