Kaaroma 10
10
ONTOPORUA 10.
Ondjo hotshiguana tsh’Israel
1Jamuameme, eharo rjomuenjo guandje, negarikano rjandje orjo ndika: okutja j’upicue.#10:1 Okutja aaisraeli.
2Ondi nokuepurura nokutja oje nerama rjokukarera Karunga, ndere kaje nokutshiua kuotshiri.#10:2 Nokutja ecimbo rjetestamente ekuru orja shura po, rjo rja guanicua mu Kristus.
3Sho inaa dimburura uujuki ua Karunga, j’itura ouara uujuki uauo jene,#10:3 Jo ja ara okuninga aajuki moru’iironga jauo jene jompango, kaa nehiteero. jo inaa ninga aajuki keharo rja Karunga.
4Oshoka ecikiro rjompango orjo Kristus, ngu ta pe keshe, ngu e nehiteero, uujuki.#10:4 Ompango ha Moses kahi notshironga, nge itahi uka ku Kristus, na nge itahi shurire mu he. Ehiteero rjokuiteera Kristus niironga homehiteero ndika, ojo taji tu pe uujuki.
5Oshoka Moses okua tshanga ta popi uujuki uokompango: Kesh’omuntu, ngu te hi guanica, ota kara nomuenjo ku ho.”#10:5 Momambo ga tshangua ku Moses.
6Ndere uujuki uokehiteero otau popi ngaano: “Ino popja momutima guohe: ore ta ka ronda keguru” nokutja a ka tare Kristus.
7Nenge, “ore ta rondoroka ta hi muure uomoshi?” nokutja oku kuca Kristus motshirongo tshaasi.
8Ndere momambo omajapuki omua tshangua tshee?: “Ohapu ohi ri popepi nangueje, mokana kohe no momuenjo guohe”, okutja ohapu hokehiteero, ndji atu uvica.#10:8 Nokuokorora eehapu da Moses, Paulus ote tu urukire nokutja Moses oku’uvicire aaisraeli uujuki uokompango nuujuki uokehiteero.
9Oshoka nge ua epurura nokana kohe nokutja Jesus ohe Muene, nge u’iteera nomutima guohe nokutja Karunga e mu jumuda kuusi, nena ngueje oto k’upicua.
10Ehiteero rjomuenjo ari gandja uujuki, nehepururo rjokana ari gandja ehupico.
11Omambo omajapuki taga ti: “Keshe ngoka e mu iteera, ita ka kana.”#10:11 (Is 28:16)
12Oshoka kapu nejoororo pokati kaajuda no kaapagani. Gumuike Muene guajeshe, ngu ta pe ajeshe, mba je mu indire, uujamba ue.
13Keshe ngu t’icana edina rja Muene, ohe t’upicua.
14Ndere otaa kugu ngiini ku ngoka inaa mu iteera? Oja ara oku mu iteera ngiini, nge inaje mu uva? No ja ara oku mu uva ngiini, nge inaa huvicua?
15Ore ta vuru okuuvica, nge ina tumua?#10:15 Ojoike je nepitiko rjokuuvica ehiteero, mba ja tumua ku Jesus Kristus no kaapostoli no kaaranduri jauo, nokutja omba ja tumua keklesia rja Jesus Kristus. Ngashi tsha tshangua: “Od’opara tshiri eempadi da mboka haa huvica ombiri, haa heta ekundano rjenjanju.”#10:15 Evangelium.#10:15 (Is 52:7)
16Ndere kaje shi ajeshe, mba j’iteera evangelium, oshoka Isaias ta ti: “Muene, ore nduno a hiteera ehuvico rjetu?”#10:16 (Is 53:1)
17Ano ehiteero hari zi mehuvico, nokutja mehuvico rjokeharo rja Karunga.
18Nena ote pura: Jo inaa huva tsha? Otshiri! “Eui rjauo rja kugagana mevi arishe, ohapu hauo ha ada eengamba duujuni.”#10:18 (Ps 18:5.) #10:18 Aajuda itaa vuru okuipopira taa ti: “Inatu uva eehapu dehiteero. Do d’uvicua apeshe, ngashi tsha shunganekerue nare momapsalmi.
19Ote pura itsheue: Israel ine tshi uva ko? Moses okua ti nokuri: “Otandi mu ningi mu sire otshiguana okasheshe, sho katshi shi otshiguana. Otandi mu tsitsimikire otshiguana shi katshi neendunge, ondjashi.”#10:19 Aajuda kaa nehipopiro, oshoka aapagani, mba kaa neendunge domiinima ja Karunga, ngashi aajuda, oj’uvu ko eehapu da Karunga. Moru’ehiteero rjaapagani, aajuda oja kuatua kokasheshe no kondjashi.
20 # 10:20 (5 Moses 32:21) Isaias ta popi eehapu da taatara, sho ta ti: “Ngaje otandi ka monikua ku mboka inaa kongandje, ngaje te ka ororerua mboka inaa purandje.”#10:20 Aapagani oja mona Kristus nzija nanto inaa huvicirua arushe omarombuerero ga Karunga ngashi aajuda je g’uvicirua.#10:20 (Is 65:1)
21Ku Israel ta ti: “Nananana onda far’omake gandje kotshiguana, shi katshi nehiteero, tsha runduka.”#10:21 (Is 65:2)
Omission Heklesia Ekatolika, 1951. Namibian Catholic Bishops Conference.