Kaaroma 16
16
ONTOPORUA 16.
Omakundiro nomakumagido
1Otandi tura mohore heni omumuameme omukiintu Foibe, omujakuri guegongaro rjomu Kenkrea.#16:1 Foibe ohe a farere ombrife ndjika ku Roma anuua.
2Mu tuumbeni mu Muene ngashi tsh’oparere aajapuki. Miironga je ajishe, moka a pumbua ekuaco rjeni, mu kuacereni, ngashi he muene a kuaca uo ojendji, nangaje uo.
3Otamu kundu#16:3 Tara embo rjiironga jaapostoli (18:2) Priska na Akuila. Oja ronga puamue nangaje mu Kristus Jesus.
4Kehupico rjomuenjo guandje jo ja ara okugandja ocingo hauo. Hangaje ike aaue, nomagongaro ageshe gaapagani oge ja panda.#16:4 Oja ara okuupica omuenjo gua Paulus, aantu sho ja ara oku mu dipaga, nokugandja eemuenjo dauo.
5Kundireni po egongaro rja gongara mondjugo hauo. Kundireni po Epenetus omuhorike guandje. Ohe omutango gua Kristus mu Asia.#16:5 Omukriste guotango mu Asia.
6Otamu kundu Maria, ngu kua a pijagana unene morueni.
7Kundireni po Andronikus na Junias, aakuazimo jandje, eenkuate eenkuetu. Oja simana mokati kaapostoli, je vurendje mecimbo rjauo rjokukara mu Kristus.
8Otamu kundu Ampliatus omuhorike guandje mu Muene.
9Ekundo rjandje ku Urbanus, ngu a ronga puamue nangaje mu Kristus, na Stakis omuhorike guandje.
10Otamu kundu Apelles, h’omuhorike mu Kristus.
11Kundireni po mboka jomondjugo ha Aristobolus. Kundireni po Herodion omukuazimo guandje. Kundireni po mboka jomaandja Nartsissus, mba je ri mu Muene.
12Ekundo rjandje ku Trifena na Trifosa, mba taa rongere Muene. Kundireni po Persis omukiintu omuhorike. Okua ronga ojindjijindji mu Muene.
13Otamu kundu Rufus,#16:13 Omona gua Simon omukireni, ngu a humbatera Jesus omutshigakano. (Markus 15:21) h’omuhogororua mu Muene, na hina, ngoka meme uo.
14Kundireni po Asinkritus, Flegon, Hermas Patrobas, Hermes naamuameme jakuauo, mba je ri pu jo.
15Ekundo rjandje ku Filologus na Julia, Nereus nomumuahina omukiintu, na Olimpias naajapuki ajeshe, mba je ri puamue na jo.
16Kundiracaneni po nokucipa okujapuki keemrungu. Otamu kundua komagongaro ageshe ga Kristus.
17Otandi mu indire jamuameme, kotokereni ajeshe, mba taa k’eta omatopokacano nomapuko, mba je nondumbo nomarongo nga mua rongua. Ja’angareni!
18Aantu ja tja ngaaka kaa karera Jesus Kristus, aaue, era rjauo. Otaa pukica eemtima daagoua neehapu eentoue no nomambembereko.
19Evuriko rjeni orja tshiuika apeshepeshe. Otsho ngaje nde mu njanjukirua. Ndere ngaje onde mu arera uunkurungu muuhanaua aushe, nuugoua muuhineji.
20Karunga kombiri na rjatagure nzija omusatana koshi heempadi deni. Oshenda ha Muene guetu Jesus Kristus nahi kare puamue nane.
21Timoteus ote mu kundu, omukuaci guandje, naakuazimo jandje Lutsius na Jason na Sosipater.
22Ongaje Tertius omutshangi guombrife ndjika, andi mu kundu mu Muene.#16:22 Tertius, ohe a tshangere eehapu dika e di rombuerua ku Paulus. Paulus sho a muena katshona, Tertius okua gueda ko nzija ekundo rje.
23Gajus ngu a tuumbandje mondjugo he, ote mu kundu. Negongaro arishe otari mu kundu. Erastus omupangeri guiimariva jotshirando no mumuameme Kuartus taje mu kundu.
24Oshenda ha Muene guetu Jesus Kristus nahi kare puamue nane amushe Amen.
25Ngoka e neenkondo doku mu koreka#16:25 Eenkondo dokukoreka mehiteero rjokuiteera evangelium. mevangelium rjandje#16:25 Eehapu di d’uvicua komuapostoli Paulus mombrife he. no mehuvico rja Jesus Kristus, no mehororo rjotshoorekua, sho tsha kara tsh’orama okuza komacimbo garushe#16:25 Otshoorekua tshekuriro rjetu tsh’ororua ku Jesus Kristus..
26Shi tsh’ororua ngashingika momambo gaaprofeti, no keharo rja Karunga karushe tatshi uvicua piiguana ajishe, jo je tshi iteera nevuriko.
27Karunga nguka ohiike omunandunge, ohe na simanekue, he na tangue morua Jesus Kristus arusherushe Amen.
Omission Heklesia Ekatolika, 1951. Namibian Catholic Bishops Conference.