Kaaroma 8
8
ONTOPORUA 8.
Ekuaco rjoshenda ha Kristus.
1Nena nduno kapu neshunduro ue rja mboka je ri mu Kristus Jesus, kaa vurika kuuharu uonjama.
2Oshoka otshipango tshombepo#8:2 Oshenda ha Karunga ndji tahi tu pe eenkondo dokusinda uurunde. ndji tahi tu pe omuenjo mu Kristus Jesus, otsha mangururandje kotshipango tshuurunde no tsheso.
3Shoka tsha njenga ompango#8:3 Ompango ha Moses ha njengerue okukurira aantu kuurunde., sho ha ri kahi neenkondo monjama,#8:3 Moru’eenkondo eenene duuharu uorutu. otsha rongua ku Karunga: Okua tuma Omona gue morupe ruonjama huurunde no moru’uurunde, he a pangura uurunde monjama he.
4Otsho pua guanicua musse eharo rjompango, sho katu enda ue panjama, aaue, opambepo.#8:4 Itatu ende ue keharo rjorutu, aaue, okeharo rja Karunga.
5Aakareri jonjama ohaa kongo shoka tsh’oparera onjama.#8:5 Mba je ri meenkondo duuharu uorutu. Aakareri jombepo haa kongo shoka tsh’oparera ombepo.#8:5 Mba je ri meenkondo doshenda ha Karunga.
6Eenkembadaro donjama odo eso, eenkembadaro dombepo odo omuenjo nombiri.
7Oshoka eenkembadaro donjama odi nondumbo na Karunga, itadi vurika kompango ha Karunga, nde itadi vuru oku tshi ninga.
8Aakareri jonjama kaa pandikua ku Karunga.
9Ne kamu shi ue aakareri jonjama, aaue, ojombepo, nge omu na ombepo ha Karunga meemtima deni. Keshe ngu ke nombepo ha Kristus, ohe ke shi gue.
10Ndere Kristus nge oku ri mune,#8:10 Oku ri musse noshenda he. nena tshiri orutu aru kara taru si moru’uurunde, nde ombepo oho omuenjo moru’uujuki.
11Na nge ombepo ha ngu a jumuda Jesus kuusi, hi ri mune, nena ngu a jumuda Jesus Kristus kuusi, ota ka jumuda uo komuenjo omarutu geni omasi moru’ombepo he ndji hi ri mune.
12Ano jamuameme, katu shi aanankuma jonjama, sse tu kare po panjama.
13Oshoka nge tamu kara panjama, omu nokusa. Ndere uuharu uorutu, nge tamu u dipaga nombepo,#8:13 Onoshenda ha Karunga. otamu kara mu nomuenjo.
14Oshoka ajeshe mboka haa hendicua kombepo ha Karunga, ojo aana ja Karunga.
15Oshoka ne inamu peua ombepo huupika, mu kare itsheue muumbanda, aaue, omua peua ombepo ndji hahi mu ningi ojana, mu ndjoka hatu igida: Abba tate.
16Ombepo#8:16 Ombepo ha Karunga. oho hene tahi okororere ombepo hetu nokutja osse aana ja Karunga.
17Ndere nge ojana, nena aacigururi uo, aacigururi ja Karunga, ss’aacigururi puamue na Kristus. Nge atu ididimike na he, ss’atu ka adimicua uo puamue na he.#8:17 Ss’otu nokufa Jesus Kristus mokuumbata uudigu uetu, sse tu mu fe uo mehadimo rje.
18Ngaje ondi tshi: Omeehamo guujuni uonena kage tshi kuerekua nehadimo ndjoka rjokomesho tari k’oroka musse.
19Oshoka iitshitua ja tegerera nejeeruko ehoroko ndika#8:19 Ehoroko rjehadimo rja Karunga. maana ja Karunga.
20Iitshitua oja gandjua uo mejonuko ha keharo rjajo jene, aaue, okeharo rja ngoka e ji gandja mejonuko, noku ji cigira etegerero.#8:20 Kaa shi ike aantu ja kana moru’uurunde, niitshitua iikuauo ajishe oja gandjua uo mejonuko moru’uurunde uaantu. Ndere etegerero rjehitshitururo rjo rjehadimo rjajo inari dimua po.
21Oshoka iitshitua otaji ka mangururua uo kuupika uejonuko, jo taji ka mona emanguruko ekumici rjaana ja Karunga.#8:21 Iitshitua iikuauo kaji karerere mejonuko, jo naji adimicue uo.
