Kaaroma 9
9
ONTOPORUA 9.
Ehogororo rjotshiguna tsha Israel
1Otandi popi otshiri mu Kristus, ite popi iirombo, nehuvo rjandje rjomutima otari popirendje muujerere u’Ombepo Ondjapuki.#9:1 Ng’omuranduri gua Jesus Kristus itandi vuru okupopja iirombo. Karunga Ombepo Ondjapuki oku ri mungaje.
2Uupongo uandje uunene tuu, ngaje ndi nomeehamo ogendji momutima guandje.#9:2 Moru’eshunduro rjaaisraeli ojendji.
3Ngaje muene onda ara ndi cingue, kandi na ue Kristus, peshara rjaamuameme, mbo aakuazimo jandje panjama.#9:3 Meehapu dika omua oroka ouara eharo enene rjomuapostoli, he a hupice uo aajuda.
4Omboka aaisraeli, ja ningire aana ja Karunga, ehadimo,#9:4 Karunga sho a ri popepi na jo. eguaneno#9:4 Eguaneno rja Karunga naantu metestamente ekuru. ompango, erongerokarunga,#9:4 Erongerokarunga rjaaisraeli motempeli. nomarombuerero#9:4 Omarombuerero gokuja kuomukuriri. ogauo.
5Ootate ohauo.#9:5 Aapatriarke Abraham Isak Jakob. Mu jo mua zi Kristus opanjama, ngu e ri kombanda hajishe, oKarunga, he na simanekue arusherushe Amen.
6Ndere shoka itatshi ti, nokutja ohapu ha Karunga inahi guanicua, oshoka kaje shi aaisraeli ajeshejeshe, mba ja zi mu Israel.#9:6 Omarombuerero ga Karunga oga tsa ike paaisraeli jotshiri, nokutja paana ja Karunga.
7Otsho uo oruvaro rua Abraham kaje shi ajeshejeshe aana je.#9:7 Ojoike aana ja Abraham, mba je mu fa mehiteero rje. Otsha tiua: Mba ja zi mu Isak, ojo taa rukua oruvaro ruohe.
8Nokutja ojana jopanjama kaje shi aana ja Karunga, aaue, aana jomarombuerero taa tarua ng’oruvaro rue.
9Oshoka eehapu domarombuerero odo di: “Opecimbo tuu ndika tandi ke ja, nde Sara ta ka kara emokamati.”#9:9 Isak.
10 # 9:10 (1 Moses 18:10). Ka tsha ri ngiino na nguka ike, aaue, otsha ri uo ngiino na Rebekka, ngu a ninga omusimba komurumentu gurue, tate hetu Isak.
11Aanona je manka kua inaa varua#9:11 Esau na Jakob., inaa ninga uuhanaua nenge uuhineji, — opo ehuco rja Karunga ri ze meharo rje.#9:11 Ehuco rjehogororo rje rjokuguanica omarombuerero ge mu Jakob.
12Kari ze miironga,#9:12 Miironga iihanaua nenge iihineji ja Esau na Jakob. aaue, omeharo rjomuhicani, — #9:12 Rebekka. a rombuererue:
13Omukuruntu ota rongere onkero, ngashi tsha tshangua: “Jakob ondi mu ore, ngaje nda tonda Esau.”#9:13 Neehapu dika adishe Paulus okua ara oku tu rombuera nokutja oshenda hehogororo rjetu itatu vuru oku hi irongera niironga jetu no meenkondo detu, aaue, ho hahi kara arushe otshipeua tshotshari tshesiroshenda rja Karunga.
14Otatu ti ngiini ano? Mu Karunga omu nuugojoki nani? Tshivarerue!
15Oshoka okua rombuerere Moses: “Otandi ka sir’oshenda ngoka te sire oshenda, Otandi ka gandja ondjeerera ku ngoka te pe ondjeerera.”#9:15 (2 Moses 33:19)
16Ano okuara nokumatuka kuetu kaku notshironga, aaue, esiroshenda rja Karunga.
