Kaaroma 15
15
ONTOPORUA 15.
Omakumagido gomuapostoli
1Sse aanankondo tu notshipango tshokuumbata uunenguni uaankundi, katu ronge ike shoka atshi tu oparere sse jene.
2Keshe gumue guomokati keni na kuace mukuauo kekoreko rje rjomuuhanaua.
3Otsho Kristus ina ronga ike shoka tshe mu oparera he muene, aaue, ngashi tsha tshangua: “Omatsheko ga mboka je ku tsheke#15:3 Karunga Tate. ogo ga guirendje,”#15:3 (Ps 68:10)#15:3 O Jesus Kristus muene ta popi mokana komuprofeti David. Eno Jesus Kristus oku’umbata momeepeko no momutshigakano gue egeero rjomatsheko, nge aantu ja tsheka na go Karunga.
4Oshoka atshishe shoka tsha tshangua, otsha tshangerua erongo rjetu, sse tu mone momambo omajapuki onteni nehekererico, ndi ari tu pe etegerero.
5Ndere Karunga kehididimiko ko kehekererico ne mu kuace, mua tsompangera himue keharo rja Jesus Kristus.
6Ne amushe mua fa mu nokana kumue mokuamberera Karunga Tate, She ha Muene guetu Jesus Kristus.
7Kuacacaneni ano ngashi Kristus e mu kuaca uo kesimaneko rja Karunga.
8Andi ti: Kristus okua ningi omupija guefukareko, opo a guanice otshiri homarombuerero ga Karunga, nga ga gandjua kootate.#15:8 Jesus Kristus okua fukarekua uo, opo a guanice omashuganeko ga Karunga nokutja omukuriri ta k’oroka motshiguana tshaajuda.
9Ndere aapagani ohaa hamberere Karunga moru’esiroshenda rje#15:9 Aajuda oja tuumbua ku Karunga moru’omarombuerero. Aapagani oja tuumbua moru’esiroshenda. ngashi tsha tshangua: “Ano otii ku simaneke Muene mokati kaapagani, rjo edina rjohe otii ri imbire ehamberero.#15:9 (Ps 17:50)
10Ndere itsheue oramata otahi ti: Njanjukueni ne japagani puamue notshiguana tshe.”#15:10 (5 Moses 32:43)
11Ho ahi ti itsheue: “Amberereni Muene ne japagani amushe, jo iiguana ajishe naji mu tange.”#15:11 (Ps 116:1)
12Otsho uo Isaias ota ti: “Momudi Jesse tamu tutuma ngo ta ka pangera iiguana. Aapagani oje mu tegerera”.#15:12 Omuprofeti Isaias mpano ota popi Jesus Kristus. Jesse oshe homukuaniirua David. Ndere Jesus Kristus omukuazimo gua David.#15:12 Is 11:10.
13Karunga ketegerero ne mu ude enjanju arishe nombiri hokehiteero, ne mu kare netegerero rja guanenena meenkondo d’Ombepo Ondjapuki.
14Jamuameme, morueni kandi nomarimbiriro nokutja omua uda ohore neendunge, ne tamu vuru okukumagidacana ne jene.
15Jamuameme, onde tshi aneka metshango rjandje moru’oshenda ndji nda peua ku Karunga, ngaje ndi mu dimburuce atshishe.
16Okutja ngaje omupija gua Jesus Kristus paapagani muukarere uujapuki uevangelium rja Karunga, aapagani opo ja ninge egano rja pandikua ku Karunga, rja japurua k’Ombepo Ondjapuki.
17Ano shoka otsha tsa piironga mbi ja Karunga, ngaje tandi vuru okuitangera mu Jesus Kristus.#15:17 Jesus Kristus, ohe muene a hicana Paulus omuapostoli guaapagani, he te mu pe uo eenkondo dokuronga iironga iinene ja Karunga.
18Ngaje kandi nomukumo guokupopja sho Kristus ina rongicandje, opo aapagani ja farue mevuriko neehapu no niironga.
19No meenkondo domadidiriko do diinjengandunge no meenkondo da Karunga Ombepo Ondjapuki. Otsho ngaje nd’uda atshishe nevangelium rja Jesus Kristus okuza kotshirando Jerusalem no muutshiinda uatsho sigo okotshirongo Illiria.
20Ndere apeshe mpo edina rja Kristus kua rja uvicua nare#15:20 Kaapostoli jarue nenge kaarongua jauo. ngaje inandi uvicira po evangelium, oshoka inandi ara okutunga#15:20 Okutja okutota egongaro rjeklesia nokuuvica eehapu da Karunga. peshara ndi kari shi rjandje. Otsha tshangua:
21“Mboka inaje mu uvicirua, ojo taje mu mono. Na mboka inaa huva tsha, otaa ka tshiua.”#15:21 Paulus okua guanica omashunganeko ngaka ga Isaias.
22 # 15:22 (Is 52:15) Otsho ngashi orundji, ohe imbiua nanena okuja kune.
23Ndere eshara rja tja ngaaka#15:23 Eshara mpoka evangelium rja Jesus Kristus inari uvicua manka. kari po ue miirongo mbika, nde ngaje ondi nejeeruko rjokuja kune eemvo odindji nokuri.
24Nena ondi netegerero rjoku mu mona, nge ndi ri mondjira hoku ha ku Spania, ne mu cindikirendje ko, nge nda kururukua tango kokukara kuandje nane.
25Ngashingika andi hi ku Jerusalem, ngaje ndi kuacere aajapuki.#15:25 Aakriste jomu Jerusalem ja ri noruhepo.
26Oshoka mboka jomu Makedonia no jomu Akaia oj’uvacanena okugongera aacigona jomaajapuki mu Jerusalem iikuaco.
27Oje tshi arere tshiri. Jo uo aanankuma jauo.#15:27 Aakriste mba ja zi muupagani ojo aanankuma jaakriste aajuda, oshoka ehupico rjauo rja zi maajuda. Ongashi aapagani ja peua otshitoporua tshauo muuhanaua uopambepo, otsho uo je noku ja kuaca uo niinima joparutu.#15:27 Ngashi aajuda ja kuaca aapagani nomagano gomuenjo, okutja nehiteero rjotshiri, otsho uo aapagani je nokukuaca aakriste aajuda jomu Jerusalem nomagano gorutu.
28Shoka nge nde tshi uca naua, ngaje nde ja gandjera iinima ja gongerua, ote hi nduno ku Spania, te tokora pune.
29Ondi tshi tshi, nge andi ja kune, ngaje andi ke ja nehudo rjejambeko, ndi rja za mevangelium rja Kristus.
30Otsho ano andi mu indire, jamuameme mu Jesus Kristus Muene guetu, no mohore h’Ombepo Ondjapuki, ne mu kuacerendje pu Karunga nokugarikanenandje.
31Opo ndi upicue ku mboka jomu Judea, kaa nehiteero, omagano gandje gekuaco ga tuumbue naua kaajapuki jomu Jerusalem.
32Okuza hoka onda ara oku ja kune nenjanju, Karunga nge e tshi ara, ndi korekue momuenjo mokati keni.
33Karunga kombiri na kare nane amushe Amen.
Omission Heklesia Ekatolika, 1951. Namibian Catholic Bishops Conference.