22Oshoka otu tshi tshi nokutja iitshitua ajishe ohaji keme, jo ji neceto rjokuvara sigo ongashingi.#8:22 Miitshitua iikuauo omu na uo ejeeruko neenkembadaro kehadimo.
23Ha jo ike aaue, nasse uo mba tua peua uutango u’omagano g’Ombepo#8:23 Omagano ga Karunga Ombepo Ondjapuki., ano nasse jene atu keme meni rjetu, sse tua tegerera etuumbo rjetu ng’aana ja Karunga mekuriro rjorutu ruetu.#8:23 Shoka otatshi ka guanicua mepanguro rja shugunina, omarutu getu nge taga jumudua.
24Ss’otu’upicua ketegerero rjetu. Etegerero ndi orja guanicua, kari shi ue etegerero. Itatu vuru okutegerera tsha, shoka tsha guanicua nare.
25Ndere nge tua tegamena tsha shoka katshi uetikue manka, sse otue tshi tegerera nonteni.
26Otsho uo Ombepo ohahi kuaca uunkundi uetu, oshoka sse katu tshiuo, shoka tshi nokuindirua na sho tsh’opara. Nena Ombepo ho hene otahi tu garikanene neemkemo kadi tshi kutumburua.#8:26 Karunga Ombepo Ondjapuki omurongi guetu no momagarikano getu. Sse otua pumbua ekuaco rje muuhanaua aushe. He te tu garikanene nomagarikano kage na eehapu daantu.
27Omukonakoni gueemtima oku tshi shoka Ombepo tahi indire, sho tahi popire aajapuki paharo rja Karunga.
28Sse otu tshi tshi uo nokutja iinima ajishe otaji oparere mboka je ore Karunga, omboka j’icanua kuujapuki kehuco rje.#8:28 Iinima ajishe, niishuna nuudigu otaji oparere mboka je ore Karunga. Jo taji ja kuaca kerago rjauo rjarushe.
29Mboka a tshiua nare, he e ja uca uo nare, ja fe Omona gue kotshoorerua tshe, he a ninge omutango mokati kaamuahina ojendji.#8:29 Nasse uo otu ri mokati ka mboka ja rombuererue nare ku Karunga, nge tua fa Jesus mokuorera otshoorerua tshe.
30Mba a huca nare, he e j’icana uo. Aahicanua he te ja pe uujuki. Aajuki he te j’adimica uo.
31Sse natu tje ngiini? Karunga nge ta kara nasse, ore ta vuru oku tu jona.
32Nge ina upica Omona gue, he te mu gandja moruetu, ine tu pa nani atshishetshishe mu he?
33Ore ta vuru okuumaneka aahogororua ja Karunga? Karunga ngu te ja pe uujuki?
34Ore te ja pangurire ekano? Jesus Kristus ngu a sire nde a jumuka, ta kaatumba korurjo rua Karunga, nde te tu popire?
35Ore ano ta vuru oku tu kuca mohore ha Kristus? Uudigu, uumbanda, ondjara, orueepo rueenguuo, etidatido, etiro rjokutira iishuna jokomesho, egongamuere?#8:35 Pokudiradira iironga iinene ja Jesus, ohore hetu hokuora Jesus oha temua musse, ndji itahi dimua po ue kuudigu mbu nenge mbuija.
36Ngashi tsha tshangua: “Moru’ohe atu ka dipagua arushe. Ss’atu ka tarua ng’eenzi di adi tserua.”#8:36 Eehapu dika oda tsa paakriste jotango, mba ja dipagua orundji moru’ehiteero.#8:36 (Ps 43:22)
37Ndere miinima mbi ajishe atu ka sinda morua ngoka e tu ore.#8:37 Muudigu aushe katu ka rimbirirua moru’ohore hetu hokuora Jesus no moru’ekuaco rje.
38Oshoka ondi tshi tshi tshiri tshiri, ha eso nenge omuenjo, h’aajengeli nenge omapangero, nenge omanankondo, ha mbika jonena nenge mbika jokomesho, ha uufure.
39Ha mbika jokombanda nenge jomoshi, nenge otshitshitua tshirue tatshi vuru oku tu kuca mohore ha Karunga, ndji hi ri mu Kristus Jesus Muene guetu.#8:39 Ohore hetu hokuora Jesus itahi vuru okudimua kotshinima tshopondje. Eharo rjetu jene, orjoike tari vuru oku tshi ninga.
Omission Heklesia Ekatolika, 1951. Namibian Catholic Bishops Conference.