17Otsho tsha popirue nare ku Farao moramata: “Ngueje ue tshi icanenua, ndi urukire eenkondo dandje mungueje, edina rjandje ri uvicue muujuni aushe.”#9:17 Karunga oku’eca Farao muukukututima ue, ine mu ara ue, opo aantu ja dimburure eenkondo da Karunga.
18Ano ohe ta sire ngoka a hara oshenda, he ta kukutike ngoka a hara.
19Ngueje#9:19 Omuleshi. ano oto purandje: Otshike nduno te tu geere? Ore ta vuru okutinda eharo rje?
20Muntu ngueje, ngueje omukuatshee, sho ua ara okuumana na Karunga? Otshitshitua otatshi vuru okupura omutshiti guatsho: Otshike nduno ua tshitandje ngii?
21Nenge omurongi guiijuma ke na eenkondo deharo rje meroua, he a ronge meroua ndika rimue otshijuma tsh’oparerera tshi nuurenga, notshijuma otshikuauo katshi nehoparo?
22Karunga, sho kua a hididimike nonteni ohindji iijuma jondjashi, mbi j’oparera okujonua po, okua ara okuorora mu jo ondjashi neenkondo de.#9:22 Aaisraeli aakukutu, omboka iijuma jondjashi, oj’irongera nare egeero edigu rja Karunga. Ndere Karunga omunanteni okue j’ididimikire arushe. Nge te ja geere nena, he ta kara tshiri Karunga omujuki.
23Ndere miijuma jesiroshenda rje,#9:23 Ajeshe mba j’iteera Jesus Kristus. mbija a rongekidire ehadimo rje, okua ara okuorora uujamba uehadimo rje.
24Otsho e tu icana, ha maajuda ike, aaue, nomaapagani uo.
25Ngashi ta popi uo mu Osee: “Ond’ara okuruka otshiguana tshandje, shoka ka tsha ri otshiguana tshandje, omuhorike guandje, ngoka ka ri omuhorike guandje, nakusiruoshenda, ngoka kua ri ina sirua oshenda.
26Ponima mpoka ja rombuerua: “Kamu shi otshiguana tshandje,” opo mpoka taa zi okurukua aana ja Karunga omunamuenjo.#9:26 Omuprofeti Osee mpano ota popi etuumbo rjaapagani motshiguana tsha Karunga, nokutja etuumbo rjauo meklesia.
27Isaias oku’igidire ta popi Israel: “Ngeno okua omujaru guaana j’Israel gu cike pehekevi rjokefuta, ando otshihupe ike tatshi k’upicua.
28Oshoka ota guanica ohapu he nzijanzija muujuki ue. Eno, Muene ota ka guanica nzija ohapu he kombanda hevi.”#9:28 (Is 10:22)
29Otsho uo Isaias a shunganekere a tire: “Ngeno okua Muene gueengundu daakuiita ine tu cigira otshihupe,#9:29 Motshiguana tshaajuda omua ri aatshona ike, mba j’upicirue moru’ehiteero, mba ja mon’eguanico rjomarombuerero, okutja aapostoli naarongua jauo. ando tua ningi tua fa Sodoma, no tua ningua ngashika Gomorrha.”#9:29 (Is 1:9)
30Otatu ti ngiini nduno? Aapagani mba inaa rarakanena uujuki, oja mon’uujuki, nokutja uujuki uomehiteero.
31Ndere Israel okua rarakanena ompango huujuki, ina mona ompango huujuki.#9:31 Oja arere ike okumona uujuki mokuguanica ike eehapu dompango ha Moses.
32Otshike? Oshoka inaa hara ku u mona meenkondo dehiteero, aaue, omeenkondo diironga jauo. Oj’ipuma kemanja rjepunduko.#9:32 Inaa hara okugama ku Jesus Kristus.
33Ngashi etshangua rja tire: “Tara otandi tura mu Sion emanja rjokuipuma, nemanja rjepunduko. Ndere keshe ngu e mu iteera, ita ka kana.#9:33 Mpano omuprofeti ota popi Jesus Kristus.
Omission Heklesia Ekatolika, 1951. Namibian Catholic Bishops Conference.