Һошээ 8
8
Израиль Бүтээгшэеэ мартаба
1Аюулай дохёо үгэгты! Минии арад түмэн Намтай баталһан хэлсээгээ эбдээ, һургаалыем тообогүй. Тиимэһээ Минии газар буланда дайсад бүргэд мэтэ добтолон шуумайха. 2Гэбэшье тэдэ Нам руу хандан: «Бурхамнай, бидэ Таниие хүндэлнэбди, бидэ, Израиль, – Танай арад түмэн», – гэлдэхэ. 3Тэдэ һайн юумэ тоогоогүй шуу. Дайсан тэдэниие мүрдэн-гүрдэн байха.
4Намһаа асуунгүй, тэдэ хаашуулые өөһэдтөө табяа; Намда мэдүүлэнгүй түшэмэлнүүдые табяа; алта мүнгөөрөө тэдэ өөһэдтөө онгонуудые дархалаа, – эдэ бүгэдэһөөл тэдэ хосорхо. 5Тугалай дүрсэтэй алтан онгонһоош боложо Би шамда ехэ уурланаб, Самари! Хэзээ таанад онгон шүтээнүүдһээ бэеэ сэбэрлэхэбта?! 6Онгониие Израилиин арад зон дархалаа, уран дархан тэрэниие шудхаа, тиимэһээ тэрэ бурхан бэшэ шуу. Самариин тугал онгон бута һүрэхэ! 7Орооһоной орондо хооһон һалхи тариһандаа таанад хуй һалхи хуряажа абахат! Таряан ургахагүй, ямаршье үрэжэлгүй, хооһон таряан байха. Теэд нэгэ тэды таряанай ургабал, хариин зон тэрэниие хуряан абахал! 8Израиль ондоо арадуудай хоорондо холилдон үгы болоо. Хэндэшье хэрэггүй, эбдэрхэй тогоон мэтэ тэрэ ондоо арадуудай дунда байхал. 9Үсэрхүү зэрлиг элжэгэн мэтэ болоод, Израилиин арад зон өөһэдөө өөһэдыгөө мэдэн ябана. Тэдэ туһа эрин Ассири руу ябаа, нюуса амарагуудтаа түлбэри үгэдэгтэл тэдэ түлбэреэр нүхэсэл эреэ. 10Ондоо арадуудта бэлэг-сэлэг үгэн, нүхэсөөшье һаань, Би тэдэниие хамта суглуулаад, усадхахаб. Хаанай, түшэмэлнүүдэй хүндэ дарлалтаһаа тэдэ һаяар зобожо-тулижа эхилхэ.
11Нүгэл үйлэдэхэеэ Израилиин арад зон олон гэгшын үргэлэй шэрээнүүдые баряа, олон нүгэл хээ. 12Өөрын арад түмэндэ һургаалнуудаа тодорхойгоор бэшээб, теэд һургаалым хариин гээд тэдэ тоолоол. 13Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!
14Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.
Currently Selected:
Һошээ 8: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
